Exodo 28:3 - Marahay na Bareta Biblia

³ Ipaapod mo an gabos na tawong tinawan ko nin kakayahan, asin sabihan mo sinda na gibohon an mga gubing ni Aaron, tanganing konsagrahon siya bilang padi na malingkod sako.

Exodo 28:3 ပူးပေါင်းရင်းမြစ်များ

1 Mga Hade 7:14

An saiyang ama, na haloy nang gadan, gikan sa Tiro asin sarong ekspertong panday nin bronse; an saiyang ina gikan sa tribu ni Neftali. Si Huram sarong madonong na panday asin eksperto sa paggibo nin mga kagamitan na bronse. Nagduman si Huram ki Hadeng Solomon asin ginibo an gabos niyang trabaho.

Exodo 35:10

“Magdigdi an lambang saro sa saindo na igwa nin kakayahan sa pagtrabaho asin gibohon nindo an gabos na ipinagboot nin Kagurangnan: an Tabernakulo,

Exodo 35:25

An mga babae na tataong magporon, nagdolot kan mga pinoron nindang torsido nin pinong lino asin nin mga torsidong lana na kolor asul, purpura asin pula.

Exodo 35:30

Sinabihan ni Moises an mga Israelita, “Pinili nin Kagurangnan si Bezalel, na aking lalaki ni Uri saka makoapo ni Hur na gikan sa tribu ni Juda.

Exodo 35:31

Pinano siya nin Dios kan saiyang kapangyarihan asin tinawan nin kakayahan, nin pakasabot asin kadonongan sa manlaen-laen na gibo sa arte:

Exodo 35:35

Itinao niya sa sainda an kakayahan sa gabos na trabaho nin sarong paraukit, paradibuho asin nin sarong paraburda sa pinong lino, sa telang lana na kolor asul, purpura asin pula, asin nin sarong parahabol nin ano man na klaseng tela—an kakayahan nin sarong trabahador o dibuhista.

Exodo 36:1

“Si Bezalel, si Oholiab asin an gabos na trabahador na tinawan nin Kagurangnan nin kakayahan asin pakasabot, tanganing maaraman an pagtugdok kan Tabernakulo, iyo an magiribo kan gabos na bagay siring sa pagboot nin Kagurangnan.”

Exodo 36:2

Inapod ni Moises si Bezalel, si Oholiab asin an iba pang ekspertong lalaki na tinawan nin Kagurangnan nin kakayahan asin boot na magtabang, dangan sinabihan na magpoon nang magtrabaho.

Mga Talinhaga 2:6

Huli ta an Kagurangnan iyo an nagtatao nin kadonongan; siya an nagtutukdo nin pakaaram asin pakasabot.

Isaias 11:2

An espiritu nin Kagurangnan maontok sa saiya, an espiritu nin kadonongan saka pakasabot, an espiritu nin hatol saka kosog, an espiritu nin pakaaram asin nin pagkatakot sa Kagurangnan.

Efeso 1:17

hinahagad ko sa Dios ni Jesu-Cristo na satong Kagurangnan, an mamurawayon na Ama, na itao saindo an espiritu nin kadonongan, tanganing masabotan nindo nin orog an kapahayagan dapit sa Dios.

Deuteronomio 34:9

Napano nin kadonongan si Josue na aki ni Nun, huli ta siya an pinili ni Moises na magsalihid saiya. Nagkuyog ki Josue an banwaan nin Israel, asin nagsunod kan mga pagboot nin Kagurangnan na itinao sainda huli ki Moises.

Santiago 1:17

An lambang balaog na marahay asin an lambang tunay na regalo gikan sa langit, hale sa Ama na Kaglalang kan gabos na liwanag sa langit. Sa saiya mayo nin pagliwat o anino nin pagbabago.