Exodo 29:22 - Marahay na Bareta Biblia

²² “Kuahon mo man an taba kan karnero, an matabang ikog, an taba na nakakatahob sa bituka, an pinakamarahay na parte kan katoy, an duwang bato kaiba an taba asin an toong hita (huli ta iyo ini an karnero para sa ordenasyon).

Exodo 29:22 ပူးပေါင်းရင်းမြစ်များ

Exodo 29:13

Kuahon mo an gabos na taba na nakakatahob kan bituka, an pinakamarahay na parte kan katoy, an duwang bato kaiba an taba kaiyan asin tutongon mo gabos sa altar bilang atang sako.

Exodo 29:21

Kumua ka nin dikit na dugo na nasa altar saka dikit na lana, dangan wirikan mo si Aaron asin an saiyang mga gubing, an mga aki niya saka an saindang mga gubing. Dangan si Aaron asin an saiyang mga aki patin an saindang mga gubing makokonsagra na sako.

Exodo 29:23

Sa basket nin tinapay na mayo nin lebadura na idinolot sako, kumua ka nin sarong tinapay, saka sarong tinapay na igwang lana, sarong tinapay na mayong lana, asin sarong biskwit.

Levitico 10:14

Alagad an daghan saka an bitis na itinaas sa Kagurangnan bilang espesyal na regalo asin kahirasan para sa mga padi pwede nindong kakanon asin kan saindong mga pamilya maski saen na malinig na lugar. An mga dolot na iyan itinao saindo asin sa mga aki nindo bilang kahirasan, hale sa mga dolot para sa katoninongan kan mga Israelita.

Levitico 14:12

Dangan kukuahon kan padi an sarong lalaking kordero asin kaiba kan ikatolong parte kan sarong litro nin lana nin oliba, iiitaas niya iyan sa Kagurangnan bilang sarong dolot na kabayadan. Idodolot niya iyan sa Kagurangnan bilang sarong espesyal na regalo para sa padi.

Levitico 3:9

Idodolot ninda sa Kagurangnan bilang atang para sa katoninongan an taba, an bilog na matabang ikog na puputolon hale sa may odog, an gabos na taba na minatahob kan bituka,

Levitico 7:3

Hahaleon an gabos na taba kaiyan saka idodolot sa altar: an matabang ikog, an taba na minatahob kan bituka,

Levitico 7:37

Iyo ini an mga pagsusundon manongod sa tinutong na atang, sa dolot na pagkakan, sa dolot para sa kasalan, sa dolot na kabayadan, sa dolot sa ordenasyon asin sa dolot para sa katoninongan.

Levitico 9:19

An mga matabang kabtang kan torong baka saka kan karnero ibinugtak ni Aaron

Levitico 9:21

Alagad an mga daghan kan mga hayop sagkod an toong hurihan na mga bitis, initaas niya sa Kagurangnan bilang espesyal na regalo para sa mga padi, siring sa ipinagboot ni Moises.

Mga Bilang 18:18

An karne kan mga hayop mapapasaimo, siring man an daghan saka an nasa hurihan na toong bitis kan espesyal na dolot.

1 Samuel 9:24

Kaya kinua kan paraluto an piling pedaso kan bitis asin ibinugtak sa atubangan ni Saul. Nagsabi si Samuel, “Uya an pedaso nin karne na sinaray para saimo. Kakanon mo iyan, huli ta talagang sinaray ko iyan tanganing kakanon mo sa oras na ini sa kaibahan kan mga bisita.” Kaya nagkakan si Saul sa kaibahan ni Samuel kan aldaw na idto.