Exodo 25:17 - Marahay na Bareta Biblia

¹⁷ “Gumibo kamo nin takop na purong bulawan, syento dyes sentimetros an laba asin sesenta y seis sentimetros an lakbang.

Exodo 25:17 ပူးပေါင်းရင်းမြစ်များ

1 Mga Cronica 28:11

Itinao ni David ki Solomon an plano kan balkon kan Templo, kan manlaen-laen na edipisyo kaini, an plano kan mga kwartong sarayan kan kayamanan asin kan iba pang mga kwarto, saka an plano kan Kabanal-banaleng lugar saen pinapatawad an mga kasalan.

Exodo 25:18

Gumibo man kamo nin duwang kerubin sa pinulpog na bulawan,

Exodo 26:34

Takopan nindo an Kaban nin Tipan.

Exodo 35:12

an Kaban nin Tipan kaiba an mga pasanan, an takop asin an panlipod na kurtina;

Exodo 37:6

Ginibo niya an takop sa purong bulawan na may sukol na syento dyes sentimetros an laba asin sesenta y seis sentimetros an lakbang.

Exodo 40:20

Dangan kinua niya an duwang tablang gapo asin ilinaog sa Kaban nin Tipan. Isinurok niya an mga pasanan sa mga siningsing kan Kaban asin tinakopan ini.

Ezekiel 28:14

Nagtalaga ako nin sarong anghel duman tanganing bantayan ka. Nag-erok ka sa sakong banal na bukid asin naglakaw sa tahaw kan nagkikintab na mga bato.

Roma 3:25

Idinolot nin Dios si Jesu-Cristo, na sa pagpabulos niya kan saiyang dugo, siya an nagin dalan sa kapatawadan nin mga kasalan kan mga nagtutubod saiya. Ginibo ini nin Dios sa pagpahiling na siya matanos. Kaidto, matinios siya asin pinagpasipara niya an mga kasalan kan mga tawo. Alagad ngunyan, huhukoman niya an saindang mga kasalan tanganing ipamidbid an saiyang katanosan. Sa paaging ini mahihiling na siya matanos asin na pinapangagin niyang matanos sa saiya an mga tawong nagtutubod ki Jesu-Cristo.

Hebreyo 4:16

Kaya pakosogon ta an satong boot na magdolok sa trono nin biyaya, tanganing makamtan ta an pagkaherak asin makua ta an biyaya sa panahon nin pangangaipo.

Hebreyo 9:5

Sa ibabaw kan kaban iyo an mga kerubin, na nagpapamidbid na yaon duman an Dios. Unat an mga pakpak ninda na nakatahob sa takop. Alagad bako ngunyan an panahon sa pagpaliwanag kan mga bagay na ini.

1 Juan 2:2

Si Cristo an kabayadan para sa satong mga kasalan, bako sanang an satong mga kasalan kundi an kasalan kan gabos na tawo.