Exodo 28:36 - Marahay na Bareta Biblia

³⁶ “Gumibo ka nin koronang anas na bulawan dangan iukit mo diyan ining mga tataramon, ‘Konsagrado sa Kagurangnan.’

Exodo 28:36 ပူးပေါင်းရင်းမြစ်များ

1 Mga Cronica 23:13

An mga aking lalaki ni Amram iyo si Aaron asin si Moises. Linaen si Aaron dangan an saiyang kapagarakian, tanganing sagkod pa man sinda an mamahala kan mga banal na bagay, magtutong nin insenso sa atubangan nin Kagurangnan, maglingkod saiya asin tanganing magbendisyon sa mga tawo sa ngaran nin Kagurangnan.

Salmo 93:5

An saimong mga togon mayo nin kataposan, Kagurangnan, asin totoong banal an saimong Templo, sa panahon na daing kataposan.

Exodo 19:6

Kamo magigin kahadean nin mga padi asin sarong banal na nasyon para sa sako. Ini an itaram mo sa mga Israelita.”

Exodo 28:11

Gibohon mo ini siring sa marahay na platero asin kalopkopan mo nin bulawan an mga bato.

Exodo 28:35

Isusulot ni Aaron an abitong ini kun naglilingkod siya bilang padi. Paglaog asin pagluwas niya sa Banal na Lugar, madadangog an tanog kan mga kampanilya, kaya dai siya gagadanon.

Exodo 28:37

An koronang ini ikakabit nindo sa atubangan kan mitra; asul na lubid an gamiton nindo.

Exodo 28:9

Kumua ka nin duwang batong oniks dangan diyan mo iukit an mga ngaran kan doseng aking lalaki ni Jacob,

Exodo 29:6

Ibugtak mo sa saiyang payo an mitra asin igakod mo sa atubangan kan mitra an banal na korona.

Exodo 39:27

Ginibo ninda an mga tunika para ki Aaron saka para sa saiyang mga aki,

Exodo 39:30

Ginibo ninda an koronang anas bulawan asin inukitan ninda kan mga tataramon na “Konsagrado sa Kagurangnan.”

Exodo 39:31

An koronang ini ginakodan ninda nin asul na pisi dangan ibinugtak sa atubangan kan mitra, siring sa ipinagboot nin Kagurangnan ki Moises.

Isaias 23:18

An kwartang makukua niya sa negosyo idudusay niya sa Kagurangnan. Dai niya iyan sasarayon o titiponon, alagad gagamiton iyan kan mga nagsasamba sa Kagurangnan sa pagbakal nin kakanon saka gubing na saindang kaipuhan.

Ezekiel 43:12

Iyo ini an togon manongod sa Templo: An bilog na teritoryo sa palibot kaini sa alitoktok kan bukid sagrado asin banal.”

Levitico 10:3

Dangan sinabihan ni Moises si Aaron, “Iyo ini an itinaram nin Kagurangnan, ‘An gabos na naglilingkod sako, kaipuhan maggalang kan sakong kabanalan; ipapahiling ko an sakong kamurawayan sa sakong banwaan.’” Dai naggirong si Aaron.

Levitico 19:2

na sabihan an komunidad nin Israel, “Magin banal kamo, huli ta ako, an Kagurangnan na saindong Dios, banal.

Levitico 8:9

Ibinugtak niya an mitra sa payo ni Aaron asin sa atubangan kaiyan ibinugtak niya an bulawan na korona, an banal na tanda kan konsagrasyon, sosog sa ipinagboot saiya nin Kagurangnan.

Zacarias 14:20

Sa panahon na iyan, maski an mga kampanilya na nakagakod sa mga kabayo magkakaigwa kan mga tataramon na “Idinusay sa Kagurangnan.” An mga kagamitan sa pagluto sa Templo magigin sagrado man siring kan mga mangko sa atubangan kan altar.

Hebreyo 12:14

Hingowahon nindong magkaigwa nin katoninongan sa kaibahan kan gabos; mamuhay kamong banal, huli ta kun mayo kaiyan, mayo nin siisay man na makakahiling sa Kagurangnan.

Hebreyo 7:26

Kaya si Jesus iyo an Halangkaw na Padi na makakasimbag kan satong mga pangangaipo. Banal siya, mayo nin digta o karatan; dai kabilang sa mga parakasala, ilinangkaw siya sa itaas pa kan kalangitan.

1 Pedro 2:9

Alagad kamo an piniling rasa, mga padi kan Hade, sarong nasyon na banal, saka mga tawong sadiri nin Dios. Pinili kamo tanganing magbareta kan mga makangangalas na gibo nin Dios na iyo an nag-apod saindo hale sa kadikloman pasiring sa saiyang makangangalas na liwanag.

Kapahayagan 21:27

Alagad mayong anoman na maati na makakalaog sa syudad, ni an mga naggigibo nin karatan o nagtataram nin kaputikan. An makakalaog sa syudad iyo sana an mga tawo na an ngaran nasusurat sa libro kan Kordero—an libro nin buhay.