Exodo 30:33 - Marahay na Bareta Biblia

³³ An siisay man na maggibo nin lanang arog kaini o maglahid kaini sa bako man padi, dai na ibibilang na kaayon sa sakong banwaan.’”

Exodo 30:33 ပူးပေါင်းရင်းမြစ်များ

Genesis 17:14

An siisay man na lalaki na bakong serkomsisyonado dai ibibilang na kaayon sa sakong banwaan, huli ta dai niya inotob an pakipagtipan sako.”

Exodo 12:15

Nagtaram an Kagurangnan, “Pitong aldaw kamong magkakan nin tinapay na mayo nin lebadura. Sa enot na aldaw, hahaleon nindo an gabos na lebadura sa saindong mga harong huli ta an siisay man na magkakan nin tinapay na igwa nin lebadura sa laog kan pitong aldaw na iyan, dai ko na ibibilang na kaayon sa sakong banwaan.

Exodo 12:19

Sa laog nin pitong aldaw, kaipuhan na daing makuang lebadura sa saindong mga harong huli ta an siisay man, Israelita o dayuhan, na kumakan nin tinapay na igwa nin lebadura, dai ko na ibibilang na kaayon sa sakong banwaan.”

Exodo 29:33

Kakakanon ninda an dolot para sa pagpatawad kan kasalan kan sinda konsagrahon asin ordenan. Mga padi sana an makakan kan mga pagkakan na ini huli ta ini banal.

Exodo 30:34

Nagtaram an Kagurangnan ki Moises, “Kumua ka nin parareho kadakul na mga pahamot na estakte, onise, galbano asin purong kamangyan.

Exodo 30:38

An siisay man na gumibo nin insenso na arog kaini tanganing gamiton na pahamot, dai na ibibilang na kaayon sa sakong banwaan.”

Exodo 31:14

Otobon nanggad nindo an aldaw nin pahingalo, huli ta iyan banal. Gagadanon an siisay man na maglapas kaiyan asin magtrabaho sa aldaw na iyan.

Levitico 17:10

Kun an sarong Israelita o dayuhan na nakikihimanwa sainda magkakan nin karne na igwa pa nin dugo, siya magigin kaiwal nin Kagurangnan asin dai na ibibilang na kaayon sa saiyang banwaan.

Levitico 17:14

An buhay kan arin man na linalang yaon sa dugo kaiyan kaya nagtaram an Kagurangnan sa mga Israelita, na dai nanggad sinda magkakan nin karne na igwa pa nin dugo, asin an siisay man na gumibo kaiyan, dai na ibibilang na kaayon sa saiyang banwaan.

Levitico 17:9

asin dai iyan darahon sa may pintoan kan Tabernakulo tanganing ikadolot sa Kagurangnan, dai na ibibilang na kaayon sa banwaan nin Dios.

Levitico 18:29

Huli ta an siisay man na gumibo kan arin man sa mga karigsokan na iyan, dai na ibibilang na kaayon sa banwaan nin Dios.

Levitico 19:8

An siisay man na magkakan kaiyan, magkakasala huli ta ginibo niyang ordinaryo an sarong bagay na banal, asin dai ko na siya ibibilang na kaayon sa sakuyang banwaan.

Levitico 20:17

Kun agomon nin sarong lalaki an saiyang tugang na babae o maski an tugang niya sa ama o ina, guminibo sinda nin makasosopog na bagay asin maninigo na sopogon sa mata kan publiko dangan pahaleon sa komunidad. Dinorogan niya an saiyang tugang na babae asin dapat na padusahan.

Levitico 20:18

Kun an sarong lalaki nakidorog sa sarong babaeng nareregla, papahaleon sinda sa komunidad huli ta linapas ninda an mga pagsusundon manongod sa pagigin maati.

Levitico 20:3

Magigin kaiwal ko siya asin dai na ibibilang na kaayon sa sakuyang banwaan, huli ta dinidigtaan niya an sakong Tabernakulo asin sinosopog niya an sakong ngaran sa pagtao kan saro niyang aki ki Molec.

Levitico 22:3

Kun an siisay man sa saiyang kapagarakian sa gabos na henerasyon, mantang maati, magdolok sa banal na mga dolot na dinara sako kan mga Israelita, siya dai na nanggad makapaglilingkod sa altar. Ako an Kagurangnan.

Levitico 23:29

An siisay man na magkakan nin ano man sa aldaw na iyan dai na ibibilang na kaayon sa sakuyang banwaan.

Mga Bilang 15:30

Alagad gagadanon an tawong tuyong nagkasala, Israelita man o dayuhan, huli ta dai niya ginalangan an Kagurangnan.

Mga Bilang 15:31

Isinikwal niya an tataramon nin Kagurangnan asin tuyo niyang linapas an saro kan mga pagboot nin Kagurangnan. Siya an babasolon kan saiyang kagadanan.

Mga Bilang 19:13

An magduta sa tawong gadan asin dai maglinig kan saiyang sadiri, magdadanay na maati huli ta dai inula saiya an tubig na panlinig. Dinigtaan niya an Tabernakulo nin Kagurangnan, asin dai na siya ibibilang na kaayon sa banwaan nin Dios.

Mga Bilang 19:20

Alagad an tawong nagin maati asin dai maglinig kan saiyang sadiri magdadanay na maati huli ta dai inula saiya an tubig na panlinig. Dinigtaan niya an Tabernakulo nin Kagurangnan asin dai na siya ibibilang na kaayon sa banwaan nin Dios.

Mga Bilang 4:18

“Dai nindo pagbayaan an kamaganakan ni Kohat

Mga Bilang 9:13

Alagad kun an tawong malinig asin dai nasa pagbaklay, magpabaya kan pagselebrar kan Paskwa, dai na siya ibibilang na kaayon sa sakuyang banwaan, huli ta dai niya idinolot sa talaan na panahon an dolot sa sako. Magdudusa an tawong iyan huli kan saiyang kasalan.