Exodo 30:35 - Marahay na Bareta Biblia

³⁵ Siring sa sarong paragibo nin pahamot, saralakon mo iyan tanganing magibong insenso. Asinan mo tanganing magin malinig saka banal.

Exodo 30:35 ပူးပေါင်းရင်းမြစ်များ

1 Mga Hade 1:39

Kinua sa Tabernakulo kan padi na si Zadok an laogan kan lana nin oliba asin linahidan si Solomon. Pinatanog ninda an trompeta asin kuminurahaw an gabos na tawo, “Mabuhay si Hadeng Solomon!”

1 Mga Cronica 9:30

Alagad an mga padi iyo an namahala kan paghalo kan mga pahamot.

Salmo 133:2

Kabaing iyan sa mahalagang lana na panlahid, na nagbubulos hale sa payo asin barabas ni Aaron, pasiring sa kwelyo kan saiyang gubing.

Exodo 28:41

Gubingan mo kaiyan si Aaron na saimong tugang asin an saiyang mga aki, dangan lahidan mo sinda nin lana, ordenan saka konsagrahon, tanganing maglingkod sinda sako bilang mga padi.

Exodo 30:25

asin siring sa sarong paragibo nin pahamot, saralakon mo iyan tanganing magibong banal na lanang panlahid.

Exodo 30:34

Nagtaram an Kagurangnan ki Moises, “Kumua ka nin parareho kadakul na mga pahamot na estakte, onise, galbano asin purong kamangyan.

Exodo 30:36

Pulboson mo an dikit kaiyan asin darahon mo sa Tabernakulo dangan ibugtak sa atubang kan Kaban nin Tipan, saen tatagboon taka. Midbidon nindo na orog kabanal an insensong ini.

Mga Talinhaga 27:9

An lana asin an pahamot nagpapaogma sa puso, alagad an kahandalan nagpapagabat sa isip.

Awit nin mga Awit 1:3

Igwa ka nin hamot na nalalaen nanggad; an saimong ngaran nagpapagiromdom kaiyan. Kaya namomotan ka kan mga babae.

Awit nin mga Awit 3:6

Ano ining nagdadangadang hale sa kalangtadan na arog sa sarong hariging aso, na namamarong nin insenso asin mira, an insensong ipinapabakal kan mga negosyante?

Levitico 16:12

Makua siya nin insensaryo na pano nin baga na hale sa altar saka duwang gugom nin pinong insenso. Dadarahon niya ini duman sa Kabanal-banaleng Lugar

Levitico 2:13

An gabos na dolot na gibo sa arina kaipuhan may timplang asin. An asin iyo an tanda kan tipan na satong ginibo. (Kaya bugtakan nindo nin asin an gabos nindong dolot.)

Juan 12:3

Nagkua si Maria nin kabangang litro nin mahalon na pahamot na nardo saka inula iyan sa mga bitis ni Jesus. Dangan pinahidan niya ini kan saiyang buhok. Napano kan hamot an bilog na harong.