Exodo 23:25 - Marahay na Bareta Biblia

²⁵ Kun ako, an Kagurangnan na saindong Dios, iyo sana an saindong sasambahon, bebendisyonan ko an saindong pagkakan asin inomon; dangan hahaleon ko saindo an gabos na helang.

Exodo 23:25 ပူးပေါင်းရင်းမြစ်များ

Salmo 103:3

Pinapatawad niya an gabos kong kasalan, binobolong niya an gabos kong helang.

Exodo 15:26

Nagtaram siya, “Kun bilog na puso nindo akong susunodon huli kan paggibo nin matanos asin huli sa pag-otob kan sakong mga togon saka mga pagboot, dai ko kamo papadusahan kan arin man sa mga kahelangan na ipinadara ko sa mga Egipcio. Ako, an Kagurangnan an saindong parabolong.”

Parahulit 5:20

Huli ta tinugotan siya nin Dios na magin maogma, dai siya mapupurisaw nin marahay dapit sa kahalipotan nin saiyang buhay.

Isaias 33:16

Dangan magigin ligtas kamo; magigin ligtas kamo na garo nasa laog nin sarong makosog na bantayan. Magkakaigwa kamo nin tinapay na kakakanon asin tubig na iinomon.

Isaias 33:24

Mayo nin siisay man na nag-eerok sa satong daga na mag-aagrangay na siya naghehelang, asin papatawadon an gabos na kasalan.

Jeremias 8:2

Embes na tiponon saka ilubong, an saindang mga tolang garo ati na papabayaan sa daga. Iwawarak iyan tanganing masaldangan kan aldaw, maliwanagan kan bulan asin kan mga bitoon na namotan, pinaglingkodan, hinapot saka sinamba kan mga tawong iyan.

Daniel 1:15

Pakalihis kaini, nahiling sindang orog na marahay an hawak saka makosog ki sa mga nagkakan kan hale sa palasyo.

Levitico 11:44

Ako an Kagurangnan na saindong Dios; kaipuhan na kamo magin banal huli ta ako banal.

Levitico 26:3

“Kun kamo mamuhay sosog sa sakuyang mga togon asin magsunod kan sakuyang mga pagboot,

Malakias 3:10

Daraha nindo an bilog na halaga kan saindong mga himoloan sa Templo, tanganing magkaigwa nin dakul na pagkakan duman. Baloa nindo ako asin mahihiling nindo na bubukasan ko an mga bintana nin kalangitan dangan iuula ko sa saindo an nagsusupay na mga marahay na bagay.

Mateo 4:10

Sinimbag siya ni Jesus, “Humale ka, Satanas! Huli ta nasusurat, ‘Sambahon mo an Kagurangnan mong Dios, asin siya sana an saimong paglingkodan.’”

Deuteronomio 10:12

“Banwaan nin Israel, dangoga nindo ngunyan an kahagadan saindo nin Kagurangnan na saindong Dios; magkaigwa kamo nin pagkatakot saiya asin otobon nindo an saiyang mga pagboot. Kamotan nindo an Kagurangnan saka paglingkodan nindo siya sa bilog nindong puso,

Deuteronomio 10:20

Matakot kamo sa Kagurangnan na saindong Dios asin siya sana an saindong pagsambahon. Magmaimbod kamo saiya asin magsumpa kamo sa saiya sanang ngaran.

Deuteronomio 13:4

Magsunod kamo sa Kagurangnan na saindong Dios asin matakot kamo saiya; kuyogon nindo siya asin otobon an saiyang mga pagboot; sambahon nindo siya asin magmaimbod kamo sa saiya.

Deuteronomio 6:13

Matakot kamo sa Kagurangnan na saindong Dios; maglingkod kamo saiya asin magsumpa kamo sa saiya sanang ngaran.

Deuteronomio 7:13

Mamomotan niya kamo asin bebendisyonan, tanganing magdakul an saindong kaakian; bebendisyonan niya an saindong kaomahan, tanganing magkaigwa kamo nin ani, arak saka lana nin oliba; papadakulon niya an saindong mga baka sagkod mga karnero. Iwawaras niya saindo an mga bendisyon na ini duman sa dagang ipinanuga niya sa saindong mga ginikanan na itatao sa saindo.

Deuteronomio 7:15

Irarayo kamo nin Kagurangnan sa anoman na kahelangan asin dai niya kamo papadarahan kan mga helang na nasaksihan nindo duman sa Egipto, alagad ipapadara niya iyan sa saindong mga kaiwal.

Josue 22:5

Kuyogon nanggad nindo an togon na itinao saindo ni Moises: kamotan nindo an Kagurangnan na saindong Dios, gibohon an saiyang kabotan, kuyogon an saiyang mga pagboot, magmaimbod saiya, asin paglingkodan siya sa bilog nindong puso saka kalag.”

Josue 24:21

Nagsimbag an mga tawo, “Dai! An Kagurangnan an samong paglilingkodan.”

Josue 24:24

Nagsimbag giraray saiya an mga tawo, “Maglilingkod kami sa Kagurangnan na samong Dios. Kukuyogon mi an saiyang mga pagboot.”

1 Samuel 12:20

Nagsimbag si Samuel, “Dai kamo matakot; maski nakaginibo kamo kaining dakulang karatan dai sana kamo magtalikod sa Kagurangnan, kundi paglingkodan nindo siya sa bilog nindong puso.

1 Samuel 12:24

Matakot kamo sa Kagurangnan asin maimbod na paglingkodan nindo siya sa bilog nindong puso. Giromdoma nindo an darakulang mga bagay na ginibo niya para saindo.

1 Samuel 7:3

Sinabihan ni Samuel an mga Israelita, “Kun magbalik kamo sa Kagurangnan sa bilog nindong puso, kaipuhan haraleon nindo an mga dayuhan na dios asin an mga ladawan kan diosang si Astarte. Bilog nindong idusay an saindong sadiri sa Kagurangnan; siya sana an saindong paglingkodan, asin ililigtas niya kamo sa kapangyarihan kan mga Filisteo.”