Exodo 25:30 - Marahay na Bareta Biblia

³⁰ Ibugtak nindo an lamesa sa atubangan kan Kaban nin Tipan, asin sa ibabaw kan lamesa, danay nindong bugtakan nin dolot na tinapay.

Exodo 25:30 ပူးပေါင်းရင်းမြစ်များ

1 Mga Hade 7:48

Nagpagibo man si Solomon nin mga bulawan na kagamitan para sa Templo: an altar, an lamesa para sa tinapay na dolot sa Dios.

1 Mga Cronica 23:29

Matabang man sinda sa pag-andam kan tinapay na dolot sa Dios, kan arina para sa dolot na pagkakan, kan maninipis na mga tinapay na mayo nin lebadura, kan mga hinornong dolot, dangan kan mga dolot na sinalakan nin lana nin oliba. Sinda man an matimbang asin masukol kan gabos na dolot sa Templo.

1 Mga Cronica 9:32

An nagkapirang kaayon sa kamaganakan ni Kohat iyo an namahala kan paggibo kan banal na tinapay sa lambang Sabbath.

2 Mga Cronica 13:11

Aga-hapon nagdodolot sinda nin mga tinutong na atang saka mahamot na insenso. Ibinubugtak ninda sa purong bulawan na lamesa an mga dolot na tinapay, asin barubanggi sinusuloan ninda an mga ilawan sa bulawan na kandelero. Inootob mi an pagboot nin Kagurangnan na samuyang Dios, alagad tinalikodan nindo siya.

2 Mga Cronica 2:3

Nagpadara nin mensahe si Solomon ki Hiram na hade nin Tiro, “Pabakalan mo man ako nin mga kahoy na sedro siring na pinabakalan mo kaiyan an sakong ama na si David para sa saiyang palasyo.

2 Mga Cronica 2:4

Mapatugdok ako nin templo para sa ngaran kan Kagurangnan na sakuyang Dios; kokonsagrahon ko iyan saiya tanganing pagtutongan nin insenso nin mga pahamot sa atubang niya, asin danay na pagdolotan kan mga dolot na tinapay saka mga tinutong na atang aga-aga asin barubanggi, siring man kun mga Sabbath, mga Pyesta kan Bagong Bulan asin mga talaan na pyesta nin Kagurangnan na samuyang Dios. Ipinagboot nin Kagurangnan na gibohon ini nin Israel sagkod lamang.

Exodo 35:13

an lamesa kaiba an mga pasanan asin an gabos na kagamitan kaini; an tinapay na dolot sa Dios;

Exodo 39:36

an lamesa kaiba an mga kagamitan kaini, asin an tinapay na dolot sa Dios;

Exodo 40:23

asin ibinugtak sa lamesa an tinapay na dolot sa Kagurangnan siring sa ipinagboot nin Kagurangnan.

Exodo 40:4

Ilaog mo an lamesa dangan ibugtak mo an mga kagamitan sa ibabaw. Ilaog mo man an kandelero asin ibugtak mo an mga ilawan sa ibabaw.

Ezekiel 41:22

altar na kahoy. Saro may kabangang metro an langkaw kaini asin sarong metro an lakbang. Kahoy an mga bitis kan altar, siring man an patugmadan saka an mga gilid. Nagtaram sako an lalaki, “Iyo ini an lamesa na nasa atubangan nin Kagurangnan.”

Malakias 1:12

Alagad dai nindo ako inoomaw kun minasabi kamo na mayong halaga an sakong altar asin kun minadolot kamo diyan nin kakanon na bakong maninigo.

Malakias 1:7

Binasang-basang nindo ako huli sa pagdolot nindo nin mga mayong halagang pagkakan sa sakong altar. Dangan minahapot kamo, ‘Sa paanong paagi kami dai nagtaong galang sa saimo?’ Sasabihan ko kamo—huli ta dai nindo iginalang an sakong altar.

Mga Bilang 4:7

Sa ibabaw kan lamesa para sa tinapay na dolot sa Kagurangnan, ibibiklad ninda an sarong telang asul dangan ibubugtak ninda digdi an mga plato, an mga mangko para sa insenso saka dolot, asin an mga tapayan para sa dolot na alak patin an danay na tinapay.

Mateo 12:4

Naglaog siya sa Templo dangan nagkakan siya asin an saiyang mga kairiba kan tinapay na idinolot sa Dios, na ipinapangalad na kakanon kan bakong padi.

Hebreyo 9:2

Pinatindog an tolda na may duwang kabtang, an enot na kabtang kaiyan inapod Banal na Lugar na iyo an namumugtakan kan kandelero, asin kan lamesa kaiba an mga tinapay na idinolot sa Dios.

1 Samuel 21:4

Nagsimbag an padi, “Mayo akong ordinaryong tinapay; igwa digdi nin banal na tinapay. Mapapasaindo iyan kun dai nagdorog sa babae an saimong mga tawohan.”

1 Samuel 21:5

Nagsimbag si David, “An totoo, irinarayo samo an mga babae sa samong mga paglakaw, maski ordinaryong mga lakaw; gurano pa daw ngunyan na mahalaga an lakaw ming ini!”

1 Samuel 21:6

Kaya itinao kan padi an banal na tinapay ki David huli ta iyo man sana idto an tinapay duman—an mga idinolot sa Dios, na hinale sa banal na lamesa asin rinibayan nin bagong tinapay. (