Exodo 25:16 - Marahay na Bareta Biblia

¹⁶ Dangan ilaog mo sa Kaban an duwang tablang gapo na nasusuratan kan mga togon na itatao ko saimo.

Exodo 25:16 ပူးပေါင်းရင်းမြစ်များ

1 Mga Hade 8:9

Mayo nin ibang laog an Kaban kundi an duwang tablang gapo na ibinugtak duman ni Moises kan yaon siya sa Bukid nin Sinai, saen nakipagtipan an Kagurangnan sa banwaan nin Israel pakahale ninda sa Egipto.

2 Mga Hade 11:12

Dangan ilinuwas ni Jehoiada si Joas, kinoronahan, saka tinawan kan kopya kan katogonan nin paghahade. Ginibo nindang hade si Joas; asin linahidan ini nin lana. Dangan nag-oropak an mga tawo saka nagkururahaw, “Mabuhay an hade!”

2 Mga Cronica 23:11

Dangan ilinuwas ni Jehoiada si Joas, kinoronahan saka tinawan kan kopya kan katogonan sa paghahade. Ginibo nindang hade si Joas; linahidan siya nin lana kan padi na si Jehoiada saka kan mga aki kaini. Dangan an gabos nagkurahaw, “Mabuhay an hade!”

Exodo 16:34

Siring sa ipinagboot nin Kagurangnan ki Moises, ibinugtak ni Aaron an dulay na igwang manna sa atubangan kan Kaban nin Tipan tanganing sarayon.

Exodo 25:21

Ilaog mo sa Kaban an duwang tablang gapo dangan takopan mo.

Exodo 26:33

Isabit nindo an kurtina sa nakarayang mga kawit na yaon sa atop kan Tabernakulo, dangan ibugtak nindo sa likod kan kurtina an Kaban nin Tipan na nasasarayan kan duwang tablang gapo. An kurtina iyo an malaen kan Banal na Lugar sa Kabanal-banaleng Lugar.

Exodo 27:21

Aldaw-bangging aatamanon ni Aaron asin kan saiyang mga aki an ilawan na ibubugtak sa laog kan Tabernakulo, sa luwas kan kurtina saka sa atubangan kan Kaban nin Tipan. An pagboot na ini ootobon kan mga Israelita asin kan saindang mga kapagarakian sagkod pa man.

Exodo 30:36

Pulboson mo an dikit kaiyan asin darahon mo sa Tabernakulo dangan ibugtak sa atubang kan Kaban nin Tipan, saen tatagboon taka. Midbidon nindo na orog kabanal an insensong ini.

Exodo 30:6

Ibugtak nindo ining altar sa luwas kan kurtina na nasa atubangan kan Kaban nin Tipan, saen tatagboon taka.

Exodo 31:18

Pakataram nin Dios ki Moises duman sa Bukid nin Sinai, itinao niya ki Moises an duwang tablang gapo na sinuratan niya mismo kan mga togon.

Exodo 32:15

Dangan nagbalik si Moises, asin naghilig hale sa bukid dara an duwang tablang gapo na mag-ibong na nasusuratan kan mga togon.

Exodo 34:29

Kan maghilig si Moises hale sa Bukid nin Sinai na dara an Sampolong Togon, dai niya naaraman na nagliliwanag an saiyang lalawogon huli sa pakikipag-olay niya sa Kagurangnan.

Exodo 38:21

Uya an lista kan kantidad kan mga metal na ginamit sa Tabernakulo, na sinarayan kan duwang tablang gapo na sinuratan kan Sampolong Togon. An paglista ipinagboot ni Moises asin ginibo kan mga Levita na nagtrabaho sa irarom kan pamamahala ni Itamar na aki ni Aaron na padi.

Exodo 40:20

Dangan kinua niya an duwang tablang gapo asin ilinaog sa Kaban nin Tipan. Isinurok niya an mga pasanan sa mga siningsing kan Kaban asin tinakopan ini.

Mga Bilang 17:4

Darahon mo sa Tabernakulo an mga sugkod asin ibugtak mo sa atubangan kan Kaban nin Tipan, sa lugar na pinagtutuparan ko saimo.

Mga Gibo 7:44

“An Tolda nin pagpatotoo nasa satong mga ginikanan kaidtong yaon sinda sa kalangtadan. Ginibo an toldang ini sosog sa pagboot nin Dios ki Moises, asin sosog sa arogan na ipinahiling saiya.

Roma 3:2

Kadakul! Enot, sa mga Judio ipinaniwala nin Dios an saiyang mensahe.

Deuteronomio 31:26

“Kuahon nindo an librong ini nin katogonan asin ibugtak nindo sa kataed kan Kaban nin Tipan nin Kagurangnan na saindong Dios, tanganing danay na magsaksi laban sa saiyang banwaan.

Hebreyo 9:4

Nasa laog kaini an bulawan na altar na pinagtututongan kan insenso, saka yaon man digdi an Kaban nin Tipan na napapatos nin bulawan. Sa laog kan kaban igwa nin dulay na bulawan na namumugtakan kan manna; yaon man an nagdahon na sugkod ni Aaron saka an duwang gapo na nasusuratan kan mga togon.

Josue 4:16

na pagbotan an mga pading nagdadara kan Kaban nin Tipan na maghale na sa tahaw kan Jordan.