Exodo 28:37 - Marahay na Bareta Biblia

³⁷ An koronang ini ikakabit nindo sa atubangan kan mitra; asul na lubid an gamiton nindo.

Exodo 28:37 ပူးပေါင်းရင်းမြစ်များ

Exodo 28:28

Gagakodan ninda nin pising asul an mga siningsing kan pantahob sa daghan asin an mga siningsing kan efod tanganing an pantahob sa daghan dai masiblag sa efod kundi makatakod asin mapamugtak sa itaas kan habay.

Exodo 28:31

“An abito kan efod gibohon nindo sa telang lana na kolor asul.

Exodo 28:36

“Gumibo ka nin koronang anas na bulawan dangan iukit mo diyan ining mga tataramon, ‘Konsagrado sa Kagurangnan.’

Exodo 28:38

Mamumugtak ini sa angog ni Aaron; siya an maako kan anoman na nagibong kasalan sa pagdolot kan mga tawo kan saindang atang. Danay na mamumugtak sa angog ni Aaron an koronang ini tanganing akoon ko an saindang atang.

Exodo 28:4

Ini an mga gubing na gigibohon ninda: pantahob sa daghan, efod, abito, tunikang may burda, mitra asin habay. Ining mga banal na gubing gigibohon ninda para sa tugang mong si Aaron asin para sa saiyang mga aki tanganing maglingkod sinda sako bilang mga padi.

Exodo 29:6

Ibugtak mo sa saiyang payo an mitra asin igakod mo sa atubangan kan mitra an banal na korona.

Levitico 8:9

Ibinugtak niya an mitra sa payo ni Aaron asin sa atubangan kaiyan ibinugtak niya an bulawan na korona, an banal na tanda kan konsagrasyon, sosog sa ipinagboot saiya nin Kagurangnan.

Zacarias 3:5

Pinagbotan niya an mga sorogoon na bugtakan nin malinig na turban an payo ni Josue. Kaya binugtakan ninda nin malinig na turban an saiyang payo dangan sinulotan nin bagong gubing mantang nakatindog duman an anghel.

Mga Bilang 15:38

Bugtakan nindo nin mga kordon an kanto kan saindong mga gubing asin bugtakan man nindo nin sarong asul na lubid an lambang kordon. Gigibohon nindo ini sa gabos nindong henerasyon.