Exodo 28:29 - Marahay na Bareta Biblia

²⁹ “Paglaog ni Aaron sa Banal na Lugar, isusulot niya an pantahob sa daghan, na nauukitan kan ngaran kan mga aki ni Jacob tanganing ako, an Kagurangnan danay na makagiromdom sa sakong banwaan.

Exodo 28:29 ပူးပေါင်းရင်းမြစ်များ

Exodo 28:12

Dangan ikabit mo ini sa tirante kan efod bilang paggiromdom sa doseng tribu nin Israel. Sa siring na paagi, dadarahon ni Aaron an saindang mga ngaran sa saiyang mga abaga sa atubang ko tanganing ako, an Kagurangnan, danay na makagiromdom sa sakong banwaan.

Exodo 28:15

“Gumibo kamo nin pantahob sa daghan na gagamiton kan Halangkaw na Padi sa pagsabot kan kabotan nin Dios. Gibohon nindo iyan sa parehong materyales na ginamit sa paggibo kan efod asin burdahan arog kan efod.

Exodo 28:28

Gagakodan ninda nin pising asul an mga siningsing kan pantahob sa daghan asin an mga siningsing kan efod tanganing an pantahob sa daghan dai masiblag sa efod kundi makatakod asin mapamugtak sa itaas kan habay.

Exodo 28:30

Ilaog nindo sa pantahob sa daghan an Urim asin Tummim tanganing mamugtak sa daghan ni Aaron kun minadolok siya sa atubangan ko. Kaya danay na isusulot ni Aaron an pantahob sa daghan tanganing maaraman niya an sakong kabotan para sa banwaan nin Israel.

Awit nin mga Awit 8:6

Giboha akong sarong tanda sa saimong puso, sarong tanda sa saimong braso; huli ta an pagkamoot siring kakosog sa kagadanan, an pag-imon makuri siring sa lulubngan. An mga kikilat kaiyan gabos kikilat nin kalayo, sarong nagkakarabang kalayo.

Jeremias 30:21

An saindang pamayo magikan sa sadiri nindang nasyon, an saindang prinsipe maghahale sa sainda man sana. Madolok siya sako kun alokon ko siya, huli ta siisay an mangangahas na dumolok na dai inalok? Sinda magigin banwaan ko, asin ako an magigin Dios ninda. Ako, an Kagurangnan, an nagtaram.”

Roma 10:1

Mga tugang, an sakong pagmawot asin pamibi sa Dios sa bilog kong puso iyo na an kapwa ko mga Israelita makaligtas.