Exodo 3:20 - Marahay na Bareta Biblia

²⁰ Kaya gagamiton ko an sakong kapangyarihan asin papadusahan ko an Egipto sa paagi nin makangingirhat na mga bagay na gigibohon ko duman. Pakatapos kaiyan papahaleon na niya kamo.

Exodo 3:20 ပူးပေါင်းရင်းမြစ်များ

Genesis 15:14

Alagad papadusahan ko an nasyon na maoripon sainda, asin sa paghale ninda duman, dakulang kayamanan an madadara ninda.

Nehemias 9:10

Nagpahiling ka nin mga tanda saka mga ngangalasan laban sa hade nin Egipto, laban sa saiyang mga opisyal asin sa gabos na tawo sa saiyang daga, huli ta aram mo na inapi ninda an saimong banwaan. Nagin bantog an saimong ngaran sagkod ngunyan na aldaw.

Salmo 105:27

Mga ngangalasan nin Dios asin mga milagro ipinahiling ninda sa daga nin Egipto.

Salmo 105:38

Nag-orogma an mga Egipcio kan sinda naghale huli ta inabotan sinda gabos nin takot.

Salmo 106:22

mga ngangalasan na ginibo niya duman, mga mangirhat na bagay sa Dagat na Pula.

Exodo 11:1

Dangan nagtaram an Kagurangnan ki Moises, “Saro na sanang padusa an ipapadara ko sa hade asin sa bilog na Egipto. Pakatapos kaiyan, bako sana niya kamong tutugotan na humale kundi isusubol pa niya kamo.

Exodo 12:39

Nagluto sinda nin tinapay na mayo nin lebadura hale sa dara nindang minasa, huli ta kan isubol sinda paluwas sa Egipto, dai na sinda nagkaigwa nin oras na mag-andam nin pagkakan o magmasa nin arina na igwa nin lebadura.

Exodo 13:3

Sinabihan ni Moises an mga tawo, “Giromdoma nindo an aldaw na ini—an aldaw kan paghale nindo sa Egipto, an lugar na nag-oripon saindo. Iyo ini an aldaw na ilinuwas kamo nin Kagurangnan huli kan saiyang kapangyarihan. Dai kamo magkakan nin tinapay na igwa nin lebadura.

Exodo 13:9

An paggibo kaini sarong pagiromdom, arog sa sarong bagay na nakagakod sa saindong kamot o sa saindong angog; magpapagiromdom iyan sa saindo na magpadagos kamo sa pag-adal kan Togon nin Kagurangnan, huli ta ilinuwas niya kamo sa Egipto huli kan saiyang dakulang kapangyarihan.

Exodo 15:11

“Kagurangnan, siisay sa mga dios an arog saimo? An arog saimo na makangangalas an kabanalan? Mga milagro asin gibo mong ngangalasan, siisay an makakaarog kaiyan?

Exodo 15:6

“An too mong kamot, O Kagurangnan, makangingirhat sa kosog; an mga kaiwal rinoronot kan too mong kamot.

Exodo 4:21

Nagtaram giraray an Kagurangnan ki Moises, “Pag-abot mo sa Egipto, gibohon mo nanggad sa atubang kan hade an gabos na ngangalasan na itinao ko sa saimong kapangyarihan. Alagad papatagason ko an puso kan hade, asin dai niya tutugotan na humale an mga tawo.

Exodo 6:1

Dangan nagtaram an Kagurangnan ki Moises, “Mahihiling mo ngunyan kun ano an gigibohon ko sa hade. Mapipiritan siyang pahaleon an sakong banwaan. Talagang mapipiritan siyang isubol sinda paluwas sa saiyang daga.”

Exodo 6:6

Kaya sabihan mo an mga Israelita, ‘Ako an Kagurangnan; hahaleon asin papatalingkason ko kamo sa pang-ooripon kan mga Egipcio. Uunaton ko an sakong kamot tanganing padusahan sinda nin makuri asin ililigtas ko kamo.

Exodo 9:15

Garadan na kuta kamo kun ika asin an saimong banwaan sakong pinahelang.

Isaias 19:22

Papadusahan nin Kagurangnan an mga Egipcio, alagad bobolongon niya sinda. Mabalik sinda saiya, asin dadangogon niya an saindang mga pamibi dangan bobolongon niya sinda.

Isaias 26:11

Dai naaaraman kan saimong mga kaiwal na papadusahan mo sinda. Sopogon mo sinda, Kagurangnan, asin patiosa sinda; patiosa sinda kan padusa na saimong inandam. Pahilingan sainda kun gurano an pagkamoot mo sa saimong banwaan.

Ezekiel 20:33

“Siring na ako an Kagurangnan Dios na buhay, pinapatanidan ko kamo na sa sakong kaanggotan, gagamitan ko kamo nin makosog asin nakaunat na kamot sa sakong paghahade.

Mikas 7:15

Maggibo ka nin mga milagro para sa samo, “Kagurangnan, Kagurangnan siring kan ginibo mo kaidto kan iluwas mo kami sa Egipto.

Mga Gibo 7:36

Pinangenotan niya an mga Israelita paluwas sa Egipto; naggibo siya nin mga milagro saka mga ngangalasan duman sa Egipto, sa Pulang Dagat asin duman sa kalangtadan sa laog nin kwarentang taon.

Deuteronomio 4:34

Igwa daw nin dios na nangahas na magduman asin magkua nin sarong banwaan hale sa ibang nasyon dangan gibohon na saiyang sadiri, arog kan ginibo saindo nin Kagurangnan na saindong Dios duman sa Egipto? Sa atubang nindo, ginamit niya an saiyang kosog asin kapangyarihan huli sa mga helang saka gera, sa mga tanda sagkod ngangalasan patin sa mga mangirhat na bagay.

Deuteronomio 6:22

Nahiling mi an mga ngangalasan asin makangirhat na mga bagay na ginibo niya sa mga Egipcio, sa hade sagkod sa gabos na opisyal niya.

Hukom 6:8

An Kagurangnan nagpadara sainda nin sarong propeta na nagdara kan baretang ini hale sa Kagurangnan na Dios nin Israel: “Kinua ko kamo hale sa kaoripnan sa Egipto;

Hukom 8:16

Dangan kuminua siya sa kalangtadan nin sangang matonok, asin iyo idto an ginamit niya sa pagpakol kan mga lider nin Sukkot.