Exodo 29:45 - Marahay na Bareta Biblia

⁴⁵ Mag-eerok ako sa kaibahan kan banwaan nin Israel, asin ako an magigin Dios ninda.

Exodo 29:45 ပူးပေါင်းရင်းမြစ်များ

Genesis 17:8

Itatao ko saimo asin sa saimong mga kapagarakian an dagang ini, saen saro kang dayuhan ngunyan. An bilog na Canaan masasadirihan kan saimong mga kapagarakian sagkod pa man, asin ako an magigin Dios ninda.”

1 Mga Hade 6:13

Maerok ako sa kaibahan kan sakong banwaan na Israel digdi sa Templong ini na ipinapatugdok mo, asin dai ko sinda papabayaan.”

2 Mga Cronica 6:18

“Alagad pwede daw na mag-erok sa daga an Dios? Kun an pinakahalangkaw na kalangitan dai nagkakanigo saimo, gurano pa daw an Templong ini na sakuyang ipinatugdok?

Salmo 114:2

an Juda nagin santwaryo nin Kagurangnan, an Israel saiyang nasadirihan.

Salmo 68:18

Tinutukad niya an halangkaw na bukid, dara an dakul na bihag; minaako siya nin mga regalo maski an mga gikan sa masombikal na tawo. Duman maerok an Kagurangnan Dios.

Exodo 15:17

Dinara mo sinda asin itinanom sa sadiri mong bukid, an lugar, O Kagurangnan, na pinili mo bilang saimong erokan, an Templo na saimong hinaman.

Exodo 25:8

Pagibohon mo an mga tawo nin sarong Tabernakulo para sako, tanganing mag-erok ako sa kaibahan ninda.

Exodo 29:44

Kokonsagrahon ko an Tabernakulo asin an altar; siring man si Aaron sagkod an saiyang mga aki kokonsagrahon ko tanganing maglingkod sinda sako bilang mga padi.

Exodo 6:7

Kamo an magigin banwaan ko asin ako an magigin Dios nindo. Mamimidbid nindo na ako an Kagurangnan, an saindong Dios, na naghale sa saindo sa pang-ooripon kan mga Egipcio.

Jeremias 14:9

Tadaw ta arog ka sa sarong tawong namongnan, arog sa sarong soldados na dai kayang tumabang? Alagad ika, O Kagurangnan, uya sa samong kaibahan! Kami an banwaan mo; dai mo kami pagbayaan.’”

Ezekiel 34:24

Ako, an Kagurangnan, iyo an magigin Dios ninda, asin an sarong hadeng arog kan sorogoon kong si David iyo an magigin pamayo ninda. Ako, an Kagurangnan, an nagtaram.

Ezekiel 43:7

“Aki nin tawo, uya digdi an sakong trono. Mag-eerok ako digdi sa kaibahan kan banwaan nin Israel asin paghahadean ko sinda sagkod pa man. An sakong banal na ngaran dai na nanggad didigtaan kan mga Israelita asin kan saindang mga hade, sa paagi nin pagsamba sa ibang dios-dios o sa paglubong kan mga bangkay kan saindang mga hade sa lugar na ini.

Ezekiel 43:9

Ngunyan kaipuhan ontokon na ninda an pagsamba sa ibang mga dios-dios asin haleon na ninda an mga bangkay kan saindang mga hade, dangan maerok ako sa kaibahan ninda sagkod pa man.”

Daniel 2:11

An hinahagad kan Mahal na Hade sarong bagay na masakit, asin mayo nin siisay man na makakagibo kaiyan para saimo pwera an mga dios, asin dai sinda nag-eerok sa kaibahan nin mga tawo.”

Levitico 26:11

Mag-eerok ako sa kaibahan nindo asin dai ko kamo babayaan.

Levitico 26:12

Iibahan ko kamo; ako an saindong magigin Dios asin kamo an magigin banwaan ko.

Hageo 2:5

Kan maghale kamo sa Egipto, nanuga ako na danay ko kamong iibahan. Kaibahan pa nindo ako, kaya dai kamo matakot.

Zacarias 2:10

Nagtaram an Kagurangnan, “Pag-awit kamo sa kaogmahan, mga taga Jerusalem! Maabot na ako tanganing mag-erok sa kaibahan nindo!”

Zacarias 8:3

Mabalik ako sa Jerusalem, sa banal kong syudad dangan duman ako maerok. An Jerusalem mamimidbidan na maimbod na syudad, asin an bulod kan Kagurangnan nin mga hukbo aapodon an banal na bulod.

Mga Bilang 16:3

Nagtiripon sinda sa atubang ni Moises saka ni Aaron, dangan nagsabi, “Sobra na an gibo nindo! Sadiri nin Kagurangnan an gabos na kaayon sa komunidad asin kaibahan siya kan gabos. Tadaw ta nagpapalangkaw kamo sa komunidad nin Kagurangnan?”

Mga Bilang 35:34

Dai nindo pagdigtaan an dagang pinag-eerokan nindo, huli ta ako an Kagurangnan asin nag-eerok ako sa kaibahan kan banwaan nin Israel.”

Mga Bilang 5:3

Iluwas nindo sinda, babae man o lalaki, tanganing dai ninda madigtaan an kampo na pinag-eerokan ko kaiba an sakong banwaan.”

Juan 14:17

Siya an Espiritu nin katotoohan na dai maaako kan kinaban. Alagad midbid nindo siya, huli ta nagdadanay siya asin nag-eerok saindo.

Juan 14:20

Pag-abot kan aldaw na iyan, maaaraman nindo na ako nasa sakong Ama, kamo nasa sako, asin ako nasa saindo.

Juan 14:23

Nagsimbag si Jesus, “An namomoot sako, makuyog kan sakong itinukdo. Mamomotan siya kan sakong Ama; an Ama asin ako maduman saka maerok sa kaibahan niya.

2 Corinto 6:16

Paanong magkaoyon an templo nin Dios asin an mga dios-dios? Huli ta kita iyo an templo kan Dios na buhay! Siring sa sinabi nin Dios, “Mag-eerok ako sainda asin maglalakaw sa kaibahan ninda; ako an magigin Dios ninda, sinda an magigin banwaan ko.”

Efeso 2:22

Huli man kan saindong pakisumaro ki Cristo, kaiba man kamo nindang nagin kabtang kan erokan nin Dios sa saiyang Espiritu.

Deuteronomio 12:11

Mapili an Kagurangnan nin saro sanang lugar na pagsasambahan saiya asin duman nindo dadarahon an gabos na ipinagboot ko saindo: an saindong mga tinutong na atang asin iba pang mga sakripisyo, an saindong mga himoloan saka mga dolot, asin an saindong mga panugang regalo sa Kagurangnan.

Deuteronomio 7:21

Kaya dai kamo matakot sainda. Kaiba nindo an Kagurangnan na saindong Dios; dakula siya asin dapat katakotan.

Kapahayagan 21:3

Nadangog ko an sarong makosog na tingog hale sa trono na nagsabi, “Ngunyan an erokan nin Dios nasa mga tawo na! An Dios mismo mag-eerok kaiba ninda asin sinda magigin banwaan niya. An mismong Dios an magigin kaiba ninda asin siya an magigin Dios ninda.