Exodo 29:38 - Marahay na Bareta Biblia

³⁸ “Sagkod pa man, ini an idodolot nindo sa ibabaw kan altar: duwang korderong manangtaon an edad sa aroaldaw.

Exodo 29:38 ပူးပေါင်းရင်းမြစ်များ

Genesis 22:7

nagsabi si Isaac, “Ama ko!” Nagsimbag si Abraham, “Ano saimo, aki ko?” Naghapot si Isaac, “Igwa ka na nin baga asin kahoy, alagad haen an kordero na iaatang?”

1 Mga Cronica 16:40

Aga-aga asin barubanggi, dayaday na madolot sinda nin mga tinutong na atang sa altar, sosog sa nasusurat sa Togon na itinao nin Kagurangnan sa Israel.

2 Mga Cronica 13:11

Aga-hapon nagdodolot sinda nin mga tinutong na atang saka mahamot na insenso. Ibinubugtak ninda sa purong bulawan na lamesa an mga dolot na tinapay, asin barubanggi sinusuloan ninda an mga ilawan sa bulawan na kandelero. Inootob mi an pagboot nin Kagurangnan na samuyang Dios, alagad tinalikodan nindo siya.

2 Mga Cronica 2:3

Nagpadara nin mensahe si Solomon ki Hiram na hade nin Tiro, “Pabakalan mo man ako nin mga kahoy na sedro siring na pinabakalan mo kaiyan an sakong ama na si David para sa saiyang palasyo.

2 Mga Cronica 2:4

Mapatugdok ako nin templo para sa ngaran kan Kagurangnan na sakuyang Dios; kokonsagrahon ko iyan saiya tanganing pagtutongan nin insenso nin mga pahamot sa atubang niya, asin danay na pagdolotan kan mga dolot na tinapay saka mga tinutong na atang aga-aga asin barubanggi, siring man kun mga Sabbath, mga Pyesta kan Bagong Bulan asin mga talaan na pyesta nin Kagurangnan na samuyang Dios. Ipinagboot nin Kagurangnan na gibohon ini nin Israel sagkod lamang.

2 Mga Cronica 29:7

Sinerahan ninda an mga pintoan kan Templo, pinalsok an mga ilaw asin dai nagtutong nin insenso. Dai sinda nagdolot nin mga tinutong na atang sa Templo kan Dios nin Israel.

2 Mga Cronica 31:3

Hale sa mga hayop na pagsadiri kan hade, nagtao siya nin mga hayop na tututongon sa aldaw saka sa banggi, sa aldaw nin Sabbath, sa Pyesta nin Bagong Bulan, asin sa iba pang pyesta na hinahagad kan Katogonan nin Kagurangnan.

2 Mga Cronica 8:13

Nagdolot siya siring kan hinahagad kan mga Togon ni Moises manongod sa mga atang kun mga banal na aldaw arog kan Sabbath, Bagong Bulan asin an tolong taon-taon na mga Pyesta—an Pyesta kan Tinapay na Mayo nin Lebadura, an Pyesta nin Pag-ani saka an Pyesta nin mga Harong-harong.

Esdras 3:3

Huli ta takot sinda sa mga tawo na nag-eerok duman, itinugdok ninda giraray an altar sa dating lugar asin nagdolot sinda nin mga tinutong na atang sa Kagurangnan aldaw-banggi.

Esdras 3:5

siring man an mga tinutong na atang, an mga dolot sa Pyesta nin Bagong Bulan asin sa iba pang itinalaan na pyesta nin Kagurangnan, dangan an boluntad na mga dolot sa Kagurangnan.

Exodo 40:29

asin duman sa atubang kan kurtina ibinugtak niya an altar na tututongan nin mga atang. Dangan sa ibabaw kan altar nagdolot siya nin tinutong na atang asin nin dolot na pagkakan, siring sa ipinagboot nin Kagurangnan.

Ezekiel 46:13

An Kagurangnan nagtataram, “Aga-aga, sarong kordero na sangtaon an edad na mayo nin kaninan an kaipuhan idolot bilang tinutong na atang para sa Kagurangnan. Kaipuhan gibohon ini aroaldaw.

Ezekiel 46:15

An kordero, an arina, saka an lana nin oliba kaipuhan idolot aga-aga para sa Kagurangnan sagkod lamang.”

Daniel 12:11

“Magpoon sa pagpaontok kan aroaldaw na sakripisyo, na an boot sabihon pagpoon kan Mangirhat na Katakotan, maagi an mil dos syentos nubentang aldaw!

Daniel 9:21

Mantang namimibi ako, si Gabriel, an lalaking nahiling ko sa bisyon, naglayog pasiring sa namumugtakan ko. Panahon kaidto kan pagdolot kan pangbangging atang.

Daniel 9:27

An pamayong iyan magibo nin sarong pusog na tipan sa dakul na banwaan sa laog nin pitong taon, asin kun makalihis na an kabanga kan panahon na iyan, ipapaontok niya an mga pag-atang saka pagdolot. Dangan ibubugtak sa pinakahalangkaw na lugar kan Templo an Makangirhat na Katakotan asin magdadanay iyan duman sagkod na magadan an nagbugtak kaiyan—sarong kagadanan na inandam nin Dios para saiya.”

Levitico 3:5

Tututongon an mga iyan kan mga padi duman sa altar kaiba kan mga tinutong na atang. An parong kaiyan nawiwilihan nin Kagurangnan.

Levitico 6:9

na itao ki Aaron asin sa saiyang mga aking lalaki an minasunod na pagsusundon manongod sa tinutong na atang. Ibubugtak sa altar an tinutong na atang, asin an kalayo sa altar papabayaan na maglaad sa bilog na banggi.

Levitico 9:17

Idinolot man niya an dolot na pagkakan; huminakbot siya nin sarong gugom kan arina dangan sinulo niya sa altar, laen pa kan tinutong na atang sa pagkaaga.

Mga Bilang 29:6

Idolot nindo an mga iyan, laen pa kan tinutong na atang para sa enot na aldaw kan lambang bulan asin kan dolot na pagkakan, laen pa man kan aroaldaw na tinutong na atang saka dolot na pagkakan sagkod arak. An mga dolot na pagkakan na iyan, sarong parong na nakakawili sa Kagurangnan.

Juan 1:29

Kan sunod na aldaw nahiling ni Juan si Jesus na nagdadangadang, kaya nagsabi siya, “Uya an Kordero nin Dios, na nagpapara kan kasalan nin kinaban!

Hebreyo 7:27

Bako siyang arog kan ibang mga halangkaw na padi na kaipuhan pang magdolot nin atang aroaldaw: enot para sa sadiri nindang kasalan, dangan para sa kasalan nin mga tawo; mantang si Jesus sarong beses sanang nag-atang para sa gabos—iyan kan idolot niya an sadiri niyang buhay.

1 Pedro 1:19

kundi an mahal na dugo ni Cristo, na siring kan sa kordero na daing kaninan o digta.