Exodo 25:37 - Marahay na Bareta Biblia

³⁷ Gumibo man kamo nin pitong ilawan para sa kandelero dangan ibugtak nindo sa ibabaw tanganing magliwanag iyan pasiring sa atubangan.

Exodo 25:37 ပူးပေါင်းရင်းမြစ်များ

2 Mga Cronica 13:11

Aga-hapon nagdodolot sinda nin mga tinutong na atang saka mahamot na insenso. Ibinubugtak ninda sa purong bulawan na lamesa an mga dolot na tinapay, asin barubanggi sinusuloan ninda an mga ilawan sa bulawan na kandelero. Inootob mi an pagboot nin Kagurangnan na samuyang Dios, alagad tinalikodan nindo siya.

2 Mga Cronica 4:20

an mga kandelero asin an mga ilawan na gibo sa purong bulawan na maglalaad sa atubangan kan Kabanal-banaleng Lugar, sosog sa plano;

Salmo 119:105

Ilaw para sa mga bitis ko an saimong tataramon, asin sarong liwanag para sa sakong agihan.

Exodo 25:38

Gibohon nindo sa purong bulawan an pansipit sa mitsa asin an mga bandehado.

Exodo 27:21

Aldaw-bangging aatamanon ni Aaron asin kan saiyang mga aki an ilawan na ibubugtak sa laog kan Tabernakulo, sa luwas kan kurtina saka sa atubangan kan Kaban nin Tipan. An pagboot na ini ootobon kan mga Israelita asin kan saindang mga kapagarakian sagkod pa man.

Exodo 30:8

Iyo man an gigibohon niya kun banggi sa pagpalaad niya kan mga ilawan. Ining danay na pagdolot nin insenso gigibohon nindo sagkod sa mga maabot na henerasyon.

Exodo 37:23

Ginibo niya an pitong ilawan para sa kandelero. An mga pansipit sa mitsa asin an mga bandehado ginibo niya sa purong bulawan.

Exodo 40:24

Ilinaog niya sa Tabernakulo an kandelero dangan ibinugtak sa parteng habagat, kahampang kan lamesa,

Exodo 40:25

asin duman sa atubang nin Kagurangnan, pinagkotan niya an mga ilawan, siring sa ipinagboot nin Kagurangnan.

Mga Talinhaga 6:23

Huli ta an togon sarong ilaw asin an katukdoan sarong liwanag, saka an mga pagsagwe mga dalan nin buhay.

Isaias 8:20

Simbagon nindo sinda nin, “Dangoga an itinutukdo saindo nin Kagurangnan! Dai kamo magdangog sa mga nakikiolay sa mga gadan—dai magbubunga nin marahay an sasabihon ninda saindo.”

Zacarias 4:2

Hinapot niya ako, “Ano an nahihiling mo?” Nagsimbag ako, “Sarong bulawan na kandelero na igwang mangko para sa lana sa parteng ibabaw. Igwa man nin pitong ilawan an kandelero, na an lambang saro igwang pitong bugtakan nin mitsa.

Mga Bilang 4:9

Makua sinda nin sarong telang asul, dangan tatahoban ninda an kandelero, kaiba an mga ilaw, mga pansipit, mga bandehado saka an gabos na lalagan kan lana nin oliba.

Mga Bilang 8:2

“Sabihan mo si Aaron na pagbugtak niya kan mga ilawan sa kandelero, kaipuhan magliwanag an mga iyan pasiring sa atubangan.”

Mateo 5:14

“Kamo an ilaw kan kinaban. Dai nanggad matatago an sarong syudad na nasa ibabaw nin bulod.

Lukas 1:79

nganing maliwanagan an mga nasa kadikloman asin nasa anino nin kagadanan, nganing giyahan kita sa dalan nin katoninongan.”

Juan 1:9

An tunay na ilaw, na nagtatao nin liwanag sa gabos na tawo, minadatong sa kinaban.

Juan 12:5

“Tadaw ta dai na sana ipinabakal an pahamot na iyan sa halagang tres syentos na kwartang plata, saka itao sa mga dukha an kabaklan?”

Juan 8:12

Nagtaram giraray si Jesus sa mga tawo, “Ako an ilaw kan kinaban. An minasunod sako magkakaigwa kan ilaw nin buhay asin dai na siya maglalakaw sa kadikloman.”

Mga Gibo 26:18

Mumuklaton mo an saindang mga mata nganing makahiling sinda nin liwanag asin makahale sa kadikloman; makatalingkas sa kapangyarihan ni Satanas dangan makabalik sa Dios. Aakoon ninda an kapatawadan kan saindang mga kasalan asin an sarong lugar sa kaibahan kan mga pinabanal huli sa pagtubod sako.’

Kapahayagan 1:12

Nagsalingoy ako tanganing hilingon kun siisay idtong nagtaram sako; an nahiling ko pitong kandelerong bulawan.

Kapahayagan 1:20

An kahulogan kan pitong bitoon na nahihiling mo sa too kong kamot, saka ining pitong kandelerong bulawan iyo ini: an pitong bitoon iyo an mga anghel kan pitong simbahan; an pitong kandelero iyo an pitong simbahan.

Kapahayagan 1:4

Ako, si Juan, nagsusurat sa pitong simbahan na yaon sa Asia: Mapasaindo an biyaya asin an katoninongan hale sa Dios—Dios ngunyan, kaidto, asin sa madatong pang panahon—hale man sa pitong espiritu na nasa atubangan kan saiyang trono,

Kapahayagan 22:5

Mayo na nin banggi, kaya dai na sinda mangangaipo nin ilaw o liwanag kan aldaw, huli ta an Kagurangnan na Dios iyo an magigin ilaw ninda, asin maghahade sinda sagkod pa man.

Kapahayagan 4:5

May mga kikilat, hagubohob saka daguldol na naghahale sa trono. Sa atubangan kan trono may naglalaad na pitong karaba na iyo an pitong Espiritu nin Dios.