Exodo 26:33 - Marahay na Bareta Biblia

³³ Isabit nindo an kurtina sa nakarayang mga kawit na yaon sa atop kan Tabernakulo, dangan ibugtak nindo sa likod kan kurtina an Kaban nin Tipan na nasasarayan kan duwang tablang gapo. An kurtina iyo an malaen kan Banal na Lugar sa Kabanal-banaleng Lugar.

Exodo 26:33 ပူးပေါင်းရင်းမြစ်များ

1 Mga Hade 6:16

Sa pinakahuring parte kan Templo, igwa nin ginibong sarong kwarto na nasa laog nin marahay, na inapod Kabanal-banaleng Lugar. An kwartong ini siyam na metros an laba na nalalanoban nin mga mahimpis na tablang sedro magpoon sa salog sagkod sa kisame.

1 Mga Hade 8:10

Mantang nagluluwas an mga padi sa banal na lugar, napano nin panganoron an Templo, an harong nin Kagurangnan,

1 Mga Hade 8:6

An Kaban nin Tipan ilinaog kan mga padi sa pinakalaog na santwaryo kan Templo, sa Kabanal-banaleng Lugar, sa irarom kan mga pakpak kan mga kerubin.

2 Mga Cronica 3:8

An pinakalaog na kwarto, an Kabanal-banaleng Lugar, may sukol na siyam na metros an laba, pareho kan lakbang kan Templo, asin siyam na metros an lakbang. Sobra sa beynte toneladang bulawan an ginamit sa pagpatos kan mga lanob kan Kabanal-banaleng Lugar.

Exodo 25:16

Dangan ilaog mo sa Kaban an duwang tablang gapo na nasusuratan kan mga togon na itatao ko saimo.

Exodo 26:32

Tindihon nindo an kurtina sa apat na hariging akasya na pinatos nin bulawan saka may mga kawit na bulawan asin napapatindog sa apat na patungtongan na plata.

Exodo 27:10

na titindihon sa beynteng bronseng harigi na papatindogan sa beynteng bronseng patungtongan. An mga kawit saka mga barat kan harigi gibohon nindo sa plata.

Exodo 27:21

Aldaw-bangging aatamanon ni Aaron asin kan saiyang mga aki an ilawan na ibubugtak sa laog kan Tabernakulo, sa luwas kan kurtina saka sa atubangan kan Kaban nin Tipan. An pagboot na ini ootobon kan mga Israelita asin kan saindang mga kapagarakian sagkod pa man.

Exodo 36:36

Naggibo man sinda nin apat na hariging akasya, na pinatos ninda nin bulawan asin binugtakan nin mga kawit na bulawan tanganing sabitan kan kurtina. Dangan naggibo sinda nin apat na patungtongan na plata na papatindogan kan mga harigi.

Exodo 40:21

Pakatapos, ilinaog niya ini sa Tabernakulo asin tinindihan kan panlipod na kurtina. Huli kaini nalipodan an Kaban nin Tipan, siring sa ipinagboot nin Kagurangnan.

Exodo 40:3

Ilaog mo sa Tabernakulo an Kaban nin Tipan na sinarayan kan Sampolong Togon dangan lipodan mo nin kurtina sa atubangan.

Ezekiel 41:4

Sinukol niya an kwarto: dyes metros kwadrado ini. Dangan sinabihan niya ako, “An pinakalaog na kwartong ini iyo an Kabanal-banaleng Lugar.”

Levitico 16:2

tinaraman nin Kagurangnan si Moises, “Sabihan mo an saimong tugang na si Aaron na magduman sa likod kan panlipod na kurtina, sa Kabanal-banaleng Lugar, sa talaan na panahon sana, huli ta duman ako nagpapahiling sa panganoron, sa ibabaw kan takop kan Kaban nin Tipan. Kun dai siya magsunod, magagadan siya.