Exodo 29:42 - Marahay na Bareta Biblia

⁴² Sa gabos na panahon, ining tinutong na atang idodolot nindo sako sa may pintoan kan Tabernakulo, saen tatagboon ko kamo tanganing kaolayon.

Exodo 29:42 ပူးပေါင်းရင်းမြစ်များ

Exodo 25:22

Diyan taka tatagboon sa ibabaw kan takop, sa tahaw kan duwang kerubin; diyan ko itataram saimo an sakong mga togon para sa banwaan nin Israel.

Exodo 27:21

Aldaw-bangging aatamanon ni Aaron asin kan saiyang mga aki an ilawan na ibubugtak sa laog kan Tabernakulo, sa luwas kan kurtina saka sa atubangan kan Kaban nin Tipan. An pagboot na ini ootobon kan mga Israelita asin kan saindang mga kapagarakian sagkod pa man.

Exodo 29:41

An ikaduwang kordero idolot nindo pagkabanggi asin ibahan nindo nin arina, lana nin oliba saka arak na pareho kadakul kan sa pagkaagang dolot. Ini sarong dolot na pagkakan para sa sako asin an parong kaini nawiwilihan ko.

Exodo 29:43

Diyan ko tatagboon an banwaan nin Israel, asin magigin banal an lugar na iyan huli kan sakong kamurawayan.

Exodo 30:36

Pulboson mo an dikit kaiyan asin darahon mo sa Tabernakulo dangan ibugtak sa atubang kan Kaban nin Tipan, saen tatagboon taka. Midbidon nindo na orog kabanal an insensong ini.

Exodo 33:7

Ugale na ni Moises na kuahon an tolda asin patindogon sa sarong lugar na harayo sa luwas kan kampo; ini inapod niyang toldang pinagtatagboan. An siisay man na boot makihumapot sa Kagurangnan minaduman sa toldang pinagtatagboan na nasa luwas kan kampo.

Ezekiel 43:6

Nagtindog sa kataed ko an lalaki, dangan nadangog kong nagtaram sako an Kagurangnan hale sa Templo,

Ezekiel 46:15

An kordero, an arina, saka an lana nin oliba kaipuhan idolot aga-aga para sa Kagurangnan sagkod lamang.”

Mga Bilang 17:4

Darahon mo sa Tabernakulo an mga sugkod asin ibugtak mo sa atubangan kan Kaban nin Tipan, sa lugar na pinagtutuparan ko saimo.

Mga Bilang 28:7

Bilang dolot na arak na kaiba kan enot na kordero, iula nindo sa altar an sarong litrong arak.