Exodo 25:29 - Marahay na Bareta Biblia

²⁹ Gumibo kamo nin mga plato para sa insenso. Gumibo man kamo nin kalis, dulay saka mangko para sa dolot na arak. Iyan gabos gibohon nindo sa purong bulawan.

Exodo 25:29 ပူးပေါင်းရင်းမြစ်များ

1 Mga Hade 7:50

an mga kalis, an mga pamalsok kan ilaw, an mga mangko, an mga plato para sa insenso, asin an mga bugtakan nin baga; an mga bisagra kan mga pinto kan Kabanal-banaleng Lugar asin kan panluwas na mga pinto kan Templo. An gabos na kagamitan na ini gibo sa purong bulawan.

2 Mga Cronica 4:22

an mga pamalsok kan ilaw, an mga mangko, an mga plato para sa insenso, asin an mga bugtakan nin baga. Gabos ini gibo sa purong bulawan. An mga pinto sa luwas kan Templo asin an mga pinto pasiring sa Kabanal-banaleng Lugar pinatos sa bulawan.

Exodo 25:28

Akasya an gamiton nindo sa paggibo kan mga pasanan asin patoson nindo iyan nin bulawan.

Exodo 37:16

Ginibo niya sa purong bulawan an mga kagamitan sa lamesa: an mga plato na para sa insenso, an kalis, dulay asin mangko na para sa dolot na arak.

Awit nin mga Awit 5:1

Naglaog na ako sa sakong tatamnan, sakong namomotan, sakong agom. Tinitipon ko an sakong pahamot saka mira; kinakakan ko an sakong dugos asin anira; iniinom ko an sakong arak saka gatas. Kakan kamo asin inom o nagkakaminootan sagkod na maburat kamo sa pagkamoot!

Mga Bilang 4:7

Sa ibabaw kan lamesa para sa tinapay na dolot sa Kagurangnan, ibibiklad ninda an sarong telang asul dangan ibubugtak ninda digdi an mga plato, an mga mangko para sa insenso saka dolot, asin an mga tapayan para sa dolot na alak patin an danay na tinapay.

Mga Bilang 7:84

Iyo ini an mga dolot na dara kan doseng lider nin Israel, kan konsagrahon an altar: –doseng platang mangko asin doseng platang palanggana, na an kabilogan na timbang uminabot sa beynte y syete kilos, seis syentos gramos. –doseng bulawan na platong an kabilogan na timbang uminabot sa sarong kilo may treynta y dos gramos asin pano nin insenso –doseng torilyong baka, doseng lalaking karnero asin doseng kordero na manangtaon an edad bilang mga tinutong na atang, kaiba an mga dolot na pagkakan –doseng kanding bilang dolot para sa kasalan –beynte y kwatrong torong baka, sesentang lalaking karnero, sesentang kanding, sesentang kordero na manangtaon an edad bilang dolot para sa katoninongan

Kapahayagan 3:20

Uya, nagtitindog ako asin nagtotoktok sa may pintoan. Kun may magdangog sako saka magbukas kan pintoan, malaog ako asin makakan kasabay niya, asin siya makakan na kasabay ko.