Exodo 28:38 - Marahay na Bareta Biblia

³⁸ Mamumugtak ini sa angog ni Aaron; siya an maako kan anoman na nagibong kasalan sa pagdolot kan mga tawo kan saindang atang. Danay na mamumugtak sa angog ni Aaron an koronang ini tanganing akoon ko an saindang atang.

Exodo 28:38 ပူးပေါင်းရင်းမြစ်များ

Exodo 28:37

An koronang ini ikakabit nindo sa atubangan kan mitra; asul na lubid an gamiton nindo.

Exodo 28:43

Kun maglaog sa Tabernakulo si Aaron saka an saiyang mga aki, o magdolok sinda sa altar tanganing maglingkod sa Banal na Lugar, masulot sinda kan sarwal tanganing dai sinda magkasala huli sa pagkanihuba asin magadan. Ini sarong danay na pagboot para ki Aaron sagkod sa mga kapagarakian niya.

Isaias 53:6

Gabos kita siring sa karnero na nagkawarara, an lambang saro sato naglakaw sa sadiring dalan. Alagad sa saiya pinahugpa nin Kagurangnan an padusa, an padusa na dapat kita kuta an mag-ako.

Isaias 56:7

“Dadarahon ko kamo sa Sion, an sakong banal na bukid, tatawan ko nin kaogmahan sa sakong harong nin pamibian, asin aakoon ko an mga sakripisyo na idinodolot nindo sa sakong altar. An sakong Templo aapodon na harong nin pamibian para sa gabos na banwaan.”

Isaias 60:7

An gabos na karnero nin Kedar saka Nebaiot dadarahon saimo bilang mga sakripisyo asin idodolot sa altar tanganing maogma an Kagurangnan. Orog na papamurawayon nin Kagurangnan an saiyang Templo sagkod lamang.

Levitico 1:4

Iduduta niya an saiyang kamot sa ibabaw kan payo kan hayop, asin aakoon iyan bilang pantubos kan saiyang mga kasalan.

Levitico 10:17

“Tadaw ta dai nindo kinakan sa sarong banal na lugar an dolot para sa kasalan? Orog iyan kabanal asin itinao na saindo nin Kagurangnan tanganing mahale an kasalan kan mga tawo.

Levitico 22:16

huli sa pagpakakan kaiyan sa mga bakong maninigo; magdadara iyan nin kasalan asin padusa sa tawong iyan. Ako an Kagurangnan asin ako an nagpapabanal kan mga dolot.”

Levitico 22:27

“Kun mamundag an sarong baka o karnero o kanding, papabayaan ngona nindo iyan sa kaibahan kan saiyang ina sa laog nin pitong aldaw, alagad poon sa ikawalong aldaw, pwede nang akoon iyan bilang dolot na pagkakan sa Kagurangnan.

Levitico 22:9

“Kaipuhan otobon kan gabos na padi an itinao kong mga pagboot, tanganing dai sinda magkasala asin magadan huli sa paglapas ninda kaiyan. Ako an Kagurangnan na nagpapabanal sainda.

Levitico 23:11

Iiitaas iyan sa Kagurangnan bilang sarong espesyal na dolot tanganing akoon kamo. Idodolot iyan kan padi pagkaaga pakatapos kan aldaw nin Sabbath.

Mga Bilang 18:1

Tinaraman nin Kagurangnan si Aaron, “Ika, an saimong mga aki, sagkod an mga Levita iyo an magtitios sa ano man na kasalan na igwa nin relasyon sa paglingkod sa Tabernakulo; alagad ika asin an saimong mga aki sana an magtitios sa ano man na kasalan na igwa nin relasyon sa pagigin padi.

Juan 1:29

Kan sunod na aldaw nahiling ni Juan si Jesus na nagdadangadang, kaya nagsabi siya, “Uya an Kordero nin Dios, na nagpapara kan kasalan nin kinaban!

2 Corinto 5:21

Mayo lamang nin kasalan si Cristo, alagad huli sato idinamay siya nin Dios sa satong mga pagkakasala tanganing sa pakisumaro saiya, magkaigwa kita kan katanosan nin Dios.

Efeso 1:6

Omawon ta an Dios dahel kan saiyang nagsusupay na biyaya na itinao niya sato bilang regalo na yaon sa namomotan niyang Aki!

Hebreyo 9:28

Siring man si Cristo inatang saro sanang beses para sa paghale kan mga kasalan kan dakul na tawo. Maabot siya giraray, bako nang sa paghale kan kasalan, kundi sa pagligtas kan mga naghahalat saiya.

1 Pedro 2:24

Dinara ni Cristo an satong mga kasalan sa saiyang hawak duman sa krus tanganing magadan kita sa satong kasalan asin mabuhay sa katanosan. Naomayan kamo huli kan saiyang mga lugad.

1 Pedro 2:5

Magdolok kamo bilang mga buhay na gapo tanganing magamit sa pagtugdok kan espiritwal na templo; maglilingkod kamo bilang mga banal na padi, na magdodolot nin mga atang na espiritwal, na ikakaogma nin Dios huli ki Jesu-Cristo.

1 Pedro 3:18

Huli ta si Cristo nagadan dahel sa mga kasalan sarong beses sana nanggad. Matanos siyang tawo alagad nagadan siya para sa mga makasalan, tanganing madara niya kita sa Dios. Ginadan siya sa hawak alagad binuhay siya sa espiritu.