Exodo 29:40 - Marahay na Bareta Biblia

⁴⁰ An enot na kordero ibahan nindo nin sarong kilo kan pinakamarahay na arinang trigo na minasa sa sarong litrong lana nin oliba. Iula nindo an sarong litrong arak bilang dolot.

Exodo 29:40 ပူးပေါင်းရင်းမြစ်များ

Genesis 35:14

Sa lugar na idto, saen nagtaram saiya an Dios, nagpatindog si Jacob nin hariging giromdoman na an ibabaw inulaan niya nin arak saka lana nin oliba.

2 Mga Hade 3:20

Pagkaaga, sa oras kan pagdolot kan pang-agang sakripisyo, nagbulos an tubig hale sa Edom asin natahoban an daga.

Exodo 16:36

An kinaugalean na takad kaidto katimbang nin beynte litros.)

Exodo 29:39

Idolot nindo an sarong kordero pagkaaga asin an saro pagkabanggi.

Exodo 29:41

An ikaduwang kordero idolot nindo pagkabanggi asin ibahan nindo nin arina, lana nin oliba saka arak na pareho kadakul kan sa pagkaagang dolot. Ini sarong dolot na pagkakan para sa sako asin an parong kaini nawiwilihan ko.

Exodo 30:24

asin anom na kilong kasia (ini gabos sosog sa kinaugalean na timbang kan Tabernakulo). Kumua ka man nin apat na litrong lana nin oliba,

Isaias 57:6

Minakua kamo nin malinig na mga gapo dangan sinasamba nindo an mga iyan bilang mga dios. Minaula kamo nin arak bilang dolot sainda saka minadara man kamo sainda nin mga dolot na pagkakan. Sa paghona nindo, naoogma ako sa mga ginigibo nindong iyan?

Ezekiel 20:28

Dinara ko sinda sa daga na ipinanuga ko sainda. Kan mahiling ninda an mga halangkaw na bulod asin an mga berdeng kahoy, dinolotan ninda nin sakripisyo an mga ini. Pinaanggot ninda ako huli kan saindang mga tinutong na sakripisyo asin mga dolot na arak.

Ezekiel 4:11

Magkakaigwa ka man nin kadikit na tubig na saimong iinomon—duwang kalis sa sarong aldaw.

Ezekiel 45:17

Katongdan kan prinsipe na pagtao kan mga hayop na tututongon, kan mga dolot na pagkakan, saka kan dolot na inomon para sa bilog na nasyon nin Israel sa mga Pyesta kan Bagong Bulan, sa mga Sabbath, asin sa iba pang talaan na mga pyesta. Siya an matao kan mga dolot para sa kasalan, mga dolot na pagkakan, mga tinutong na atang saka an mga atang para sa katoninongan, tanganing mabayadan an mga kasalan kan banwaan nin Israel.”

Ezekiel 45:24

Para sa lambang baka asin para sa lambang karnerong isasakripisyo, madolot siya nin dyes y syete may kabangang litrong dolot na pagkakan, dangan tolong litrong lana nin oliba.

Ezekiel 46:11

Sa mga pyesta saka sa mga talaan na panahon, an dolot na pagkakan kaipuhan dyes y syete may kabangang litro an kaiba kan lambang torilyong baka o lalaking karnero; dangan kaiba kan lambang kordero madolot an masamba kan anoman na boot niyang itao. Tolong litrong lana nin oliba an kaiba kan lambang dolot na pagkakan.

Ezekiel 46:14

Kaiba kan atang na ini aga-aga, kaipuhan idolot man an duwang kilo nin arina saka sarong litrong lana nin oliba, na isasalak sa arina. An mga pagsusundon na ini kaipuhan na kuyogon sagkod lamang.

Ezekiel 46:5

Kaiba kan lambang karnero madolot siya nin dyes y syete may kabangang litrong dolot na pagkakan dangan kaiba kan lambang kordero madolot siya kan ano man na boot niyang itao. Kaiba kan lambang dolot na pagkakan madara siya nin tolong litrong lana nin oliba.

Ezekiel 46:7

Kaiba kan lambang torilyong baka saka lalaking karnero, madolot siya nin dyes y syeteng litrong dolot na pagkakan asin kan anomam na boot niyang itao. Kaiba kan lambang dolot na pagkakan, siya matao man nin tolong litrong lana nin oliba.

Oseas 9:4

Sa mga dayuhan na dagang idto dai sinda makakapagdolot nin arak sa Kagurangnan; dai sinda makakadara saiya nin mga sakripisyo. Madidigtaan an siisay man na magkakan kan saindang kakanon, arog kan kakanon na kinakakan sa harong na may gadan. Huli ta an kakanon ninda panhale sana kan gutom; dai iyan dadarahon bilang dolot sa Templo nin Kagurangnan.

Joel 1:13

Pagsulot nin sako asin pagtangis, kamong mga padi na naglilingkod duman sa altar! Paglaog kamo sa Templo asin pagmondo sa bilog na banggi! Mayo nang trigo o arak na ikakadolot sa saindong Dios.

Joel 1:9

Mayo na nin trigo o arak na idodolot sa Templo; nagmomondo an mga padi huli ta mayo sindang mga dolot para sa Kagurangnan.

Joel 2:14

Tibaad magliwat nin isip an Kagurangnan na saindong Dios asin bendisyonan kamo nin dakulang ani. Dangan madodolotan nindo siya nin trigo saka arak.

Levitico 23:13

Madara man kamo nin duwang kilong arina na sinalakan nin lana nin oliba bilang sarong dolot na pagkakan. An parong kan dolot na iyan nawiwilihan nin Kagurangnan. Iibahan nindo iyan nin dolot na sarong litrong arak.

Levitico 6:13

Sa gabos na panahon, maglalaad an kalayo sa altar asin dai nanggad papabayaan na mapalsok.

Mga Bilang 15:24

kun an naginibong sala dai tinutuyo huli ta dai nin pakaisi an komunidad, an bilog na komunidad madolot nin sarong torilyong baka bilang sarong tinutong na atang na an parong nakakawili sa Kagurangnan, kaiba an maninigong dolot na pagkakan saka dolot na arak. Laen pa kaini, an komunidad madolot nin sarong lalaking kanding bilang dolot para sa kasalan.

Mga Bilang 15:7

asin saro may kabangang litrong arak. An parong kan mga sakripisyong ini nakakawili sa Kagurangnan.

Mga Bilang 28:10

An tinutong na atang na iyan idodolot nindo sa lambang Sabbath, laen pa kan aroaldaw na tinutong na atang saka dolot na arak.

Mga Bilang 28:24

Sa parehong paagi, sa laog nin pitong aldaw magdolot kamo sa Kagurangnan nin dolot na pagkakan, sarong parong na nakakawili saiya. Idolot nindo iyan laen pa kan aroaldaw na tinutong na atang saka dolot na arak.

Mga Bilang 28:5

an lambang saro iibahan nin sarong kilo kan pinakamarahay na arinang trigo na minasa sa sarong litro kan pinakamarahay na lana nin oliba.

Mga Bilang 29:16

Magdolot man kamo nin sarong lalaking kanding bilang dolot para sa kasalan, laen pa kan aroaldaw na tinutong na atang kaiba an dolot na pagkakan saka arak.

Mga Bilang 4:16

Si Eleazar na aking lalaki ni Aaron na padi iyo an magmamangno kan lana para sa mga ilawan, kan insenso, kan dolot na pagkakan asin kan panlahid na lana. Siya an mamamahala sa Tabernakulo asin sa gabos na kagamitan diyan.

Deuteronomio 32:38

Pinakakan nindo sinda kan taba kan saindong mga atang, pinainom nindo sinda kan dolot na arak. Padigdiha sinda tanganing tabangan kamo; padoloka sinda sa pagligtas saindo.

Filipos 2:17

Kun an sakong dugo papabuloson bilang kabtang kan saindong atang nin pagtubod, maoogma ako asin makikipag-ogma saindo gabos.