Exodo 24:12 - Marahay na Bareta Biblia

¹² Nagtaram an Kagurangnan ki Moises, “Tumukad ka sa bukid pasiring sako asin maghalat ka huli ta itatao ko saimo an duwang tablang gapo na sinuratan ko kan mga togon asin kan mga pagboot na itutukdo mo sa mga tawo.”

Exodo 24:12 ပူးပေါင်းရင်းမြစ်များ

1 Mga Hade 19:11

Nagtaram an Kagurangnan, “Luwas asin tindog sa alitoktok kan bukid sa atubangan ko.” Dangan nag-agi an Kagurangnan asin sarong makosog na doros an nagbanga kan kabukidan asin nagparasa kan kagapoan, alagad mayo sa doros an Kagurangnan. Nag-ontok sa paghuyop an doros, dangan nagkaigwa nin linog, alagad mayo sa linog an Kagurangnan.

Esdras 7:10

Idinusay ni Esdras an saiyang buhay sa pag-adal kan Katogonan nin Kagurangnan, sa pag-otob kaiyan, asin sa pagtukdo sa mga Israelita kan gabos na ipinagboboot kan Katogonan.

Nehemias 9:13

Hale sa langit naghilig ka sa Bukid nin Sinai; nagtaram ka sa saimong banwaan, asin tinawan mo sinda nin mga matanos na katogonan saka marahay na mga katukdoan.

Nehemias 9:14

Tinukdoan mo sinda na pakabanalon an saimong mga Sabbath, asin huli kan saimong sorogoon na si Moises itinao mo sainda an saimong katogonan.

Salmo 19:12

Alagad siisay an nakakasabot kan sadiring mga kasalan? Linigi ako sa mga hilom na karatan!

Exodo 19:3

Nagtukad si Moises sa bukid tanganing tuparon an Dios. Inapod siya nin Kagurangnan hale sa bukid asin tinaraman, “Sabihan mo an mga kapagarakian ni Jacob, an banwaan nin Israel:

Exodo 24:15

Dangan nagtukad si Moises asin an bukid natahoban nin panganoron.

Exodo 24:18

Nagpadagos sa pagtukad sa bukid si Moises pasiring sa panganoron. Nag-erok siya duman sa laog nin kwarentang aldaw asin kwarentang banggi.

Exodo 24:2

Ika sana an magdolok sako; dai magrani an iba. Dai magtukad sa bukid an mga tawo.”

Exodo 31:18

Pakataram nin Dios ki Moises duman sa Bukid nin Sinai, itinao niya ki Moises an duwang tablang gapo na sinuratan niya mismo kan mga togon.

Exodo 32:1

Kan mareparo kan mga Israelita na haloy nang dai naghihilig sa bukid si Moises nagdolok sinda ki Aaron dangan nagsabi, “Dai mi aram kun ano na an nangyari sa Moises na iyan na nangenot samo pagluwas sa Egipto; kaya igibo mo kami nin sarong dios na mangengenot samo.”

Exodo 34:1

Tinaraman nin Kagurangnan si Moises, “Magtabas ka nin duwang tablang gapo arog kan mga naenot asin isusurat ko diyan an mga tataramon na isinurat ko sa naenot na mga tablang gapo na binaraak mo.

Jeremias 31:33

Siring kaini an gigibohon kong tipan sa mga taga Israel: Ibubugtak ko an sakong togon sa saindang isip saka isusurat ko iyan sa saindang puso. Ako an magigin Dios ninda, asin sinda an magigin banwaan ko.

Mateo 5:19

Kaya an maglapas dawa kan pinakasadit na kabtang sa mga togon asin magtukdo kan paglapas kaiyan, ibibilang na pinakasadit sa kahadean nin langit. Alagad an mag-otob kan Katogonan asin magtukdo kaiyan, ibibilang na dakula sa Kahadean nin langit.

2 Corinto 3:3

Malinaw na si Cristo mismo an nagsurat kaiyan; kami sana an nagdara. Dai iyan isinurat sa tinta, kundi sa paagi kan Espiritu nin Dios na buhay; dai iyan isinurat sa mga pedasong gapo kundi sa puso nin tawo.

2 Corinto 3:7

Kan an Katogonan na isinurat sa mga pedasong gapo itinao ki Moises, nahiling an nakasusulang liwanag nin Dios; maski napapara na an liwanag sa lalawogon ni Moises, dai pa makahiling saiya an mga Israelita. Kun an pagtao kan Katogonan na idto na nagpapadusa nin kagadanan may nakasusulang liwanag,

Deuteronomio 4:14

Pinagbotan ako nin Kagurangnan na itukdo ko saindo an gabos niyang togon asin pagboot, tanganing otobon nindo sa daga na saindong masasadirihan.

Deuteronomio 5:22

“Iyo ini an mga pagboot na itinao saindo nin Kagurangnan kan magtiripon kamo sa atubang kan bukid, kan magtaram siya sa makosog na tingog hale sa kalayo, hale sa panganoron sagkod sa mahibog na kadikloman; mayo na siyang idinagdag. Dangan isinurat niya an mga ini sa duwang tablang gapo asin itinao sako.

Deuteronomio 5:31

Maghilig ka dangan magbalik digdi, asin itatao ko saimo an gabos kong togon saka pagboot. Itukdo mo iyan sa mga tawo tanganing otobon ninda duman sa daga na itinatao ko sainda.’

Hebreyo 9:4

Nasa laog kaini an bulawan na altar na pinagtututongan kan insenso, saka yaon man digdi an Kaban nin Tipan na napapatos nin bulawan. Sa laog kan kaban igwa nin dulay na bulawan na namumugtakan kan manna; yaon man an nagdahon na sugkod ni Aaron saka an duwang gapo na nasusuratan kan mga togon.