Exodo 24:18 - Marahay na Bareta Biblia

¹⁸ Nagpadagos sa pagtukad sa bukid si Moises pasiring sa panganoron. Nag-erok siya duman sa laog nin kwarentang aldaw asin kwarentang banggi.

Exodo 24:18 ပူးပေါင်းရင်းမြစ်များ

1 Mga Hade 19:11

Nagtaram an Kagurangnan, “Luwas asin tindog sa alitoktok kan bukid sa atubangan ko.” Dangan nag-agi an Kagurangnan asin sarong makosog na doros an nagbanga kan kabukidan asin nagparasa kan kagapoan, alagad mayo sa doros an Kagurangnan. Nag-ontok sa paghuyop an doros, dangan nagkaigwa nin linog, alagad mayo sa linog an Kagurangnan.

1 Mga Hade 19:8

Nagbangon si Elias, nagkakan saka nag-inom, dangan sa kosog na itinao kan pagkakan na idto, naglakaw siya sa laog nin kwarentang aldaw saka kwarentang banggi pasiring sa Sinai, an bukid nin Dios.

Exodo 19:20

Huminilig an Kagurangnan sa alitoktok kan bukid asin inapod niya si Moises, kaya nagtukad ini.

Exodo 25:1

Nagtaram an Kagurangnan ki Moises,

Exodo 32:1

Kan mareparo kan mga Israelita na haloy nang dai naghihilig sa bukid si Moises nagdolok sinda ki Aaron dangan nagsabi, “Dai mi aram kun ano na an nangyari sa Moises na iyan na nangenot samo pagluwas sa Egipto; kaya igibo mo kami nin sarong dios na mangengenot samo.”

Exodo 34:28

Nagdanay si Moises sa kaibahan nin Kagurangnan sa laog nin kwarentang aldaw asin kwarentang banggi; dai siya nagkakan o nag-inom. Isinurat niya sa duwang tablang gapo an mga tataramon kan tipan—an Sampolong Togon.

Exodo 9:29

Nagsabi si Moises, “Pakaluwas ko sa syudad, iitaas ko an sakong kamot sa pagpamibi sa Kagurangnan. Maontok an pagdaguldol asin an pag-uran nin yelo, tanganing maaraman mong an Kagurangnan iyo an kagsadiri kan kinaban.

Exodo 9:33

Binayaan ni Moises an hade; nagduman siya sa luwas kan syudad, asin itinaas an saiyang mga kamot sa pagpamibi sa Kagurangnan. Dangan nag-ontok an daguldol, an yelo asin an uran.

Mga Talinhaga 28:1

Nagdudulag an tampalasan maski mayong naglalamag, alagad an matanos maisog arog sa leon.

Mateo 4:2

Nag-ayuno siya sa laog nin kwarentang aldaw saka kwarentang banggi, asin nagutom siya.

Markos 1:13

Kwarentang aldaw siya duman, na pinagsogotan ni Satanas. Idtoon man duman an mga mariringis na hayop; asin pinaglingkodan siya kan mga anghel.

Lukas 4:2

Kwarentang aldaw siya duman asin pinagsogotan siya kan demonyo. Dai siya nagkakan sa bilog na panahon na iyan, kaya nagutom siya nin marahay pakatapos kaiyan.

Deuteronomio 10:10

“Arog kan enot, nag-ontok ako sa bukid sa laog nin kwarentang aldaw asin banggi. Dinangog giraray ako nin Kagurangnan asin nag-oyon siya na dai kamo pagtunawon.

Deuteronomio 5:31

Maghilig ka dangan magbalik digdi, asin itatao ko saimo an gabos kong togon saka pagboot. Itukdo mo iyan sa mga tawo tanganing otobon ninda duman sa daga na itinatao ko sainda.’

Deuteronomio 9:18

Dangan nagdapa giraray ako sa atubang nin Kagurangnan sa laog nin kwarentang aldaw asin banggi; dai ako nagkakan o nag-inom nin ano man. Ginibo ko iyan huli ta nagkasala kamo sa Kagurangnan asin pinaanggot nindo siya.

Deuteronomio 9:25

“Kaya nagdapa ako sa atubang nin Kagurangnan sa laog kan kwarentang aldaw asin bangging idto, huli ta boot nanggad niyang tunawon kamo.

Deuteronomio 9:9

Nagtukad ako sa bukid tanganing akoon an mga tablang gapo na nasusuratan kan tipan nin Kagurangnan sa saindo. Kwarentang aldaw asin banggi ako duman, na dai nagkakan o nag-inom nin ano man.