Exodo 29:39 - Marahay na Bareta Biblia

³⁹ Idolot nindo an sarong kordero pagkaaga asin an saro pagkabanggi.

Exodo 29:39 ပူးပေါင်းရင်းမြစ်များ

1 Mga Hade 18:29

Nagpadagos sinda kan makosog na pag-apod ki Baal sagkod alas tres nin hapon; alagad mayo nin nagsimbag asin mayo nin nagdangog.

2 Mga Hade 16:15

Dangan pinagbotan niya si Urias: “Tututongon mo sa dakula kong altar na ini an pang-agang mga atang asin an pangbangging mga dolot na pagkakan, an mga tinutong na atang sagkod an mga dolot na pagkakan kan hade asin kan banwaan, saka an mga dolot na arak kan banwaan. Iula mo sa altar na ini an dugo kan gabos na isinakripisyong hayop. Alagad ingatan mo an bronseng altar huli ta gagamiton ko iyan sa panghuhula.”

2 Mga Hade 3:20

Pagkaaga, sa oras kan pagdolot kan pang-agang sakripisyo, nagbulos an tubig hale sa Edom asin natahoban an daga.

2 Mga Cronica 13:11

Aga-hapon nagdodolot sinda nin mga tinutong na atang saka mahamot na insenso. Ibinubugtak ninda sa purong bulawan na lamesa an mga dolot na tinapay, asin barubanggi sinusuloan ninda an mga ilawan sa bulawan na kandelero. Inootob mi an pagboot nin Kagurangnan na samuyang Dios, alagad tinalikodan nindo siya.

2 Mga Cronica 2:3

Nagpadara nin mensahe si Solomon ki Hiram na hade nin Tiro, “Pabakalan mo man ako nin mga kahoy na sedro siring na pinabakalan mo kaiyan an sakong ama na si David para sa saiyang palasyo.

Esdras 9:4

Dangan pinalibotan ako kan mga tawo, na nagkatarakot sa sinabi kan Dios nin Israel manongod sa mga kasalan kan mga nagbalik hale sa pagkatapokan; nagmomondo na nagtukaw ako duman sagkod na uminabot an oras para sa pagdolot kan pangbangging sakripisyo.

Salmo 141:2

Akoon mo an sakong pamibi siring sa insenso; asin an initaas kong mga kamot bilang pamangging atang.

Salmo 5:3

pagkaaga dinadangog mo an sakong tingog. Pagkaaga dolot ko saimo an sarong atang, dangan minahalat kan saimong kasimbagan.

Exodo 12:6

Aatamanon an mga hayop sagkod sa ikakatorseng aldaw kan bulan. Dangan bago magsolnop an aldaw, an mga hayop buburonoon kan bilog na komunidad.

Exodo 29:40

An enot na kordero ibahan nindo nin sarong kilo kan pinakamarahay na arinang trigo na minasa sa sarong litrong lana nin oliba. Iula nindo an sarong litrong arak bilang dolot.

Daniel 9:21

Mantang namimibi ako, si Gabriel, an lalaking nahiling ko sa bisyon, naglayog pasiring sa namumugtakan ko. Panahon kaidto kan pagdolot kan pangbangging atang.

Lukas 1:10

Sa oras nin pagtutong kan insenso, namimibi sa luwas an dakul na tawo.

Mga Gibo 26:7

Ini an panuga na linalaom kan doseng tribu nin Israel sa pagsamba ninda saiya aldaw-banggi. Mahal na hade, isinusumbong ako kan mga Judio huli sa paglaom kong ini.