Exodo 28:21 - Marahay na Bareta Biblia

²¹ Doseng bato an uukitan nindo kan mga ngaran kan mga aki ni Jacob. An lambang bato uukitan nin sarong ngaran, bilang tanda kan doseng tribu nin Israel.

Exodo 28:21 ပူးပေါင်းရင်းမြစ်များ

1 Mga Hade 18:31

Nagkua siya nin doseng gapo, sosog sa bilang kan mga tribu kan doseng aking lalaki ni Jacob na tinawan nin Kagurangnan kan ngaran na Israel.

An Libro ni Job 19:24

Sa paagi nin tigib ikaukit logod iyan sa gapo asin ikasurat tanganing magdanay sagkod lamang.

Exodo 24:4

Isinurat ni Moises an gabos na pagboot nin Kagurangnan. Pagkaagang amay nagtugdok siya nin altar sa pamitisan kan bukid. Nagpatindog siya nin doseng hariging gapo para sa doseng tribu nin Israel.

Exodo 28:11

Gibohon mo ini siring sa marahay na platero asin kalopkopan mo nin bulawan an mga bato.

Exodo 28:20

dangan sa ikaapat na raya, an mga batong berilo, oniks asin haspe. Ini gabos itatampok sa mga kalopkop na bulawan.

Exodo 28:22

Gumibo kamo para sa pantahob sa daghan nin duwang kadenang purong bulawan na sinalapid.

Zacarias 9:16

Pag-abot kan aldaw na iyan, ililigtas nin Kagurangnan an saiyang banwaan, siring kan pagligtas nin sarong pastor sa saiyang mga karnero na nasa pag-alaman. Magliliwanag sinda sa saiyang daga arog sa mamahalon na bato sa sarong korona.

Lukas 22:30

makakan saka mainom kamong kasabay ko sa Kahadean ko. Matukaw kamo sa mga trono sa paghukom sa doseng tribu nin Israel.”

Santiago 1:1

Surat na hale ki Santiago na sorogoon nin Dios asin ni Jesu-Cristong Kagurangnan. Pangongomusta sa doseng tribu na nasa pagkawarak.

Kapahayagan 21:12

Dakula asin halangkaw an kudal kaiyan, na may doseng trangkahan na binabantayan nin doseng anghel. Nakasurat sa mga trangkahan an mga ngaran kan doseng tribu nin Israel.