Exodo 29:31 - Marahay na Bareta Biblia

³¹ “Kuahon mo an karnero nin ordenasyon asin sa sarong banal na lugar labonan mo an karne kaini.

Exodo 29:31 ပူးပေါင်းရင်းမြစ်များ

Exodo 29:30

An aking kasalihid sa pagkapadi ni Aaron masulot kan gubing na ini sa laog nin pitong aldaw kun siya maglaog sa Tabernakulo tanganing maglingkod sa Banal na Lugar.

Exodo 29:32

Ini asin an natadang tinapay sa basket ipakakan mo ki Aaron sagkod sa saiyang mga aki sa may pintoan kan Tabernakulo.

Ezekiel 42:13

Nagtaram sako an lalaki, “An duwang edipisyong ini parehong banal. Diyan nagkakakan kan pinakabanal na mga atang an mga padi na minarani sa Kagurangnan. Huli ta banal an mga kwarto, diyan ibubugtak kan mga padi an mga banal na atang: an dolot na pagkakan, an atang para sa kasalan asin an dolot bilang kabayadan.

Levitico 8:22

Dangan kinua ni Moises an ikaduwang lalaking karnero na para sa ordenasyon kan mga padi. Idinuta ni Aaron saka kan saiyang mga aki an saindang mga kamot sa ibabaw kan payo kan hayop.

Levitico 8:31

Sinabihan ni Moises si Aaron saka an mga aki kaini, “Daraha nindo an karne duman sa may pintoan kan Tabernakulo, labonan nindo asin kakanon kaiba kan tinapay na nasa basket na dolot para sa ordenasyon sosog sa ipinagboot nin Kagurangnan.

1 Samuel 2:13

o an mga pagsusundon manongod sa pwedeng hagadon kan mga padi sa tawo. Kun igwang minadolot nin atang, minadolok an sorogoon kan mga pading ini na may darang tinidor na tolo an tarom asin mantang linuluto an karne,

1 Samuel 2:15

Laen pa kaini, maski dai pa natututong an taba, minadolok na an sorogoon kan padi asin sinasabihan an nagdolot, “Tawe ako nin karne na dadarangon kan padi; huli ta dai niya aakoon an linabonan na karne hale saimo, kundi an hilaw.”