Exodo 30:1 - Marahay na Bareta Biblia

¹ “Gumibo kamo nin sarong altar na akasya na tututongan nin insenso.

Exodo 30:1 ပူးပေါင်းရင်းမြစ်များ

1 Mga Hade 6:20

An kwartong ini na gabos patos nin purong bulawan, siyam na metros an laba, siyam na metros an lakbang, asin siyam na metros an langkaw. An altar napapatos nin saradit na tablang sedro.

1 Mga Hade 6:22

An bilog na laog kan Templo pinatos nin bulawan, siring man an altar sa Kabanal-banaleng Lugar.

1 Mga Hade 7:48

Nagpagibo man si Solomon nin mga bulawan na kagamitan para sa Templo: an altar, an lamesa para sa tinapay na dolot sa Dios.

1 Mga Cronica 28:18

siring man an tamang timbang nin purong bulawan na gagamiton sa paggibo kan altar nin insenso, asin sa paggibo kan karwahe kan mga kerubin na unat an mga pakpak asin minatahob kan Kaban nin Tipan nin Kagurangnan.

1 Mga Cronica 6:49

Si Aaron asin an saiyang mga aki nagdarara nin mga dolot para sa altar nin mga tinutong na atang asin para sa altar nin insenso. Sinda an namahala kan gabos na pagsamba duman sa Kabanal-banaleng Lugar asin kan mga dolot para sa kabayadan nin mga kasalan kan mga Israelita, gabos sosog sa pagboot ni Moises na sorogoon nin Dios.

2 Mga Cronica 26:16

Alagad kan makosog na nin marahay si Uzzias, nagin mapaabaw-abaw siya na iyo an dahelan kan saiyang pagbagsak. Sinalungat niya an Kagurangnan na saiyang Dios kan maglaog siya sa Templo tanganing magtutong nin insenso sa altar nin insenso.

Exodo 30:10

Sarong beses sa taon gigibohon ni Aaron an seremonya nin paglinig kan altar; an mga sungay kaini lalahidan niya kan dugo kan inatang sa pagbayad nin kasalan. Gibohon nindo ini sa gabos na panahon. An altar na ini kaipuhan na magin banal, konsagrado sa sako. Ako an Kagurangnan.”

Exodo 30:2

Gibohon nindong kwadrado iyan, kwarenta y singko sentimetros an laba, kwarenta y singko sentimetros an lakbang asin nubenta sentimetros an langkaw. An mga sungay sa apat na kanto saka an mismong altar gibohon nindo na magin saro sanang pedaso.

Exodo 31:8

an lamesa dangan an kasangkapan kaiyan, an bulawan na kandelero asin an kasangkapan kaiyan, an altar nin insenso,

Exodo 35:15

an altar nin insenso kaiba an mga pasanan, an panlahid na lana asin an mahamot na insenso, an kurtinang panlipod sa pintoan kan Tabernakulo;

Exodo 39:38

an bulawan na altar; an panlahid na lana; an mahamot na insenso; an kurtinang panlipod sa pintoan kan Tabernakulo;

Exodo 40:5

An bulawan na altar na tututongan kan insenso ibugtak mo sa atubang kan Kaban nin Tipan, dangan lipodan mo nin kurtina an pintoan kan Tabernakulo.

Ezekiel 41:22

altar na kahoy. Saro may kabangang metro an langkaw kaini asin sarong metro an lakbang. Kahoy an mga bitis kan altar, siring man an patugmadan saka an mga gilid. Nagtaram sako an lalaki, “Iyo ini an lamesa na nasa atubangan nin Kagurangnan.”

Levitico 4:18

Dangan lalahidan niya nin dugo an mga sungay kan altar nin insenso na yaon sa laog kan Tabernakulo asin iuula niya an matatada kan dugo duman sa pamitisan kan altar na tinututongan kan mga atang na yaon sa pintoan kan Tabernakulo.

Levitico 4:7

Dangan lalahidan niya nin dugo an mga sungay kan altar nin insenso na yaon sa Tabernakulo. Pakatapos, iuula niya an natatadang dugo sa pamitisan kan altar na tinututongan kan mga atang na yaon sa may pintoan kan Tabernakulo.

Mga Bilang 3:31

Sinda an mamamahala kan Kaban nin Tipan, kan lamesa, kan kandelero, kan mga altar, sagkod kan mga kasangkapan na ginagamit kan mga padi sa Banal na Lugar, patin kan kurtinang panlipod sa pintoan kan Kabanal-banaleng lugar. Sainda an gabos na trabaho na may kinaaraman sa mga bagay na ini.

Mga Bilang 4:11

An altar na bulawan bibikladan ninda nin sarong telang asul asin papatoson nin sarong anit nin kanding. Pakatapos, isusurok ninda an mga pasanan.

Hebreyo 9:4

Nasa laog kaini an bulawan na altar na pinagtututongan kan insenso, saka yaon man digdi an Kaban nin Tipan na napapatos nin bulawan. Sa laog kan kaban igwa nin dulay na bulawan na namumugtakan kan manna; yaon man an nagdahon na sugkod ni Aaron saka an duwang gapo na nasusuratan kan mga togon.

Kapahayagan 8:3

May nagluwas naman na anghel na may darang bulawan na insensaryo asin nagtindog siya sa atubangan kan altar; tinawan siya nin dakul na insenso na idodolot, kaiba kan mga pamibi kan gabos na banal, sa altar na bulawan na yaon sa atubangan kan trono.