Exodo 29:10 - Marahay na Bareta Biblia

¹⁰ “Darahon mo sa atubangan kan Tabernakulo an torilyong baka asin sabihan mo si Aaron saka an saiyang mga aki na iduta an saindang mga kamot sa ibabaw kan payo kan torilyong baka.

Exodo 29:10 ပူးပေါင်းရင်းမြစ်များ

Exodo 29:11

Dangan bunoon mo an torilyong baka sa atubangan ko, duman sa may pintoan kan Tabernakulo.

Exodo 29:15

“Dangan kuahon mo an saro sa duwang karnerong lalaki asin sabihan mo si Aaron saka an saiyang mga aking lalaki na iduta an saindang mga kamot sa ibabaw kan payo kan karnero.

Exodo 29:19

“Kuahon mo an saro pang karnero asin sabihan mo si Aaron saka an saiyang mga aki na iduta an saindang mga kamot sa ibabaw kan payo kan karnero.

Isaias 53:6

Gabos kita siring sa karnero na nagkawarara, an lambang saro sato naglakaw sa sadiring dalan. Alagad sa saiya pinahugpa nin Kagurangnan an padusa, an padusa na dapat kita kuta an mag-ako.

Ezekiel 43:23

Pakatapos mo kaiyan, magkua ka nin sarong torilyong baka asin sarong lalaking karnero na gabos mayo nin kaninan,

Levitico 1:4

Iduduta niya an saiyang kamot sa ibabaw kan payo kan hayop, asin aakoon iyan bilang pantubos kan saiyang mga kasalan.

Levitico 16:21

Iduduta niya an saiyang mga kamot sa ibabaw kan payo kan kanding dangan ikukumpisal niya an gabos na karatan kan banwaan nin Israel, an saindang mga kasalan asin kasombikalan. Sa paaging ini, ibinabalyo niya an gabos na karatan sa payo kan kanding. Pakatapos kaiyan, aalawon an kanding pasiring sa desyerto kan lalaking napili na mag-alaw kaiyan.

Levitico 3:2

Iduduta kan kagdolot an saiyang kamot sa ibabaw kan payo kan hayop dangan bubunoon niya iyan sa may pintoan kan Tabernakulo. Pakatapos, an dugo kan hayop iuula kan mga pading aki ni Aaron sa apat na gilid kan altar.

Levitico 4:4

Dadarahon niya an baka sa pintoan kan Tabernakulo asin iduduta niya an saiyang kamot sa payo kan hayop dangan bubunoon niya iyan duman sa atubang nin Kagurangnan.

Levitico 8:14

Dangan dinara ni Moises an torilyong baka na dolot para sa kasalan asin idinuta ni Aaron saka kan saiyang mga aki an saindang mga kamot sa ibabaw kan payo kan hayop.

Levitico 8:18

Dangan kinua ni Moises an saro sa duwang lalaking karnero para sa tinutong na atang. Idinuta ni Aaron saka kan saiyang mga aki an saindang mga kamot sa payo kan hayop.

Mga Bilang 8:12

Pakatapos, ibubugtak kan mga Levita an saindang mga kamot sa payo kan duwang torong baka; an saro idodolot mo para sa kasalan asin an saro bilang tinutong na atang, tanganing gibohon an pagtubos sa mga Levita.

2 Corinto 5:21

Mayo lamang nin kasalan si Cristo, alagad huli sato idinamay siya nin Dios sa satong mga pagkakasala tanganing sa pakisumaro saiya, magkaigwa kita kan katanosan nin Dios.