Exodo 3:18 - Marahay na Bareta Biblia

¹⁸ “Dadangogon ka kan sakong banwaan; dangan, kaiba an mga lider nin Israel, magduman kamo sa hade nin Egipto asin sabihan nindo siya, ‘An Kagurangnan, an Dios kan mga Hebreyo, nagpahiling sa samo. Ngunyan, tugote kaming maglakaw nin tolong aldaw pasiring sa kalangtadan tanganing mag-atang sa Kagurangnan, na samuyang Dios.’

Exodo 3:18 ပူးပေါင်းရင်းမြစ်များ

Genesis 12:1

Tinaraman nin Kagurangnan si Abram, “Bayaan mo an saimong daga, an saimong mga kadugo asin an harong kan saimong ama dangan magduman ka sa dagang ipapahiling ko saimo.

Genesis 14:13

Alagad igwa nin sarong lalaki na nakadulag, asin an gabos na nangyari inosip niya ki Abram, an Hebreyo na nag-eerok harani sa sagradong mga kahoy ni Mamre na Amorita. Si Mamre asin an saiyang mga tugang na si Escol asin Aner, mga kaapil ni Abram.

Genesis 15:1

Pakatapos kan mga pangyayaring ini, nagtaram an Kagurangnan ki Abram sa sarong bisyon, “Dai ka matakot, Abram. Ako an saimong kalasag; dakula nin marahay an saimong magigin premyo.”

Genesis 17:1

Kan nubenta y nuebe na an edad ni Abram, nagpahiling saiya an Kagurangnan asin nagtaram saiya, “Ako an Makakamhan na Dios; kuyogon mo ako asin danay mong gibohon an matanos.

Genesis 48:3

Sinabihan ni Jacob si Jose, “Nagpahiling sako an Makakamhan na Dios duman sa Luz, sa daga nin Canaan asin benendisyonan ako.

2 Mga Cronica 30:12

Pinangyari nin Dios na magkasararo an mga taga Juda sa pagkuyog kan saiyang kabotan huli sa pagsunod kan pagboot kan hade asin kan mga opisyal kaini.

Salmo 110:3

Sa aldaw na labanan mo an saimong mga kaiwal, sa marahay na boot iibahan ka kan saimong banwaan. Siring sa ambon nin kaagahon, an mga hoben na lalaki madatong saimo diyan sa banal na kabubuldan.

Exodo 10:3

Kaya nagduman si Moises saka si Aaron sa hade asin sinabihan, “An Kagurangnan, an Dios kan mga Hebreyo, nagtaram, ‘Sagkod nuarin ka magmamatagas sa atubangan ko? Tugoteng humale an sakong banwaan tanganing makapagsamba sinda sako.

Exodo 17:5

Nagtaram an Kagurangnan ki Moises, “Ipag-iba mo an nagkapira sa mga lider nin Israel asin mag-enot kamo sa mga tawo. Darahon mo an sugkod na ipinakol mo sa Salog nin Nilo.

Exodo 19:1

Naghale sa Refidim an mga Israelita asin nakaabot sinda sa kalangtadan nin Sinai sa enot na aldaw kan ikatolong bulan pakahale ninda sa Egipto. Nagkampo sinda sa pamitisan kan bukid.

Exodo 25:22

Diyan taka tatagboon sa ibabaw kan takop, sa tahaw kan duwang kerubin; diyan ko itataram saimo an sakong mga togon para sa banwaan nin Israel.

Exodo 3:12

Nagtaram an Dios, “Iibahan taka, asin iyan an patotoo na sinugo taka. Sa panahon na ikaluwas mo na sa Egipto an mga tawo, sasambahon nindo ako sa bukid na ini.”

Exodo 3:16

Lakaw asin tipona an mga lider nin Israel dangan sabihan mo sinda na Ako, an Kagurangnan, an Dios kan saindang mga ginikanan, an Dios ni Abraham, ni Isaac, asin ni Jacob nagpahiling saimo. Sabihan mo na dinalaw ko sinda asin nahiling ko kun ano an ginigibo sainda kan mga Egipcio.

Exodo 30:36

Pulboson mo an dikit kaiyan asin darahon mo sa Tabernakulo dangan ibugtak sa atubang kan Kaban nin Tipan, saen tatagboon taka. Midbidon nindo na orog kabanal an insensong ini.

Exodo 30:6

Ibugtak nindo ining altar sa luwas kan kurtina na nasa atubangan kan Kaban nin Tipan, saen tatagboon taka.

Exodo 4:1

Dangan naghapot si Moises sa Kagurangnan, “Halimbawang dai magtubod asin magdangog sako an mga Israelita, ano an gigibohon ko kun magsabi sindang dai ka man nagpahiling sa sako?”

Exodo 4:23

Tugotan mong maghale an sakong aki tanganing sambahon ako; kun magsayuma ka, gagadanon ko an matua mong aking lalaki.’”

Exodo 4:24

Sa sarong lugar na pahingaloan sa dalan pasiring sa Egipto, sinabat nin Kagurangnan si Moises huli ta boot niya ining gadanon.

Exodo 4:31

Nagtubod sinda, asin kan madangog ninda na dinalaw nin Kagurangnan an banwaan nin Israel saka nahiling an saindang kasakitan sa Egipto, nagduko sinda asin nagsamba.

Exodo 5:1

Pakatapos, nagduman si Moises asin si Aaron sa hade nin Egipto asin nagsabi, “Nagtaram an Kagurangnan, an Dios kan Israel, ‘Tugoteng humale an sakong banwaan tanganing magpyesta sinda sa kalangtadan sa pag-omaw sako.’”

Exodo 5:3

Nagsimbag si Moises asin si Aaron, “Nagpahiling samo an Dios kan mga Hebreyo. Tugote kaming lumakaw nin tolong aldaw pasiring sa kalangtadan tanganing mag-atang sa Kagurangnan na samong Dios. Kun dai mi magibo iyan, tibaad gadanon niya kami sa paagi nin gera o nin helang.”

Exodo 7:16

Dangan sabihan mo an hade, ‘An Kagurangnan, an Dios kan mga Hebreyo, nagsugo sako tanganing sabihan ka na tugotan mong humale an saiyang banwaan tanganing magsamba saiya sa kalangtadan. Alagad sagkod ngunyan habo kang magtugot.

Exodo 8:1

Dangan nagtaram an Kagurangnan ki Moises, “Dumuman ka sa hade asin sabihan mo siya na ini an itinaram nin Kagurangnan, ‘Tugotan mong humale an sakuyang banwaan tanganing makapagsamba sinda sako.

Exodo 8:20

Nagtaram an Kagurangnan ki Moises, “Sa agang amay magduman ka sa salog. Sabaton mo an hade sa pagduman niya sa salog dangan sabihan mo siya na nagtaram an Kagurangnan, ‘Tugotan mong humale an sakuyang banwaan tanganing makapagsamba sinda sako.

Exodo 8:23

Ipapahiling ko an kalaenan kan sakong banwaan sa saimong banwaan. An ngangalasan na ini mangyayari sa aga.’”

Exodo 9:1

Nagtaram an Kagurangnan ki Moises, “Dumuman ka sa hade asin sabihan mo siya na nagtaram an Kagurangnan, an Dios kan mga Hebreyo, ‘Tugotan mong humale an sakuyang banwaan tanganing makapagsamba sinda sako.

Exodo 9:13

Nagtaram an Kagurangnan ki Moises, “Magduman ka sa hade sa agang amay, asin sabihan mo siya na an Kagurangnan, an Dios kan mga Hebreyo, nagtaram, ‘Tugotan mong humale an sakuyang banwaan tanganing makapagsamba sinda sako.

Isaias 64:5

Inaako mo an mga tawong nakakakua nin kaogmahan sa paggibo kan tama, sa mga naggigiromdom kun paano mo boot sindang mamuhay. Naanggot ka samo, alagad nagpadagos kami sa pagkakasala; poon pa kaidtong panahon nagpadagos kami sa paggibo kan maraot maski anggot ka nin marahay.

Jeremias 2:2

na ipahayag an mensaheng ini sa lambang saro sa Jerusalem. “Nagigiromdoman ko an saimong pagkamaimbod kan ika hoben pa, an saimong pagkamoot sako kan bago kitang kasalon; nagsunod ka sako sa kalangtadan, sa sarong daga na mayo nin maski anong tinanom.

Jeremias 2:6

Dai ninda ako nagiromdoman maski ako an nagluwas sainda hale sa Egipto saka nangenot sainda sa kalangtadan: sarong daga nin mga desyerto asin mga kalot, sarong dagang alang saka pano nin pag-alaman, na mayo nin tawong nag-eerok saka nag-aagi.

Jeremias 26:5

asin sa paagi nin paghinanyog sa mga tataramon kan sakong mga sorogoon, an mga propeta, na danay kong ipinapadara sa saindo. Dai nanggad nindo kinuyog an mga itinaram ninda.

Mga Bilang 17:4

Darahon mo sa Tabernakulo an mga sugkod asin ibugtak mo sa atubangan kan Kaban nin Tipan, sa lugar na pinagtutuparan ko saimo.

Josue 1:17

Kukuyogon mi ika siring na kinuyog nyamo si Moises, asin ibahan ka logod nin Kagurangnan na saimong Dios siring na inibahan niya si Moises!