Exodo 29:20 - Marahay na Bareta Biblia

²⁰ Bunoon mo an karnero, kumua ka nin dikit na dugo kaini asin lahidan mo an hikawan kan toong talinga ni Aaron sagkod kan saiyang mga aki, asin an tanggurangan kan saindang toong kamot saka kan saindang toong bitis. An ibang dugo iula mo sa apat na gilid kan altar.

Exodo 29:20 ပူးပေါင်းရင်းမြစ်များ

Exodo 29:19

“Kuahon mo an saro pang karnero asin sabihan mo si Aaron saka an saiyang mga aki na iduta an saindang mga kamot sa ibabaw kan payo kan karnero.

Exodo 29:21

Kumua ka nin dikit na dugo na nasa altar saka dikit na lana, dangan wirikan mo si Aaron asin an saiyang mga gubing, an mga aki niya saka an saindang mga gubing. Dangan si Aaron asin an saiyang mga aki patin an saindang mga gubing makokonsagra na sako.

Isaias 50:5

An Kagurangnan Dios an nagtao sako nin pakasabot, asin dai ako nagrerebelde o nagtalikod sa saiya.

Isaias 52:15

Alagad ngunyan mangalas saiya an dakul na nasyon, asin sa pagngalas maalo an mga hade. Huli ta mahihiling ninda an dai pa ninda nabaretaan, asin masasabotan ninda an dai pa ninda nadangog.”

Levitico 14:14

Makua an padi nin kadikit na dugo kan kordero dangan lalahidan niya kaini an hikawan kan toong talinga kan linilinigan, an tanggurangan kan too niyang kamot, saka an tanggurangan kan too niyang bitis.

Levitico 14:16

dangan idodotdot niya digdi an muro kan too niyang kamot asin pitong beses siyang mawirik kaiyan sa atubang nin Kagurangnan.

Levitico 14:17

Pakatapos, makua siya nin kadikit na lana sa saiyang palad saka kadikit na dugo kan kordero, dangan ilalahid niya an mga ini sa hikawan kan toong talinga kan linilinigan, sa tanggurangan kan too niyang kamot asin sa tanggurangan kan too niyang bitis.

Levitico 14:25

Bubunoon niya an kordero asin makua siya nin kadikit na dugo na saiyang ilalahid sa hikawan kan toong talinga kan linilinigan, sa tanggurangan kan too niyang kamot, asin sa tanggurangan kan too niyang bitis.

Levitico 14:28

Pakatapos, makua siya nin kadikit na lana sa saiyang palad, dangan ilalahid niya sa mga lugar na linahidan kan dugo: sa hikawan kan toong talinga kan linilinigan, sa tanggurangan kan too niyang kamot, asin sa tanggurangan kan too niyang bitis.

Levitico 14:7

Dangan pitong beses niyang wiwirikan kan dugo an tawong lilinigan kan helang sa kublit, asin ipapahayag niyang malinig na ini. Pakatapos, papalayogon niya sa kaawagan an buhay na gamgam.

Levitico 16:19

Sa paagi kan saiyang muro, pitong beses niyang wiwirikan nin dugo an altar. Sa paaging ini, lilinigan niya an altar sa mga kasalan kan mga Israelita asin papakabanalon niya an altar.

Levitico 8:23

Binuno ni Moises an hayop, nagkua nin dikit na dugo kaini asin linahidan an hikawan kan toong talinga ni Aaron. Linahidan man ni Moises an tanggurangan kan toong kamot ni Aaron sagkod an tanggurangan kan saiyang toong bitis.

Levitico 8:24

Dangan linahidan man niya nin dugo an hikawan kan mga toong talinga kan mga aki ni Aaron, an tanggurangan kan mga toong kamot asin an tanggurangan kan saindang mga toong bitis. Pakatapos, inula ni Moises an natadang dugo sa apat na gilid kan altar.

Markos 7:33

Irinayo ni Jesus sa mga tawo an lalaki. Dangan dinutaan niya kan saiyang mga muro an talinga kan lalaki, naglutab siya saka dinutaan an dila kaini.

Hebreyo 10:22

Kaya magdolok kita sa Dios nin tudok sa puso asin may masarig na pagtubod. Dumolok kita saiya na may malinig na konsyensya huli ta lininig na an satong mga puso saka nahugasan na nin malinig na tubig an satong mga hawak.

Hebreyo 12:24

Nagdolok kamo ki Jesus na iyo an tagapagultanan kan bagong tipan, asin sa iwinirik na dugo na igwang mas marahay na mga panuga ki sa panuga kan dugo ni Abel.

1 Pedro 1:2

Pinili kamo nin Dios Ama siring sa plano niya kaidto pa, asin kinonsagra kamo kan saiyang Espiritu tanganing magkuyog kamo ki Jesu-Cristo saka malinigan kamo kan saiyang dugo. Mapasaindo logod an nagsusupay na biyaya asin katoninongan.