Exodo 25:22 - Marahay na Bareta Biblia

²² Diyan taka tatagboon sa ibabaw kan takop, sa tahaw kan duwang kerubin; diyan ko itataram saimo an sakong mga togon para sa banwaan nin Israel.

Exodo 25:22 ပူးပေါင်းရင်းမြစ်များ

Genesis 18:33

Naghale na an Kagurangnan pakatapos niyang magtaram ki Abraham; nagpuli man si Abraham sa saiyang harong.

2 Samuel 6:2

Pinangenotan niya sinda pasiring sa Baala sa Juda, tanganing kuahon duman an Kaban nin Tipan nin Dios, na inapod sa ngaran kan Makakamhan na Kagurangnan, na nagtutukaw sa trono sa ibabaw kan mga kerubin.

2 Mga Hade 19:15

dangan namibi, “O Kagurangnan, Dios nin Israel, na nakatukaw sa trono sa ibabaw kan mga Kerubin. Ika sana an Dios kan gabos na kahadean sa daga. Ika an naglalang kan langit asin daga.

1 Mga Cronica 13:6

Si David asin an bilog na Israel nagduman sa Baala, o Kiriat-jearim, sa teritoryo nin Juda, tanganing kuahon an Kaban nin Tipan nin Dios, na inaapod sa ngaran nin Kagurangnan na nagtutukaw sa trono sa ibabaw kan mga kerubin.

Salmo 80:1

Dangoga kami, O Pastor nin Israel; himatea kami, ika na pamayo kan saimong mga karnero. Ika na nakatukaw sa trono sa ibabaw kan mga kerubin,

Salmo 80:2

magpahiling ka sa mga tribu ni Efraim, Benjamin asin Manases. Ipahiling mo an saimong kosog, asin madya sa pagligtas samo.

Salmo 90:1

Kagurangnan, ika an samuyang erokan sa gabos na henerasyon.

Salmo 99:1

An Kagurangnan naghahade; magtakig an mga banwaan. Nagtutukaw siya sa saiyang trono, sa ibabaw kan mga kerubin; maglinog an daga.

Exodo 20:24

Gumibo kamo nin altar na daga para sako; sa ibabaw kaiyan idolot nindo an saindong karnero saka an saindong baka bilang tinutong na atang asin atang para sa katoninongan. Sa lambang lugar na pinili ko na pagsasambahan nindo sako, madatong ako dangan bebendisyonan ko kamo.

Exodo 27:21

Aldaw-bangging aatamanon ni Aaron asin kan saiyang mga aki an ilawan na ibubugtak sa laog kan Tabernakulo, sa luwas kan kurtina saka sa atubangan kan Kaban nin Tipan. An pagboot na ini ootobon kan mga Israelita asin kan saindang mga kapagarakian sagkod pa man.

Exodo 30:36

Pulboson mo an dikit kaiyan asin darahon mo sa Tabernakulo dangan ibugtak sa atubang kan Kaban nin Tipan, saen tatagboon taka. Midbidon nindo na orog kabanal an insensong ini.

Exodo 30:6

Ibugtak nindo ining altar sa luwas kan kurtina na nasa atubangan kan Kaban nin Tipan, saen tatagboon taka.

Exodo 31:18

Pakataram nin Dios ki Moises duman sa Bukid nin Sinai, itinao niya ki Moises an duwang tablang gapo na sinuratan niya mismo kan mga togon.

Exodo 31:6

Pinili ko man bilang katabang niya si Oholiab na aking lalaki ni Ahisamak na gikan sa tribu ni Dan. An ibang katabang ninda tinawan ko man nin kakayahan tanganing magibo ninda an gabos na ipinagboot ko saimo:

Isaias 37:16

“O Kagurangnan nin mga hukbo, Dios nin Israel, na nagtutukaw sa trono sa itaas kan mga kerubin, ika sana an Dios kan gabos na kahadean sa daga. Ika an naglalang kan langit asin kan daga.

Ezekiel 43:6

Nagtindog sa kataed ko an lalaki, dangan nadangog kong nagtaram sako an Kagurangnan hale sa Templo,

Levitico 1:1

Hale sa Tabernakulo, inapod nin Kagurangnan si Moises asin tinawan kan minasunod na pagsusundon

Levitico 16:2

tinaraman nin Kagurangnan si Moises, “Sabihan mo an saimong tugang na si Aaron na magduman sa likod kan panlipod na kurtina, sa Kabanal-banaleng Lugar, sa talaan na panahon sana, huli ta duman ako nagpapahiling sa panganoron, sa ibabaw kan takop kan Kaban nin Tipan. Kun dai siya magsunod, magagadan siya.

Mga Bilang 17:4

Darahon mo sa Tabernakulo an mga sugkod asin ibugtak mo sa atubangan kan Kaban nin Tipan, sa lugar na pinagtutuparan ko saimo.

Mga Bilang 7:89

Kan maglaog si Moises sa Tabernakulo tanganing makipag-olay sa Kagurangnan, nadangog niya an Kagurangnan na nagtataram saiya hale sa ibabaw kan takop kan Kaban nin Tipan, sa tahaw kan duwang kerubin na nasa ibabaw kan Kaban nin Tipan.

Hukom 20:27

An Kaban nin Tipan nin Dios yaon kaidto sa Betel asin si Finehas na aking lalaki ni Eleazar asin makoapo ni Aaron iyo an nangangataman kaiyan. Naghapot sa Kagurangnan an mga tawo, “Makikilaban pa daw kami sa samong mga tugang na Benjaminita o dai na?” Nagsimbag an Kagurangnan, “Labanan nindo. Itatao ko saindo an kapangganahan sa aga.”

1 Samuel 4:4

Kaya nagsugo sinda nin mga lalaki pasiring sa Shilo dangan kinua duman an Kaban nin Tipan nin Kagurangnan na nasa tahaw kan mga kerubin. An duwang aking lalaki ni Eli na si Hofni asin si Finehas, nag-iba sa Kaban nin Tipan.