Exodo 29:14 - Marahay na Bareta Biblia

¹⁴ Alagad an karne kan torilyo, an anit asin an odo kaiyan tutongon mo sa luwas kan kampo. Ini an atang na mahale kan mga kasalan kan mga padi.

Exodo 29:14 ပူးပေါင်းရင်းမြစ်များ

2 Mga Cronica 29:24

Pakatapos, binuno kan mga padi an mga kanding, dangan an dugo kan mga ini inula ninda sa altar bilang atang para sa kasalan kan bilog na Israel, huli ta nagboot an hade na an tinutong na atang saka an dolot para sa kasalan kaipuhan iatang para sa bilog na Israel.

Esdras 8:35

Kan panahon na idto, an gabos na nagbalik hale sa pagkatapokan nagdara nin mga tinutong na atang para sa Kagurangnan, an Dios nin Israel. Nagdolot sinda nin doseng torong baka para sa bilog na Israel, nubenta y seis na karnero asin setenta y syeteng kordero; nagdolot man sinda nin doseng kanding bilang dolot para sa kasalan. Ini gabos tinutong bilang mga sakripisyo para sa Kagurangnan.

Exodo 30:10

Sarong beses sa taon gigibohon ni Aaron an seremonya nin paglinig kan altar; an mga sungay kaini lalahidan niya kan dugo kan inatang sa pagbayad nin kasalan. Gibohon nindo ini sa gabos na panahon. An altar na ini kaipuhan na magin banal, konsagrado sa sako. Ako an Kagurangnan.”

Ezekiel 43:21

An torilyong baka na dolot para sa kasalan kuahon mo dangan tutongon sa talaan na lugar kan Templo, sa luwas kan banal na lugar.

Levitico 16:11

Bubunoon ni Aaron an torong baka bilang dolot para sa saiyang kasalan asin para sa saiyang pamilya.

Levitico 16:27

An toro asin an kanding na ginamit para sa dolot sa kasalan na kinuahan kan dugo na dinara sa Kabanal-banaleng Lugar, dadarahon sa luwas kan kampo dangan tututongon. Tututongon an anit, an laman, saka an bituka.

Levitico 16:3

Pwede siyang lumaog sa Kabanal-banaleng Lugar pakatapos niyang magdara nin sarong torilyong baka para sa dolot para sa kasalan, asin nin sarong lalaking karnero para sa tinutong na atang.

Levitico 4:21

Dangan dadarahon niya an hayop sa luwas kan kampo asin tututongon niya duman, siring kan ginibo niya sa hayop na idinolot para sa kasalan. Iyo iyan an dolot na mahale kan kasalan kan mga tawo.

Levitico 4:25

Idodotdot kan padi an saiyang muro sa dugo kan kanding asin lalahidan niya an mga sungay kan altar, dangan iuula niya an matatadang dugo sa pamitisan kan altar.

Levitico 4:29

Iduduta niya an saiyang kamot sa payo kan kanding asin bubunoon niya ini duman sa amihan na parte kan altar saen binubuno an mga hayop na tinututong.

Levitico 4:3

Kun an magkasala iyo an Halangkaw na Padi, asin huli kaiyan nadamay sa pagkakasala an mga tawo, madara siya nin torilyong baka na mayo nin kaninan asin iaatang niya iyan sa Kagurangnan para sa saiyang kasalan.

Levitico 4:32

Kun sarong karnero an dadarahon nin sarong tawo bilang dolot para sa saiyang kasalan, kaipuhan sarong babaeng karnero na mayo nin kaninan an saiyang darahon.

Levitico 5:6

asin bilang padusa kan saiyang kasalan kaipuhan magdara siya sa Kagurangnan nin sarong babaeng karnero o kanding bilang dolot. An padi an madolot kan atang para sa kasalan kan tawong iyan.

Levitico 5:8

Dadarahon niya an mga gamgam sa padi na iyo an madolot kan mga iyan. Enot na idodolot kan padi an gamgam na bayad para sa kasalan. Pipiripiton niya an liog kaini alagad dai niya puputolon,

Levitico 6:25

na itao ki Aaron asin sa saiyang mga aking lalaki an minasunod na pagsusundon manongod sa mga dolot para sa kasalan. An hayop na idodolot para sa kasalan kaipuhan na bunoon duman sa parteng amihan kan altar, sa lugar na binubunoan kan mga hayop na tututongon. Iyan sarong banal na dolot.

Levitico 8:17

Alagad an hawak kan baka, an anit saka an odo, ilinuwas niya sa kampo asin tinutong duman sosog sa ipinagboot nin Kagurangnan.

Levitico 9:2

Sinabihan niya si Aaron, “Kumua ka nin sarong torilyong baka asin sarong lalaking karnero na anas mayo nin kaninan. An torilyong baka idolot mo para sa kasalan, asin an karnero para sa tinutong na atang.

Malakias 2:3

Papadusahan ko an saindong mga aki asin inonosnos ko an saindong lalawogon sa odo kan mga hayop na isinasakripisyo nindo—dangan itatapok kamo sa luwas sa tambakan kan mga odo.

Mga Bilang 19:5

Tututongon na bilog an baka kaiba an anit, karne, dugo, saka bituka, sa atubang kan padi.