Exodo 28:12 - Marahay na Bareta Biblia

¹² Dangan ikabit mo ini sa tirante kan efod bilang paggiromdom sa doseng tribu nin Israel. Sa siring na paagi, dadarahon ni Aaron an saindang mga ngaran sa saiyang mga abaga sa atubang ko tanganing ako, an Kagurangnan, danay na makagiromdom sa sakong banwaan.

Exodo 28:12 ပူးပေါင်းရင်းမြစ်များ

An Libro ni Job 31:36

may orgulyong dadarahon ko iyan sa sakong abaga; ibubugtak ko iyan sa sakong payo na garo sarong korona.

Salmo 89:19

Sa sarong bisyon kaidto, nagtaram ka sa saimong maimbod na mga sorogoon, “Tinabangan ko an sarong bantog na soldados; itinao ko an trono sa tawong pinili ko hale sa banwaan.

Exodo 12:14

Kaipuhan na selebraron nindo an aldaw na ini bilang sarong pyesta tanganing magiromdoman nindo an sakong ginibo. Gigibohon nindo ini sagkod pa man. Ako an Kagurangnan.”

Exodo 13:9

An paggibo kaini sarong pagiromdom, arog sa sarong bagay na nakagakod sa saindong kamot o sa saindong angog; magpapagiromdom iyan sa saindo na magpadagos kamo sa pag-adal kan Togon nin Kagurangnan, huli ta ilinuwas niya kamo sa Egipto huli kan saiyang dakulang kapangyarihan.

Exodo 28:11

Gibohon mo ini siring sa marahay na platero asin kalopkopan mo nin bulawan an mga bato.

Exodo 28:29

“Paglaog ni Aaron sa Banal na Lugar, isusulot niya an pantahob sa daghan, na nauukitan kan ngaran kan mga aki ni Jacob tanganing ako, an Kagurangnan danay na makagiromdom sa sakong banwaan.

Exodo 28:7

Pabugtakan mo nin duwang tirante an duwang gilid kan efod tanganing masugpon iyan.

Isaias 12:2

An Dios an sakong kaligtasan; magsasarig ako saiya asin dai matatakot, huli ta an Kagurangnan Dios iyo an sakong kosog asin awit; siya an sakong nagin kaligtasan.”

Isaias 62:6

Sa ibabaw nin saimong mga kudal, O Jerusalem, nagbugtak ako nin mga bantay; kaipuhan na dai nanggad sinda mag-alo banggi man o aldaw. Kaipuhan ipagiromdom ninda sa Kagurangnan an saiyang ginibong mga panuga asin dai sinda magtugot na malingawan niya an mga iyan.

Isaias 9:6

Huli ta sarong aki an namundag sato! Sarong aking lalaki an itinao sato! Siya an satong magigin pamayo. Aapodon siyang, “Makangangalas na Parahatol,” “Makakamhan na Dios,” “Amang daing kataposan,” “Prinsipe nin Katoninongan.”

Levitico 24:7

Dangan bugtakan nindo nin purong insenso an lambang taytay bilang sarong giromdom na dolot na pagkakan sa Kagurangnan kasalihid kan tinapay.

Mga Bilang 16:40

bilang sarong pagiromdom sa mga Israelita na an siisay man na bakong gikan sa kapagarakian ni Aaron, dai dapat magrani sa altar tanganing magtutong nin insenso para sa Kagurangnan, huli ta makakaarog siya ki Kora sagkod sa saiyang mga kairiba. An gabos na ini ginibo sosog sa ipinagboot nin Kagurangnan ki Eleazar huli ki Moises.

Mga Bilang 31:54

An bulawan dinara ni Moises asin ni Eleazar sa Tabernakulo tanganing atamanon nin Kagurangnan an banwaan nin Israel.

Lukas 1:54

Tinabangan niya an Israel na saiyang banwaan, sa paggiromdom kan saiyang pagkaherak,

Lukas 1:72

Nanuga siyang maheherakan niya an satong mga ginikanan, asin gigiromdomon an banal niyang tipan.

Mga Gibo 10:4

Hiniling niya an anghel sa dakulang takot dangan nagsimbag, “Ano po Kagurangnan?” Sinabihan siya kan anghel, “Ikinaogma nin Dios an saimong mga pamibi saka an mga paglimos mo.

1 Corinto 11:24

nagpasalamat saka binaak iyan, dangan nagsabi, “Iyo ini an sakong hawak na idinodolot para saindo. Giboha nindo ini sa pagromdom sako.”

Deuteronomio 33:12

Nagsabi siya manongod ki Benjamin: “Siya an padangat nin Kagurangnan; inaataman saka binabantayan siya nin Kagurangnan sa bilog na aldaw, patin nag-eerok sa saiyang kaibahan.”

Josue 4:7

sabihan nindo sinda na an tubig kan Jordan nag-ontok sa pagbulos kan magbalyo sa salog an Kaban nin Tipan nin Kagurangnan. An mga gapong iyan danay na magpapagiromdom sa mga Israelita kan nangyari digdi.”