Exodo 28:43 - Marahay na Bareta Biblia

⁴³ Kun maglaog sa Tabernakulo si Aaron saka an saiyang mga aki, o magdolok sinda sa altar tanganing maglingkod sa Banal na Lugar, masulot sinda kan sarwal tanganing dai sinda magkasala huli sa pagkanihuba asin magadan. Ini sarong danay na pagboot para ki Aaron sagkod sa mga kapagarakian niya.

Exodo 28:43 ပူးပေါင်းရင်းမြစ်များ

Exodo 20:26

Dai nindo ako ipaggibo nin altar na may mga tangga, huli ta kun magsakat kamo diyan, mahihiling an saindong pagkanihuba.

Exodo 27:21

Aldaw-bangging aatamanon ni Aaron asin kan saiyang mga aki an ilawan na ibubugtak sa laog kan Tabernakulo, sa luwas kan kurtina saka sa atubangan kan Kaban nin Tipan. An pagboot na ini ootobon kan mga Israelita asin kan saindang mga kapagarakian sagkod pa man.

Exodo 30:21

Kaipuhan nanggad na maghanaw sinda kan saindang mga kamot saka mga bitis tanganing dai sinda magadan. An pagboot na ini kukuyogon ninda asin kan saindang mga kapagarakian sagkod lamang.”

Ezekiel 44:17

Kun maglaog sinda sa trangkahan pasiring sa patyong nasa laog, masulot sinda nin mga gubing na lino. Kaipuhan dai sinda maggamit nin anoman na gibo sa lana kun naglilingkod sinda sa patyong nasa laog o sa Templo.

Levitico 16:13

dangan sa atubang nin Kagurangnan, ibubugtak niya sa baga an insenso tanganing tahoban kan aso kan insenso an takop kan Kaban nin Tipan, tanganing dai niya iyan mahiling asin dai siya magadan.

Levitico 17:7

Kaya dai na nanggad sinda magbubuno nin mga hayop sa kaawagan bilang dolot sa mga demonyo. Kaipuhan kuyogon kan mga Israelita an pagsusundon na ini sagkod lamang.

Levitico 22:15

Dai nanggad paglanghadan kan mga padi an mga banal na dolot sa Kagurangnan kan banwaan nin Israel,

Levitico 22:9

“Kaipuhan otobon kan gabos na padi an itinao kong mga pagboot, tanganing dai sinda magkasala asin magadan huli sa paglapas ninda kaiyan. Ako an Kagurangnan na nagpapabanal sainda.

Levitico 3:17

Sagkod pa man dai nin siisay man sa mga Israelita an pwedeng magkakan kan taba saka dugo; iyan sarong pagboot na kukuyogon kan gabos na Israelita saen man sinda mag-erok.

Levitico 5:1

An mga minasunod na kaso nangangaipo nin mga dolot para sa kasalan. Kun igwa nin tawong inapod tanganing magsaksi sa hukoman manongod sa saiyang nadangog o nahiling, alagad habo niyang isabi, pagdudusahan niya iyan.

Levitico 5:17

Kun an sarong tawo dai tuyong magkasala huli sa paglapas kan arin man sa mga pagboot nin Kagurangnan, babayadan niya an kasalan na iyan.

Mga Bilang 15:15

Sagkod lamang, saro sana an pagsusundon nindo asin kan mga dayuhan na nag-eerok sa kaibahan nindo. Sa atubangan nin Kagurangnan, kamo saka an mga dayuhan pareho sana;

Mga Bilang 18:22

Dai nanggad magdolok sa Tabernakulo an ibang mga Israelita tanganing dai sinda magkasala asin magadan.

Mga Bilang 18:32

Dai kamo magkakasala sa pagkakan kan natada kun ikinadolot na nindo an pinakamarahay. Alagad dai nanggad nindo pagbasang-basangon an mga sagradong dolot kan mga Israelita huli sa pagkakan kan arin man kaiyan bago nindo idinolot an pinakamarahay na kabtang; kun gibohon nindo iyan, magagadan kamo.”

Mga Bilang 18:8

Tinaraman nin Kagurangnan si Aaron, “Giromdoma na itinatao ko saimo an gabos na espesyal na regalo na idinodolot sako, an dolot na dai tinutong bilang mga sakripisyo. Itinatao ko iyan saimo asin sa saimong kapagarakian bilang saindong kahirasan sagkod lamang.

Mga Bilang 9:13

Alagad kun an tawong malinig asin dai nasa pagbaklay, magpabaya kan pagselebrar kan Paskwa, dai na siya ibibilang na kaayon sa sakuyang banwaan, huli ta dai niya idinolot sa talaan na panahon an dolot sa sako. Magdudusa an tawong iyan huli kan saiyang kasalan.