Exodo 27:21 - Marahay na Bareta Biblia

²¹ Aldaw-bangging aatamanon ni Aaron asin kan saiyang mga aki an ilawan na ibubugtak sa laog kan Tabernakulo, sa luwas kan kurtina saka sa atubangan kan Kaban nin Tipan. An pagboot na ini ootobon kan mga Israelita asin kan saindang mga kapagarakian sagkod pa man.

Exodo 27:21 ပူးပေါင်းရင်းမြစ်များ

Genesis 1:5

dangan inapod niyang “Aldaw” an liwanag, asin an kadikloman inapod niyang “Banggi.” Nagkahapon dangan nagkaaga: an enot na aldaw.

Genesis 1:8

An kahiwasan inapod niyang “Kalangitan.” Nagkahapon dangan nagkaaga: an ikaduwang aldaw.

2 Mga Cronica 13:11

Aga-hapon nagdodolot sinda nin mga tinutong na atang saka mahamot na insenso. Ibinubugtak ninda sa purong bulawan na lamesa an mga dolot na tinapay, asin barubanggi sinusuloan ninda an mga ilawan sa bulawan na kandelero. Inootob mi an pagboot nin Kagurangnan na samuyang Dios, alagad tinalikodan nindo siya.

Salmo 134:1

Madya, omawon nindo an Kagurangnan, kamo gabos na saiyang sorogoon, na naglilingkod sa saiyang Templo kun banggi.

Exodo 12:14

Kaipuhan na selebraron nindo an aldaw na ini bilang sarong pyesta tanganing magiromdoman nindo an sakong ginibo. Gigibohon nindo ini sagkod pa man. Ako an Kagurangnan.”

Exodo 16:34

Siring sa ipinagboot nin Kagurangnan ki Moises, ibinugtak ni Aaron an dulay na igwang manna sa atubangan kan Kaban nin Tipan tanganing sarayon.

Exodo 25:16

Dangan ilaog mo sa Kaban an duwang tablang gapo na nasusuratan kan mga togon na itatao ko saimo.

Exodo 28:43

Kun maglaog sa Tabernakulo si Aaron saka an saiyang mga aki, o magdolok sinda sa altar tanganing maglingkod sa Banal na Lugar, masulot sinda kan sarwal tanganing dai sinda magkasala huli sa pagkanihuba asin magadan. Ini sarong danay na pagboot para ki Aaron sagkod sa mga kapagarakian niya.

Exodo 29:28

Sagkod pa man ini an sakong pagboot na kun madolot an mga tawo kan dolot para sa katoninongan, an daghan saka an hita kan hayop lalaenon para sa mga padi. Ini an dolot sako kan mga tawo.

Exodo 29:42

Sa gabos na panahon, ining tinutong na atang idodolot nindo sako sa may pintoan kan Tabernakulo, saen tatagboon ko kamo tanganing kaolayon.

Exodo 29:44

Kokonsagrahon ko an Tabernakulo asin an altar; siring man si Aaron sagkod an saiyang mga aki kokonsagrahon ko tanganing maglingkod sinda sako bilang mga padi.

Exodo 30:21

Kaipuhan nanggad na maghanaw sinda kan saindang mga kamot saka mga bitis tanganing dai sinda magadan. An pagboot na ini kukuyogon ninda asin kan saindang mga kapagarakian sagkod lamang.”

Exodo 30:36

Pulboson mo an dikit kaiyan asin darahon mo sa Tabernakulo dangan ibugtak sa atubang kan Kaban nin Tipan, saen tatagboon taka. Midbidon nindo na orog kabanal an insensong ini.

Exodo 30:8

Iyo man an gigibohon niya kun banggi sa pagpalaad niya kan mga ilawan. Ining danay na pagdolot nin insenso gigibohon nindo sagkod sa mga maabot na henerasyon.

Exodo 40:3

Ilaog mo sa Tabernakulo an Kaban nin Tipan na sinarayan kan Sampolong Togon dangan lipodan mo nin kurtina sa atubangan.

Levitico 10:9

“Dai ka nanggad maglaog sa Tabernakulo ni an saimong mga aki, kun kamo nakainom nin arak o maisog na inomon; sa oras na gibohon nindo iyan, magagadan kamo. Saro ining pagsusundon na ootobon nindo sa gabos na henerasyon.

Levitico 16:34

An mga pagsusundon na ini kaipuhan na kuyogon sa gabos na panahon. Gigibohon an seremonyang ini sarong beses sa taon tanganing malinigan an mga Israelita kan saindang mga kasalan. Ginibo ni Moises an ipinagboot nin Kagurangnan.

Levitico 17:7

Kaya dai na nanggad sinda magbubuno nin mga hayop sa kaawagan bilang dolot sa mga demonyo. Kaipuhan kuyogon kan mga Israelita an pagsusundon na ini sagkod lamang.

Levitico 23:14

Dai kamo magkakan kan bago nindong inani, maski hilaw o dinarang o ginibong tinapay, sagkod na dai pa kamo nakadara sa Dios kan mga dolot na iyan. An pagsusundon na ini gigibohon kan saindong kapagarakian sagkod sa mga maabot na panahon.

Levitico 23:21

Sa aldaw na iyan dai kamo magtatrabaho nin ano man kundi magkakaigwa kamo nin banal na pagtiripon. An pagsusundon na ini gigibohon kan saindong kapagarakian sa mga maabot na panahon, saen man sinda mag-erok.

Levitico 24:2

“Pagbotan mo an mga Israelita na magdara nin purong lana nin oliba para sa ilawan tanganing igwa nin ilaw na padagos na maglalaad.

Levitico 24:3

Aldaw-bangging aatamanon ni Aaron an ilawan na ibinugtak sa luwas kan kurtina, sa atubangan kan Kaban nin Tipan, sa laog kan Tabernakulo. Saro ining pagboot na ootobon kan gabos nindong kapagarakian sagkod pa man.

Levitico 24:9

An tinapay magigin sadiri ni Aaron saka kan saiyang mga kapagarakian, asin kakakanon ninda iyan sa sarong banal na lugar, huli ta kabtang iyan kan banal na pagkakan na idinolot sa Kagurangnan para sa mga padi.”

Levitico 3:17

Sagkod pa man dai nin siisay man sa mga Israelita an pwedeng magkakan kan taba saka dugo; iyan sarong pagboot na kukuyogon kan gabos na Israelita saen man sinda mag-erok.

Levitico 3:8

iduduta kan kagdolot an saiyang kamot sa ibabaw kan payo kan karnero dangan bubunoon niya iyan sa atubangan kan Tabernakulo. Pakatapos, iuula kan mga padi an dugo kan karnero sa apat na gilid kan altar.

Levitico 6:15

Dangan mahakbot an padi nin sarong gugom kan arina saka lana, kaiba an gabos na insenso dangan tututongon niya iyan sa altar bilang tanda na an gabos idinolot sa Kagurangnan. An parong kan dolot na iyan nawiwilihan nin Kagurangnan.

Levitico 7:36

Kan aldaw na iyan, ipinagboot nin Kagurangnan sa mga Israelita na itao ninda sa mga padi an kabtang na iyan kan dolot. Saro ining pagsusundon na dapat otobon kan mga Israelita sa gabos na panahon.

Malakias 2:7

Katongdan kan mga padi na magtukdo kan tunay na pakaaram manongod sa Dios. Kaipuhan na magdolok sa mga padi an mga tawo tanganing makanood kan sakong kabotan, huli ta sinda an mga sugo kan Kagurangnan nin mga hukbo.

Mga Bilang 18:23

Magpoon ngunyan, an mga Levita sana an mangangataman kan Tabernakulo asin sinda an masimbag sa anoman na mangyari sa Tabernakulo. Ini sarong pagsusundon na kukuyogon sagkod lamang kan saindang kapagarakian. An mga Levita dai magkakaigwa nin kahirasan sa banwaan nin Israel,

Mga Bilang 18:5

Ika asin an saimong mga aki iyo sana an magibo kan katongdan para sa Banal na Lugar asin sa altar tanganing an sakong kaanggotan dai mag-abot sa banwaan nin Israel.

Mga Bilang 19:21

An pagsusundon na ini kukuyogon nindo sagkod lamang. An nagwirik kan tubig na panlinig kaipuhan maglaba man kan saiyang mga gubing; an makaduta kan tubig magigin maati sagkod magbanggi.

Mga Bilang 35:29

An mga pagsusundon na ini kukuyogon nindo asin kan saindong kapagarakian saen man kamo mag-erok.

Mga Bilang 8:9

Tiponon mo an bilog na komunidad nin Israel dangan patindogon mo an mga Levita sa atubang kan Tabernakulo.

Mateo 4:16

An mga nag-eerok sa kadikloman makakahiling nin dakulang ilaw! An liwanag masirang sa mga nag-eerok sa madiklom na daga nin kagadanan!”

Lukas 12:35

“Magin andam kamo, asin palaada an saindong mga ilawan.

Juan 5:35

Si Juan kabaing sa sarong ilaw na naglalaad saka nagliliwanag. Sa halipot na panahon naoyonan nindo an saiyang liwanag.

2 Corinto 4:6

An Dios na nagsabi, “An ilaw maliwanag hale sa kadikloman!” Iyo man an Dios na nagtao nin liwanag sa puso ta, tanganing mamidbidan an orog pang kamurawayan na nasa lalawogon ni Cristo.

2 Pedro 1:19

Kaya nag-orog an samong pagsarig sa mga ipinahayag kan mga propeta. Marahay para saindo na pahalagahan an pahayag na iyan—iyan garo sarong ilawan na nagliliwanag sa madiklom na lugar, sagkod na magbanaag an Aldaw asin magliwanag an bitoon na makaaga sa saindong mga puso.

Kapahayagan 2:1

“Suratan mo an anghel kan simbahan sa Efeso: “Iyo ini an mensahe kan nagkakapot nin pitong bitoon sa too niyang kamot, kan naglalakaw sa tahaw kan pitong kandelerong bulawan.

1 Samuel 3:3

duman nagkatorog si Samuel sa santwaryo na namumugtakan kan Kaban nin Tipan. Bago magliwanag an aldaw, mantang naglalaad pa an ilaw,

1 Samuel 30:25

Poon kaidto, ginibo ining sarong pagsusundon ni David sa Israel.