Exodo 28:20 - Marahay na Bareta Biblia

²⁰ dangan sa ikaapat na raya, an mga batong berilo, oniks asin haspe. Ini gabos itatampok sa mga kalopkop na bulawan.

Exodo 28:20 ပူးပေါင်းရင်းမြစ်များ

Exodo 28:19

sa ikatolong raya, an mga batong jacinto, agata asin ametista;

Exodo 28:21

Doseng bato an uukitan nindo kan mga ngaran kan mga aki ni Jacob. An lambang bato uukitan nin sarong ngaran, bilang tanda kan doseng tribu nin Israel.

Awit nin mga Awit 5:14

Magagayon an saiyang mga kamot, asin nagsusulot siyang mga singsing na tinampokan nin mamahalon na mga bato. An saiyang hawak siring sa malinig na marpil, na tinampokan nin mga sapiro.

Ezekiel 1:16

Parareho an apat na rweda; an lambang saro nagkikinang siring sa sarong mahalagang bato, asin an pagkagibo kaiyan garo sarong rweda sa laog nin sarong rweda,

Ezekiel 10:9

Nahiling ko man na igwa nin apat na rwedang gabos magkapareho an porma; an sarong rweda kataed nin sarong kerubin. An mga rweda nagkikintab siring sa mahalagang mga bato, asin an pakagibo kaiyan garo sarong rweda sa laog nin sarong rweda.

Daniel 10:6

An saiyang hawak nagkikinang siring sa sarong mahalagang bato. An saiyang lalawogon maliwanag siring sa kikilat, asin an saiyang mga mata naglalaad siring sa kalayo. An saiyang mga takyag saka mga tabay nagliliwanag siring sa pinakinang na bronse; nakakaagid sa ribok nin kadakul na tawo an saiyang tingog.

Kapahayagan 21:11

nagliliwanag sa kamurawayan nin Dios. Nagliliwanag an syudad siring sa mahalagang bato, arog sa haspeng malinaw siring sa kristal.

Kapahayagan 4:3

An lalawogon kan nakatukaw sa trono nagliliwanag siring sa mahalagang batong haspe saka kornalina; sa palibot kan trono may bulalangaw na kakolor kan batong esmeralda.