Exodo 28:41 - Marahay na Bareta Biblia

⁴¹ Gubingan mo kaiyan si Aaron na saimong tugang asin an saiyang mga aki, dangan lahidan mo sinda nin lana, ordenan saka konsagrahon, tanganing maglingkod sinda sako bilang mga padi.

Exodo 28:41 ပူးပေါင်းရင်းမြစ်များ

Exodo 28:1

“Ipaapod mo si Aaron na saimong tugang sagkod an saiyang mga aki na si Nadab, Abihu, Eleazar asin si Itamar. Laenon mo sinda sa gabos na Israelita tanganing maglingkod sako bilang mga padi.

Exodo 28:4

Ini an mga gubing na gigibohon ninda: pantahob sa daghan, efod, abito, tunikang may burda, mitra asin habay. Ining mga banal na gubing gigibohon ninda para sa tugang mong si Aaron asin para sa saiyang mga aki tanganing maglingkod sinda sako bilang mga padi.

Exodo 29:24

Ibugtak mo iyan gabos sa mga kamot ni Aaron asin kan saiyang mga aki dangan iitaas ninda iyan sako bilang sarong espesyal na dolot.

Exodo 29:35

“Gibohon mo an seremonya nin pag-orden ki Aaron sagkod kan saiyang mga aki sa laog nin pitong aldaw siring sa ipinagboot ko saimo.

Exodo 29:7

Dangan kuahon mo an lana, iula mo sa saiyang payo asin lahidan mo siya.

Exodo 29:9

hagkosan mo an saindang habayan dangan bugtakan mo nin turban an saindang payo. Iyan an gigibohon mo sa pagkonsagra ki Aaron asin kan saiyang mga aki. Sinda asin an saindang mga kapagarakian an maglilingkod sako bilang padi sagkod pa man.

Exodo 30:35

Siring sa sarong paragibo nin pahamot, saralakon mo iyan tanganing magibong insenso. Asinan mo tanganing magin malinig saka banal.

Exodo 40:13

Sulotan mo si Aaron kan mga banal na gubing, lahidan mo siya nin lana asin konsagrahon tanganing makapaglingkod siya sako bilang padi.

Exodo 40:15

dangan lahidan mo nin lana, arog kan ginibo mo sa saindang ama, tanganing maglingkod sinda sako bilang mga padi. An banal na paglahid na ini iyo an makonsagra sainda sa daing kataposan na pagpadi sa gabos na henerasyon.”

Isaias 10:27

Pag-abot kan aldaw na iyan, tatalingkasan ko kamo sa kapangyarihan nin Asiria, asin dai na kamo magagabatan kan sakal na ibinugtak ninda sa abaga nindo.”

Isaias 61:1

Nasa sako an espiritu kan Kagurangnan Dios, huli ta linahidan niya ako sa pagdara kan marahay na bareta sa mga dukha. Sinugo niya ako sa pagbolong kan mga nakukulogan an puso, sa pagpahayag nin katalingkasan sa mga bihag asin sa mga nasa bilanggoan.

Ezekiel 43:26

An altar lilinigan asin kokonsagrahon kan mga padi sa laog nin pitong aldaw.

Levitico 10:7

Dai kamo maghale sa may pintoan kan Tabernakulo tanganing dai kamo magadan, huli ta kinonsagra na kamo sa paagi kan paglahid saindo kan lana nin Kagurangnan.” Kaya ginibo ninda an sinabi ni Moises.

Levitico 16:24

Dangan makarigos siya sa sarong banal na lugar saka isusulot an sadiri niyang gubing bago siya magluwas. Pakatapos, idodolot na niya an tinutong na atang tanganing mahale an saiyang mga kasalan asin kan mga Israelita.

Mga Bilang 16:5

Dangan sinabihan niya si Kora asin an mga kairiba kaini, “Sa aga, ipapahiling sato nin Kagurangnan kun siisay an sadiri niya, an mga pinili niya na papadolokon niya saiya sa altar.

Mga Bilang 3:3

An mga ini linahidan nin lana asin inordenan bilang mga padi.

Juan 3:34

Huli ta an sinugo nin Dios nagtataram kan mga tataramon nin Dios; dai sinusukol an pagtao nin Dios kan saiyang Espiritu.

Hebreyo 5:4

Mayo nin siisay man na minapili sa sadiri niya na magin halangkaw na padi, kundi an Dios an minaapod saiya siring kan pag-apod ki Aaron.

Hebreyo 7:28

An pinipili kan Katogonan ni Moises na magin halangkaw na padi iyo an mga tawong igwa nin kaluyahan, alagad an panuga na sinumpaan nin Dios, na nangyari pakatapos niyang itao an Katogonan, iyo an nagpili sa Aki na ginibong banal sagkod lamang.

1 Juan 2:20

Alagad iwinaras na saindo ni Cristo an Espiritu Santo, kaya kamo gabos nakakaaram kan katotoohan.

1 Juan 2:27

Alagad manongod saindo, winarasan na kamo ni Cristo kan saiyang Espiritu. Kaya dai na kamo kaipuhan pang tukdoan nin siisay man, huli ta an saiyang Espiritu mismo iyo an nagtutukdo saindo kan gabos na bagay; an itinutukdo niya totoo, bakong putik. Kaya kuyoga nindo an itinukdo saindo, asin magdanay kamong sararo ki Cristo.