Exodo 26:31 - Marahay na Bareta Biblia

³¹ “Gumibo kamo nin kurtina sa hinabol na pinong lino asin mga telang lana na kolor asul, purpura saka pula. Burdahan nindo iyan nin mga kerubin.

Exodo 26:31 ပူးပေါင်းရင်းမြစ်များ

2 Mga Cronica 3:14

Nagpagibo man siya nin sarong panlipod na kurtina para sa Kabanal-banaleng Lugar; ini ginibo sa pinong lino asin sa mga telang lana na kolor asul, purpura saka pula, dangan igwa nin disenyong mga kerubin.

Salmo 137:5

Kun malingawan taka, O Jerusalem, maalang logod an too kong kamot!

Exodo 25:18

Gumibo man kamo nin duwang kerubin sa pinulpog na bulawan,

Exodo 25:4

pinong lino, telang lana na kolor asul, purpura saka pula; telang gibo sa balukag nin kanding;

Exodo 26:1

“Gibohon nindo an Tabernakulo. An gagamiton nindo sampolong kurtina nin mga hinabol na pinong lino asin telang lana na kolor asul, purpura saka pula. Burdahan nindo iyan nin mga kerubin.

Exodo 26:32

Tindihon nindo an kurtina sa apat na hariging akasya na pinatos nin bulawan saka may mga kawit na bulawan asin napapatindog sa apat na patungtongan na plata.

Exodo 27:16

An mismong pintoan bugtakan nindo nin binurdahan na kurtinang panlipod na siyam na metros an laba, gibo sa pinong lino asin telang lana na kolor asul, purpura saka pula. Isabit nindo ini sa apat na hariging napapatindog sa apat na patungtongan.

Exodo 27:21

Aldaw-bangging aatamanon ni Aaron asin kan saiyang mga aki an ilawan na ibubugtak sa laog kan Tabernakulo, sa luwas kan kurtina saka sa atubangan kan Kaban nin Tipan. An pagboot na ini ootobon kan mga Israelita asin kan saindang mga kapagarakian sagkod pa man.

Exodo 28:15

“Gumibo kamo nin pantahob sa daghan na gagamiton kan Halangkaw na Padi sa pagsabot kan kabotan nin Dios. Gibohon nindo iyan sa parehong materyales na ginamit sa paggibo kan efod asin burdahan arog kan efod.

Exodo 35:12

an Kaban nin Tipan kaiba an mga pasanan, an takop asin an panlipod na kurtina;

Exodo 35:25

An mga babae na tataong magporon, nagdolot kan mga pinoron nindang torsido nin pinong lino asin nin mga torsidong lana na kolor asul, purpura asin pula.

Exodo 35:35

Itinao niya sa sainda an kakayahan sa gabos na trabaho nin sarong paraukit, paradibuho asin nin sarong paraburda sa pinong lino, sa telang lana na kolor asul, purpura asin pula, asin nin sarong parahabol nin ano man na klaseng tela—an kakayahan nin sarong trabahador o dibuhista.

Exodo 35:6

pinong lino; telang lana na kolor asul, purpura asin pula; telang gibo sa balukag nin kanding;

Exodo 36:35

Naggibo sinda nin sarong kurtinang hinabol na pinong lino asin mga telang lana na kolor asul, purpura asin pula. Binurdahan ninda ini nin mga kerubin.

Exodo 36:36

Naggibo man sinda nin apat na hariging akasya, na pinatos ninda nin bulawan asin binugtakan nin mga kawit na bulawan tanganing sabitan kan kurtina. Dangan naggibo sinda nin apat na patungtongan na plata na papatindogan kan mga harigi.

Exodo 36:8

An pinakaeksperto sa mga trabahador iyo an naggibo kan Tabernakulo. Ginamitan ninda ini nin sampolong kurtina nin hinabol na pinong lino asin telang lana na kolor asul, purpura asin pula na binurdahan nin mga kerubin.

Exodo 38:23

Katabang ni Bezalel si Oholiab, na aki ni Ahisamak na gikan sa tribu ni Dan, na sarong paraukit, paradibuho asin parahabol nin pinong lino saka mga telang lana na kolor asul, purpura asin pula.

Exodo 40:21

Pakatapos, ilinaog niya ini sa Tabernakulo asin tinindihan kan panlipod na kurtina. Huli kaini nalipodan an Kaban nin Tipan, siring sa ipinagboot nin Kagurangnan.

Exodo 40:3

Ilaog mo sa Tabernakulo an Kaban nin Tipan na sinarayan kan Sampolong Togon dangan lipodan mo nin kurtina sa atubangan.

Awit nin mga Awit 7:1

Magayon nin marahay an saimong mga bitis sa sulot mong sandalyas, o daragang garo reyna! An porma kan saimong mga hita garo mga alahas na ginibo nin sarong eksperto.

Levitico 16:15

Pakatapos, bubunoon niya an kanding na dolot para sa kasalan kan mga tawo; dadarahon niya an dugo kaini duman sa Kabanal-banaleng Lugar asin siring kan ginibo niya sa dugo kan toro, wiwirikan man niya kan dugo an takop asin an atubangan kan Kaban nin Tipan.

Levitico 16:2

tinaraman nin Kagurangnan si Moises, “Sabihan mo an saimong tugang na si Aaron na magduman sa likod kan panlipod na kurtina, sa Kabanal-banaleng Lugar, sa talaan na panahon sana, huli ta duman ako nagpapahiling sa panganoron, sa ibabaw kan takop kan Kaban nin Tipan. Kun dai siya magsunod, magagadan siya.

Mga Bilang 4:5

Itinao nin Kagurangnan ki Moises an minasunod na mga katukdoan. Sa panahon na mahale na an mga Israelita sa saindang pinagkakampohan, malaog sa Tabernakulo si Aaron saka an saiyang mga aki; hahaleon ninda an panlipod na kurtina sa atubang kan Kaban nin Tipan dangan itatahob ninda iyan sa Kaban.

Mateo 27:51

Dangan nabanga an kurtina kan Templo poon sa itaas sagkod sa ibaba. Naglinog sa bilog na daga asin nagkabaraak an mga gapo.

Markos 15:38

Nabanga an kurtina kan Templo poon sa itaas sagkod sa ibaba.

Lukas 23:45

dangan nabanga sa tahaw an kurtina na nasa laog kan Templo.

Efeso 2:14

Si Cristo mismo an nagdara sato nin katoninongan huli ta pinagsaro niya an mga Judio saka an mga pagano. Linaglag niya an lanob na nasa pagultanan ninda na iyo an nakakaolang kan pagkaolian nin magkaiwal.