Exodo 3:19 - Marahay na Bareta Biblia

¹⁹ Aram kong dai matugot an hade na maghale kamo sagkod na dai siya mapiritan.

Exodo 3:19 ပူးပေါင်းရင်းမြစ်များ

Exodo 10:20

Alagad pinatagas nin Kagurangnan an puso kan hade kaya dai niya tinugotan na humale an mga Israelita.

Exodo 11:10

Ginibo ni Moises saka ni Aaron an mga ngangalasan na ini sa atubang kan hade, alagad pinatagas nin Kagurangnan an puso kan hade kaya dai niya tinugotan na humale sa saiyang daga an mga Israelita.

Exodo 11:9

Tinaraman nin Kagurangnan si Moises, “Dai ka dadangogon kan hade tanganing ikapahiling ko sa Egipto an dakul pang ngangalasan.”

Exodo 13:15

Kan nagmatagas an hade asin habo niya kaming tugotan na humale, ginadan nin Kagurangnan an lambang matuang lalaki sa daga nin Egipto, tawo man o hayop. Ini an dahelan kun tadaw ta inaatang mi sa Kagurangnan an lambang matuang lalaking hayop, alagad tinutubos mi an samong mga matuang aking lalaki.

Exodo 4:21

Nagtaram giraray an Kagurangnan ki Moises, “Pag-abot mo sa Egipto, gibohon mo nanggad sa atubang kan hade an gabos na ngangalasan na itinao ko sa saimong kapangyarihan. Alagad papatagason ko an puso kan hade, asin dai niya tutugotan na humale an mga tawo.

Exodo 5:2

“Siisay an Kagurangnan na iyan?” an hapot kan hade. “Tano ta pagdangogon ko siya asin pahaleon ko an mga Israelita? Dai ko midbid an Kagurangnan, asin dai ko nanggad tutugotan na humale an mga Israelita.”

Exodo 6:1

Dangan nagtaram an Kagurangnan ki Moises, “Mahihiling mo ngunyan kun ano an gigibohon ko sa hade. Mapipiritan siyang pahaleon an sakong banwaan. Talagang mapipiritan siyang isubol sinda paluwas sa saiyang daga.”

Exodo 8:28

Nagsabi an hade, “Tutugotan ko kamong mag-atang sa Kagurangnan na saindong Dios duman sa kalangtadan, bastang dai kamo magrayo. Ipamibi mo ako.”

Exodo 9:35

Siring sa itinaram nin Kagurangnan ki Moises, dai tinugotan kan hade na maghale an mga Israelita.

Exodo 9:7

Nagsugo an hade tanganing siyasaton an nangyari, asin naaraman niya na mayo nin nagadan sa mga hayop kan mga Israelita. Alagad nagmatagas an hade asin dai tinugotan na humale an mga tawo.