Exodo 23:31 - Marahay na Bareta Biblia

³¹ Ibubugtak ko an mga kasagkoran kan saindong daga magpoon sa Salog nin Eufrates sagkod sa Dagat na Pula, asin magpoon sa kalangtadan sagkod sa Dagat nin Mediteraneo. Ibubugtak ko sa saindong mga kamot an mga nag-eerok sa daga asin papahaleon nindo sinda mantang naglalaog kamo sa daga.

Exodo 23:31 ပူးပေါင်းရင်းမြစ်များ

Genesis 15:18

Sa oras na idto nakipagtipan an Kagurangnan ki Abram asin nagtaram, “Nanunuga ako na itatao ko sa saimong mga kapagarakian an bilog na dagang ini, magpoon sa Egipto sagkod sa Salog nin Eufrates,

1 Mga Hade 11:2

Inagom niya an mga babaeng ini maski pinagbotan nin Kagurangnan an mga Israelita na dai makipag-agoman sa mga tawong ini, huli ta dadagkahon ninda an mga Israelita na maglingkod sa saindang mga dios-dios.

1 Mga Hade 20:13

Sarong propeta an nag-abot asin nagsabi ki Hadeng Ahab, “Nagtataram an Kagurangnan, ‘Nahiling mo an kadakul na mga soldados na iyan? Itatao ko sinda saimo ngunyan na aldaw, asin maaaraman mo na ako an Kagurangnan.’”

1 Mga Hade 4:21

Pinamayohan ni Solomon an gabos na kahadean magpoon sa Salog nin Eufrates sakod sa daga kan mga Filisteo asin sa pagdolonan kan Egipto. Nagbuhis sinda asin naglingkod ki Solomon mantang nabubuhay pa siya.

1 Mga Hade 4:24

Sakop ni Solomon an gabos na daga sa solnopan kan Salog nin Eufrates, magpoon sa Tifsa sagkod sa Gaza. Sakop man niya an mga hade sa solnopan kan Salog nin Eufrates; igwa nin katoninongan sa palibot ni Solomon.

1 Mga Hade 8:65

Duman sa Templo, si Solomon asin an bilog na banwaan nin Israel nagselebrar kan Pyesta nin mga Harong-harong sa laog nin pitong aldaw. Dakul nin marahay an tawo na nagtiripon duman na hale pa sa harayong Dalan nin Hamat sa amihan sagkod sa pagdolonan nin Egipto sa habagat.

2 Mga Cronica 9:26

Pinamayohan niya an gabos na hade magpoon sa Salog nin Eufrates sagkod sa daga kan mga Filisteo asin sa pagdolonan kan Egipto.

Salmo 72:8

Maghade logod siya poon sa dagat sagkod sa dagat, poon sa Eufrates sagkod sa mga poro kan daga.

Mga Bilang 21:34

Nagtaram an Kagurangnan ki Moises, “Dai ka matakot saiya. Itatao ko siya saimo, an gabos niyang mga tawohan sagkod an bilog niyang daga. Giboha saiya an ginibo mo ki Sihon na hade kan mga Amoreo, na nag-erok sa Hesbon.”

Mga Bilang 34:2

an minasunod na mga katukdoan para sa banwaan nin Israel: “Paglaog nindo sa Canaan, an dagang itinatao ko saindo, iyo ini an magigin pagdolonan nindo.

Deuteronomio 1:7

Maghale na kamo asin magpasiring sa mabulod na daga kan mga Amoreo asin sa gabos na rehiyon sa palibot—sa Kapantayan nin Jordan, sa kabubuldan asin mga kababan, sa habagat na parte kan daga nin Canaan, asin sa baybayon kan Mediteraneo. Magduman kamo sa daga nin Canaan, sa Lebanon, sagkod sa dakulang Salog nin Eufrates.

Deuteronomio 1:8

Ini gabos inandam ko para saindo; dumanon nindo asin sakopon an daga na ipinanuga ko na itatao sa saindong mga ginikanan, ki Abraham, ki Isaac, asin ki Jacob sagkod sa saindang kapagarakian.’”

Deuteronomio 11:24

Mapapasaindo an gabos na daga na mababatayan nindo. An pagsadiri nindo mapoon sa desyerto sa parteng habagat sagkod sa kabukidan nin Lebanon sa parteng amihan; mapoon sa Salog nin Eufrates sa parteng sirangan sagkod sa Dagat nin Mediteraneo sa parteng solnopan.

Deuteronomio 2:33

Alagad itinao siya nin Kagurangnan sa satong mga kamot, asin ginadan ta siya, an saiyang mga aki sagkod an gabos niyang tawohan.

Deuteronomio 2:36

Tinugotan kita nin Kagurangnan na sakopon an gabos na banwa magpoon sa Aroer na nasa tampi kan Kapantayan nin Arnon, asin an syudad na nasa kapantayan na ini, sagkod sa Gilead. Dai nakaolang sato an mga makosog na kudal kan arin man na banwa.

Deuteronomio 20:16

“Alagad sa mga syudad sa dagang itatao saindo nin Kagurangnan na saindong Dios, gadanon nindo an lambang saro.

Deuteronomio 3:2

Alagad nagtaram sako an Kagurangnan, ‘Dai ka matakot saiya; itatao ko siya sa saimong kamot, an saiyang mga tawohan sagkod an bilog niyang daga. Giboha saiya an ginibo mo ki Sihon na hade kan mga Amoreo na nag-erok sa Hesbon.’

Deuteronomio 6:19

huli sa pagpahale kan saindong mga kaiwal, siring sa saiyang ipinanuga.

Deuteronomio 9:3

Alagad ngunyan na aldaw mahihiling nindo na mangengenot saindo an Kagurangnan na saindong Dios siring sa sarong nakakatutong na kalayo. Sa pagdangadang nindo, dadaogon niya sinda tanganing madali nindo sindang mapahale asin magadan siring sa ipinanuga niya.

Josue 1:4

Magpoon sa kalangtadan sa habagat, an saindong pagdolonan makakaabot sagkod sa kabukidan nin Lebanon sa amihan; magpoon sa Salog nin Eufrates sa sirangan pasiring sa daga kan mga Heteo, sagkod sa Dagat nin Mediteraneo sa solnopan.

Josue 10:19

alagad dai kamo mag-ontok duman. Lamagon nindo an mga kaiwal, asin salakayon nindo sinda hale sa likodan; dai nindo pagtugotan na makalaog sinda sa saindang mga syudad! Itinao na saindo nin Kagurangnan na saindong Dios an kapangganahan laban sainda.”

Josue 10:8

Nagtaram an Kagurangnan ki Josue, “Dai ka matakot sainda. Itinao ko na saindo an kapangganahan. Maski siisay sainda dai nin magiginibo laban saimo.”

Josue 13:6

Kabilang digdi an gabos na teritoryo kan mga Sidoneo na nag-eerok sa mabulod na daga sa pagultanan kan Kabukidan nin Lebanon asin Misrefot-maim. Papahaleon ko an mga tawong ini sa pagdangadang kan mga Israelita. Kaipuhan hirason mo an daga sa mga Israelita siring sa ipinagboot kong gibohon mo.

Josue 2:24

dangan nagsabi, “Daing duwa-duwa na itinao na sato nin Kagurangnan an bilog na daga. Tarakot sato an gabos na tawo duman.”

Josue 21:44

Tinawan sinda nin Kagurangnan nin katoninongan sa bilog na daga, siring sa ipinanuga niya sa saindang mga ginikanan. Dai sinda nadaog kan arin man sa saindang mga kaiwal, huli ta pinapanggana sinda nin Kagurangnan.

Josue 23:14

“Madali na akong magadan. Nakakaaram sa saiyang puso asin kalag an lambang saro sa saindo, na itinao saindo nin Kagurangnan an gabos na marahay na bagay na saiyang ipinanuga. Inotob niya an lambang panuga; mayong nasudya minsan saro.

Josue 24:11

Nagbalyo kamo sa Jordan dangan nakaabot sa Jerico. Linabanan kamo kan mga taga Jerico, siring man kan mga Amoreo, Perezeo, Cananeo, Heteo, Gergeseo, Heveo, asin kan mga Jebuseo. Alagad pinapanggana ko kamo laban sa sainda gabos.

Josue 24:12

Ginibo kong magkatarakot sinda sa pagdangadang nindo tanganing pahaleon an duwang hadeng Amoreo. Bako iyan gibo kan saindong espada saka pana.

Josue 24:18

Sa samong pagdangadang, pinahale nin Kagurangnan an mga Amoreong nag-erok sa dagang ini. Kaya maglilingkod man kami sa Kagurangnan; siya an samong Dios.”

Josue 24:8

Dangan dinara ko kamo sa daga kan mga Amoreo, na nag-erok sa sirangan kan Jordan. Nakilaban sinda saindo, alagad itinao ko saindo an kapangganahan laban sainda. Nasakop nindo an saindang daga dangan ginaradan ko sinda sa pagdangadang nindo.

Josue 8:18

Dangan tinaraman nin Kagurangnan si Josue, “Ituro mo sa Ai an saimong garod; itinatao ko iyan saimo.” Ginibo ni Josue an itinaram saiya,

Josue 8:7

Dangan maluwas kamo sa saindong pinagtatagoan asin sasakopon nindo an syudad. Itatao iyan saindo nin Kagurangnan na saindong Dios.

Josue 9:7

Alagad nagsimbag an mga kalalakihan nin Israel, “Tano ta makikipagtipan kami saindo? Tibaad harani man sana an pinag-eerokan nindo.”

Hukom 1:4

asin Juda. Pinapanggana sinda nin Kagurangnan laban sa mga Cananeo asin sa mga Perezeo; dinaog ninda an sampolong ribong kalalakihan duman sa Bezek.

Hukom 11:21

Alagad itinao nin Kagurangnan, an Dios nin Israel, sa mga Israelita an kapangganahan laban ki Sihon. Huli kaini, sinakop ninda an gabos na teritoryo kan mga Amoreo na nag-erok sa dagang idto.

1 Samuel 23:4

Kaya hinapot giraray ni David an Kagurangnan. Nagsimbag an Kagurangnan, “Lakaw, asin magduman ka sa Keila, huli ta papangganahon taka laban sa mga Filisteo.”