Exodo 24:8 - Marahay na Bareta Biblia

⁸ Kinua ni Moises an dugo sa mga palanggana dangan iwinirik sa mga tawo. Nagsabi siya, “Ini an dugo nin pakipagtipan nin Kagurangnan kan itao niya saindo an mga togon na ini.”

Exodo 24:8 ပူးပေါင်းရင်းမြစ်များ

1 Mga Hade 8:21

Nag-andam man ako nin sarong lugar sa Templo para sa Kaban na namumugtakan kan duwang tablang gapo kan tipan na ginibo nin Kagurangnan sa satong mga ginikanan kan iluwas niya sinda sa Egipto.”

1 Mga Hade 8:9

Mayo nin ibang laog an Kaban kundi an duwang tablang gapo na ibinugtak duman ni Moises kan yaon siya sa Bukid nin Sinai, saen nakipagtipan an Kagurangnan sa banwaan nin Israel pakahale ninda sa Egipto.

Salmo 78:36

Alagad gabos kaputikan an saindang sinabi; an saindang itinaram bakong tudok sa boot.

Exodo 24:6

Kinua ni Moises an kabanga kan dugo kan ginadan na mga hayop asin ibinugtak sa mga palanggana; an kabanga inula niya sa altar.

Isaias 52:15

Alagad ngunyan mangalas saiya an dakul na nasyon, asin sa pagngalas maalo an mga hade. Huli ta mahihiling ninda an dai pa ninda nabaretaan, asin masasabotan ninda an dai pa ninda nadangog.”

Jeremias 31:32

Bako iyan arog kan tipan na ginibo ko sa saindang mga ginikanan kan kabiton ko sinda saka giyahan paluwas sa Egipto. Maski ako nagin arog sa sarong agom na lalaki sa sainda, dai ninda kinuyog an tipan na idto.

Ezekiel 16:8

“Pag-agi ko giraray, nahiling kong panahon na tanganing mamoot ka. Tinahoban ko kan sakong alikboy an huba mong hawak, saka nanuga akong mamomotan taka. Nakipagtipan ako saimo kaya nagin sadiri taka.” Ini an tataramon nin Kagurangnan Dios.

Ezekiel 36:25

Wiwirikan ko kamo nin malinig na tubig dangan magigin malinig na kamo sa gabos nindong dios-dios asin sa gabos na nakadigta sa saindo.

Levitico 8:30

Kuminua si Moises nin kadikit kan lanang panlahid saka kadikit kan dugo na nasa altar dangan winirikan niya si Aaron asin an saiyang mga aking lalaki patin an saindang mga sulot na gubing. Sa paaging ini kinonsagra niya sinda asin an saindang mga gubing sa Kagurangnan.

Hageo 2:5

Kan maghale kamo sa Egipto, nanuga ako na danay ko kamong iibahan. Kaibahan pa nindo ako, kaya dai kamo matakot.

Zacarias 9:11

Nagtataram an Kagurangnan, “Huli kan pakikipagtipan ko saindo na sinelyohan kan dugo nin mga sakripisyo, tatalingkasan ko an saimong banwaan— talingkas sa mayong tubig na kalot nin pagtapokan.

Mateo 26:28

huli ta iyo ini an sakong dugo kan bagong tipan, dugo na pinapabulos para sa dakul na tawo sa pagpatawad nin mga kasalan.

Markos 14:24

Nagsabi si Jesus, “Ini an sakong dugo kan bagong tipan, dugo na pinapabulos para sa dakul na tawo.

Lukas 22:20

Siring man, pakakakan ninda, itinao niya sainda an kalis saka nagsabi, “An kalis na ini iyo an bagong tipan sa sakong dugo na pinabulos para saindo.

1 Corinto 11:25

Siring man kinua niya an kalis pakapamanggi saka nagsabi, “An kalis na ini iyo an bagong tipan nin sakong dugo. Sa lambang pag-inom nindo kaini, giboha sa pagromdom sako.”

Efeso 1:7

Tinubos kita ni Cristo huli kan saiyang dugo, pinatawad kita kan satong mga kasalan, sosog sa kayamanan kan biyaya nin Dios,

Deuteronomio 5:2

Duman sa Bukid nin Sinai, nakipagtipan an Kagurangnan na satong Dios

Hebreyo 10:29

Kun siring, ano an mangyayari sa tawong nag-olog-olog kan Aki nin Dios, saka nagbasang-basang kan dugo kan tipan nin Dios na naglinig saiya, patin nag-insulto kan Espiritu nin biyaya? Isip-isipa kun gurano kagabat an padusa na itatao saiya!

Hebreyo 13:20

An Dios iyo an nagbuhay liwat ki Jesus na satong Kagurangnan, an Dakulang Pastor kan mga karnero, na an dugo iyo an tanda kan daing kataposan na tipan.

Josue 24:25

Kaya sa aldaw na idto, nakipagtipan si Josue sa mga tawo, asin duman sa Shekem tinawan niya sinda nin mga togon saka mga pagboot na susunodon.

1 Pedro 1:2

Pinili kamo nin Dios Ama siring sa plano niya kaidto pa, asin kinonsagra kamo kan saiyang Espiritu tanganing magkuyog kamo ki Jesu-Cristo saka malinigan kamo kan saiyang dugo. Mapasaindo logod an nagsusupay na biyaya asin katoninongan.