Exodo 28:2 - Marahay na Bareta Biblia

² Ipagibo mo si Aaron nin banal na mga gubing tanganing magkaigwa siya nin dignidad asin gayon.

Exodo 28:2 ပူးပေါင်းရင်းမြစ်များ

An Libro ni Job 40:10

Kun magigibo mo, tumindog ka sa saimong kaomawan asin kapalangkawan; maggubing ka nin kamurawayan saka kagayonan.

Salmo 132:16

An saiyang mga padi gugubingan ko nin kaligtasan, asin an saiyang mga banal makurahaw sa kaogmahan.

Salmo 132:9

An saimong mga padi magubingan logod nin katanosan; an saimong mga banal magkurahaw logod sa kaogmahan!

Salmo 149:4

Ikinakaogma nin Kagurangnan an saiyang banwaan; an mapakumbaba tinatawan niya nin kapangganahan.

Salmo 96:6

Omaw asin kamahalan yaon sa saiyang atubang; kosog asin gayon yaon sa saiyang santwaryo.

Exodo 28:40

“An mga aki ni Aaron igibo nindo nin mga abito, mga habay asin mga turban tanganing magkaigwa sinda nin dignidad asin gayon.

Exodo 29:28

Sagkod pa man ini an sakong pagboot na kun madolot an mga tawo kan dolot para sa katoninongan, an daghan saka an hita kan hayop lalaenon para sa mga padi. Ini an dolot sako kan mga tawo.

Exodo 31:10

an magagayon na gubing kan pading si Aaron sagkod kan saiyang mga aki na gagamiton ninda sa paglingkod sako bilang mga padi,

Exodo 40:13

Sulotan mo si Aaron kan mga banal na gubing, lahidan mo siya nin lana asin konsagrahon tanganing makapaglingkod siya sako bilang padi.

Isaias 4:2

Maabot an panahon na papadakulaon asin papagayonon nin Kagurangnan an gabos na tinanom sa Israel. Mawiwilihan asin ipag-oorgulyo kan mga matatadang mga tawo an bunga kan daga.

Isaias 52:1

Pagmata, O Jerusalem! Pagmakosog asin pagin dakula giraray! Banal na syudad nin Dios, sulotan an magagayon mong gubing! Dai na nanggad makakalaog sa saimong mga trangkahan an mga pagano.

Isaias 61:10

Nag-oogma an Jerusalem huli kan ginibo nin Kagurangnan. Nakakaagid siya sa sarong nobya na nakagubing nin pangkasal. Ginubingan siya nin Dios nin gubing nin kaligtasan saka kapangganahan.

Isaias 61:3

tanganing tawan an mga nagmomondo sa Sion nin kaogmahan saka kagayagayahan embes na kamondoan, nin sarong awit nin pag-omaw embes na sarong panambitan. Makakaagid sinda sa mga kahoy na itinanom mismo nin Kagurangnan. Gigibohon ninda an tama, asin oomawon an Dios huli kan saiyang ginibohan.

Isaias 64:6

Gabos kami nagkasala; maati maski an pinakamarahay ming gibo. Huli kan samong mga kasalan nakakaagid kami sa mga dahon na naaalang asin ipinapalid kan doros.

Levitico 8:30

Kuminua si Moises nin kadikit kan lanang panlahid saka kadikit kan dugo na nasa altar dangan winirikan niya si Aaron asin an saiyang mga aking lalaki patin an saindang mga sulot na gubing. Sa paaging ini kinonsagra niya sinda asin an saindang mga gubing sa Kagurangnan.

Juan 1:14

An Tataramon nagin tawo asin nag-erok sa kaibahan nyato, pano nin biyaya saka katotoohan. Nahiling mi an saiyang kamurawayan, an kamurawayan na itinao saiya kan saiyang Ama bilang bugtong niyang Aki.

Roma 13:14

Isulot nindo an armas na iyo si Jesu-Cristo asin dai nindo pagsunodon an mga kamawotan kan saindong laman.

Roma 3:22

Pinangagin matanos nin Dios an tawo sa paagi kan pagtubod ninda ki Jesu-Cristo. Ginibo iyan nin Dios sa gabos na nagtutubod ki Cristo. Mayo nin kalaenan an gabos na tawo,

Galacia 3:27

Kaya kamong mga binunyagan sa pakisumaro ki Cristo, nagubingan na kan buhay ni Cristo.

Hebreyo 2:9

Alagad nahihiling ta si Jesus, na sa dikit na panahon ginibong mas hababa ki sa mga anghel, tanganing sa paagi kan biyaya nin Dios, magadan siya para sa gabos na tawo. Ngunyan nahihiling ta siyang nakokoronahan nin kamurawayan asin kaomawan huli kan kagadanan na tinios niya.

Hebreyo 7:26

Kaya si Jesus iyo an Halangkaw na Padi na makakasimbag kan satong mga pangangaipo. Banal siya, mayo nin digta o karatan; dai kabilang sa mga parakasala, ilinangkaw siya sa itaas pa kan kalangitan.

2 Pedro 1:17

Nahiling mi siya kan inako niya sa Dios Ama an kaomawan asin kamurawayan, dangan nadangog mi an tingog kan Dakulang Kamurawayan kan magtaram siya, “Ini an namomotan kong Aki na ikinakaogma ko!”

1 Juan 3:2

Namomotan kong mga tugang, ngunyan mga aki na kita nin Dios, alagad bako pang malinaw kun magigin ano kita. Alagad aram ta na kun dumatong na si Cristo, magigin kitang arog saiya, huli ta mahihiling ta siya kun siisay talaga siya.

Kapahayagan 19:8

Itinao na sa nobya an gubing na lino na nagkikintab sa kalinigan.” (An lino iyo an matanos na gibo kan mga banal.)

Kapahayagan 5:10

Ginibo mo sindang kahadean nin mga padi tanganing maglingkod sa satong Dios; maghahade sinda sa daga.”