Exodo 30:23 - Marahay na Bareta Biblia

²³ “Kumua ka kan pinakamarahay na mga pahamot: anom na kilong likidong mira, tolong kilo kan mahamot na kanela, tolong kilo kan mahamot na kalamo

Exodo 30:23 ပူးပေါင်းရင်းမြစ်များ

1 Mga Hade 1:39

Kinua sa Tabernakulo kan padi na si Zadok an laogan kan lana nin oliba asin linahidan si Solomon. Pinatanog ninda an trompeta asin kuminurahaw an gabos na tawo, “Mabuhay si Hadeng Solomon!”

1 Mga Cronica 9:29

An iba sainda iyo an pinamahala kan banal na mga kagamitan, asin man kan arina, arak, lana nin oliba, insenso, saka mga pahamot.

1 Mga Cronica 9:30

Alagad an mga padi iyo an namahala kan paghalo kan mga pahamot.

Salmo 45:8

An saimong mga gubing namamarong nin mira, aloe asin kasia; rinaranga ka kan mga musiko sa mga palasyong marpil.

Exodo 25:6

lana para sa mga ilawan; pahamot para sa panlahid na lana asin para sa insenso;

Exodo 30:22

Nagtaram pa an Kagurangnan ki Moises,

Exodo 30:24

asin anom na kilong kasia (ini gabos sosog sa kinaugalean na timbang kan Tabernakulo). Kumua ka man nin apat na litrong lana nin oliba,

Exodo 31:11

an panlahid na lana, dangan an mahamot na insenso para sa Banal na Lugar. Gigibohon ninda ini gabos siring nanggad sa ipinagboot ko saimo.”

Exodo 35:28

nin mga pahamot para sa panlahid na lana saka para sa insenso, asin nin lana para sa mga ilawan.

Exodo 37:29

Ginibo man niya an banal na lanang panlahid, asin an puro saka mahamot na insenso na sinalak siring sa pahamot.

Mga Talinhaga 7:17

An sakong higdaan winisikan ko nin pahamot na mira, aloe, asin kanela.

Awit nin mga Awit 1:13

Parong nin mira an sakong namomotan, mantang naghihigda siya sa sakong daghan.

Awit nin mga Awit 1:3

Igwa ka nin hamot na nalalaen nanggad; an saimong ngaran nagpapagiromdom kaiyan. Kaya namomotan ka kan mga babae.

Awit nin mga Awit 4:14

an sapran, kalamo, asin an kanela, o an gabos na klase nin insenso. An mira asin an aloe nagtatalubo duman kaiba kan gabos na pinakamarahay na pahamot.

Isaias 43:24

Dai mo ako ibinakal nin insenso o binasog kan mga taba kan saimong mga hayop. Alagad pinagabatan mo ako kan saimong mga kasalan; pinagal mo ako huli kan saimong kasombikalan.

Jeremias 6:20

Mayong halaga sako an insensong hale sa Sheba, ni an mga pahamot na hale pa sa harayong lugar na dinadara ninda sako. Dai ko maaako an saindang mga tinutong na atang asin dai ako mawiwili sa saindang mga sakripisyo.

Ezekiel 27:22

Nakipagnegosyo saimo an mga negosyante nin Sheba saka Raama. An mga kagamitan mo rinibayan ninda nin mga alahas, bulawan, saka mga pinakamarahay na mga pahamot.

Mga Bilang 4:16

Si Eleazar na aking lalaki ni Aaron na padi iyo an magmamangno kan lana para sa mga ilawan, kan insenso, kan dolot na pagkakan asin kan panlahid na lana. Siya an mamamahala sa Tabernakulo asin sa gabos na kagamitan diyan.

1 Samuel 10:1

Dangan kinua ni Samuel an laogan kan lana nin oliba asin inulaan sa payo si Saul. Hinadokan ni Samuel si Saul dangan sinabihan, “An Kagurangnan an naglahid saimo bilang hade kan saiyang banwaan na Israel. Paghahadean mo an saiyang banwaan asin ililigtas sa saindang mga kaiwal. Ini an magigin tanda para saimo na an Kagurangnan an nagpili saimo na magin hade kan saiyang banwaan: