Exodo 29:13 - Marahay na Bareta Biblia

¹³ Kuahon mo an gabos na taba na nakakatahob kan bituka, an pinakamarahay na parte kan katoy, an duwang bato kaiba an taba kaiyan asin tutongon mo gabos sa altar bilang atang sako.

Exodo 29:13 ပူးပေါင်းရင်းမြစ်များ

Salmo 22:14

Siring sa tubig kosog ko inuula, asin naggigirilo-gilo gabos kong mga tulang; an sakuyang puso siring sa taro, na natutunaw sa sakong daghan.

Exodo 12:9

Dai nindo pagkakanon na hilaw o linabonan an arin man na parte kaini kundi bilog na inihaw, kairiba an payo, an mga bitis, sagkod an mga nasa laog kan tulak.

Exodo 29:18

tutongon mo an bilog na karnero sa ibabaw kan altar bilang sarong tinutong na atang. An parong kan dolot na ini nawiwilihan ko.

Exodo 29:22

“Kuahon mo man an taba kan karnero, an matabang ikog, an taba na nakakatahob sa bituka, an pinakamarahay na parte kan katoy, an duwang bato kaiba an taba asin an toong hita (huli ta iyo ini an karnero para sa ordenasyon).

Exodo 29:25

Dangan kuahon mo iyan sa sainda asin tutongon mo sa altar, sa ibabaw kan tinutong na atang, bilang sarong dolot na pagkakan sako. An parong kan dolot na ini nawiwilihan ko.

Isaias 1:11

“Anong halaga sako kan saimong mga sakripisyo?” an sabi nin Kagurangnan. “Uyam na ako sa mga tinutong na atang na mga karnero asin sa taba kan mga hayop; dai ako naoogma sa dugo nin mga baka o nin mga kordero, o nin mga lalaking kanding.

Isaias 34:6

An saiyang espada mapapano kan saindang dugo saka taba, arog kan dugo saka taba nin mga kordero asin mga kanding na idinodolot. Idodolot nin Kagurangnan an sakripisyong ini sa syudad nin Bozra; gigibohon niya ining sarong dakulang panggagadan sa daga nin Edom.

Isaias 43:24

Dai mo ako ibinakal nin insenso o binasog kan mga taba kan saimong mga hayop. Alagad pinagabatan mo ako kan saimong mga kasalan; pinagal mo ako huli kan saimong kasombikalan.

Levitico 1:15

An padi iyo an madara kaiyan sa altar asin pipiripiton niya an liog kan gamgam dangan susuloon an payo kaini duman sa altar. Papatagdoon niya an dugo sa gilid kan altar sagkod na maubos.

Levitico 1:9

An kagdolot iyo an mahugas kan bituka asin kan nasa hurihan na mga bitis kan hayop. An padi iyo an matutong kan bilog na atang sa altar. An parong kaiyan nawiwilihan nin Kagurangnan.

Levitico 16:25

Tututongon niya sa altar an taba kan hayop na dolot para sa kasalan.

Levitico 17:6

An dugo iuula kan padi sa mga gilid kan altar sa may pintoan kan Tabernakulo asin tututongon niya an taba tanganing magkaigwa kan parong na nawiwilihan nin Kagurangnan.

Levitico 4:26

Pakatapos, susuloon niya sa altar an gabos na taba arog kan ginigibo niyang pagsulo kan taba kan mga hayop na binubuno para sa dolot para sa katoninongan. Sa paaging ini, idodolot kan padi an atang para sa pamayo kan banwaan asin papatawadon siya.

Levitico 4:31

Dangan hahaleon niya an gabos na taba, siring kan paghale niya sa taba kan mga hayop na binubuno bilang atang para sa katoninongan, asin tututongon niya iyan sa altar. An parong kaiyan nawiwilihan nin Kagurangnan. Sa paaging ini, idodolot kan padi an atang para sa kasalan kan nasabing tawo asin papatawadon siya.

Levitico 4:35

Pakatapos, hahaleon niya an gabos na taba, siring kan paghale niya sa taba kan karnerong binuno bilang dolot para sa katoninongan, asin tututongon niya iyan duman sa altar kaiba kan mga dolot na pagkakan na itinatao sa Kagurangnan. Sa paaging ini, idodolot kan padi an atang para sa kasalan kan nasabing tawo asin papatawadon siya.

Levitico 6:12

An kalayo sa altar kaipuhan danay na naglalaad; dai nanggad iyan pagpabayaan na mapalsok. Aga-aga, gagatongan iyan kan padi. Papakarahayon niya an mga tututongon na atang sa ibabaw kan mga igatong saka tututongon an mga taba kan dolot para sa katoninongan.

Levitico 7:3

Hahaleon an gabos na taba kaiyan saka idodolot sa altar: an matabang ikog, an taba na minatahob kan bituka,

Levitico 7:31

An taba tututongon kan padi duman sa altar, alagad an daghan magigin pagsadiri kan mga padi.

Levitico 7:4

an duwang bato asin an taba kaiyan patin an pinakamarahay na kabtang kan katoy.

Levitico 8:16

Kinua ni Moises an gabos na taba kan baka na nakatahob sa bituka, an pinakamarahay na kabtang kan katoy, an duwang bato kaiba an taba, dangan tinutong niya iyan gabos duman sa altar.

Levitico 8:25

Kinua niya an taba, an matabang ikog, an taba na nakakatahob sa bituka, an pinakamarahay na parte kan katoy, an duwang bato kaiba an taba, asin an toong hita.

Levitico 9:10

Dangan tinutong niya sa altar an taba, an duwang bato saka an pinakamarahay na kabtang kan katoy, siring sa ipinagboot nin Kagurangnan ki Moises,

Levitico 9:19

An mga matabang kabtang kan torong baka saka kan karnero ibinugtak ni Aaron

Mga Bilang 18:17

Alagad an matua nin baka, karnero, saka kanding dai na tutuboson; sadiri ko an mga iyan asin dapat na idolot. Iwirik mo sa altar an saindang dugo asin tutongon mo an saindang taba bilang dolot na pagkakan, sarong parong na nawiwilihan ko.

1 Samuel 2:16

Kun an kagdolot magsimbag, “Gibohon ta an tama; tutongon ta ngona an taba dangan ka na kumua kan boot mo,” masabi an sorogoon kan padi “Dai! Itao mo na ngunyan an karne! Kun dai, kukuahon ko iyan sa paagi nin kosog!”