Exodo 23:20 - Marahay na Bareta Biblia

²⁰ “Susugoon ko an sarong anghel na mangengenot saindo tanganing bantayan kamo sa dalan asin tanganing darahon kamo sa lugar na sakong inandam.

Exodo 23:20 ပူးပေါင်းရင်းမြစ်များ

Genesis 15:18

Sa oras na idto nakipagtipan an Kagurangnan ki Abram asin nagtaram, “Nanunuga ako na itatao ko sa saimong mga kapagarakian an bilog na dagang ini, magpoon sa Egipto sagkod sa Salog nin Eufrates,

Genesis 24:40

Nagsimbag siya, ‘An Kagurangnan na danay kong sinusunod mapadara nin anghel na maiba saimo, asin matao saimo nin marahay na palad. An sakong aki ikukua mo nin agom hale sa pamilya nin sakong ama.

Genesis 24:7

An Kagurangnan, an Dios nin langit, na nagdara sako digdi hale sa harong nin sakong ama asin sa dagang namundagan ko, nanuga sako na itatao niya an dagang ini sa sakong mga kapagarakian. Papaenoton niya saimo an saiyang anghel tanganing ikakua mo duman nin agom an aki ko.

Genesis 48:16

Bendisyonan logod an mga aking ini kan anghel na nagligtas sako sa gabos na maraot! Huli sa mga aking ini, mabuhay logod an sakong ngaran asin an ngaran kan sakong mga magurang na si Abraham asin si Isaac! Magkaigwa logod sinda nin dakul na aki, asin dakul na kapagarakian!”

Salmo 91:11

Huli ta ibubugtak nin Dios an saiyang mga anghel tanganing atamanon ka saen ka man magduman.

Exodo 14:19

An anghel nin Dios na nasa enotan kan hukbo nin Israel nagpahurihan. Nagpahurihan man an hariging panganoron sa mga Israelita dangan nag-ontok

Exodo 15:16

Pakahiling kan saimong kosog, O Kagurangnan, takot asin takig sinda inabotan, siring sa gapo dai sinda nakahiro sagkod na makaagi an saimong banwaan, mga tawong ilinigtas mo sa kaoripnan.

Exodo 15:17

Dinara mo sinda asin itinanom sa sadiri mong bukid, an lugar, O Kagurangnan, na pinili mo bilang saimong erokan, an Templo na saimong hinaman.

Exodo 23:23

Mangengenotan sa saindo an sakong anghel pasiring sa daga kan mga Amoreo, Heteo, Perezeo, Cananeo, Heveo asin Jebuseo dangan paparaon ko sinda gabos.

Exodo 32:34

Alagad lakaw na asin pangenotan mo an mga tawo pasiring sa lugar na itinaram ko saimo. Giromdoma na papangenotan kamo kan sakong anghel, alagad maabot an panahon na papadusahan ko an mga tawong iyan huli kan saindang kasalan.”

Exodo 33:14

Nagtaram an Kagurangnan, “Iibahan taka asin tatawan nin kapahingaloan.”

Exodo 33:2

Susugoon ko an sarong anghel na mangengenot saindo, asin isusubol ko paluwas an mga Cananeo, Amoreo, Heteo, Perezeo, Heveo saka Jebuseo.

Isaias 63:9

sa saindang kasakitan. Bakong sarong anghel, kundi an Kagurangnan mismo an nagligtas sainda. Sa saiyang pagkamoot saka pagkaherak, tinubos niya sinda. Inataman na niya sinda kaidto pang panahon,

Zacarias 12:8

Sa panahon na iyan, iingatan nin Kagurangnan an mga nag-eerok sa Jerusalem; maski an pinakamaluya sa sainda magigin siring kakosog ni David. An mga kapagarakian ni David an mangengenot sa sainda arog sa sarong anghel nin Kagurangnan, arog sa Dios mismo.

Malakias 3:1

Nagsisimbag an Kagurangnan nin mga hukbo, “Ipapadara ko an sakong sugo sa pag-andam kan dalan para sako. Dangan an Kagurangnan na saindong hinahanap bigla na sanang matunga sa saiyang Templo. Maabot an sugo na haloy na nindong mawot na mahiling asin ipapahayag niya an sakong tipan.”

Mga Bilang 20:16

kaya nag-agrangay kami sa Kagurangnan. Dinangog niya an samong inagrangay asin nagsugo siya nin anghel na iyo an nangenot samo paluwas sa Egipto. Ngunyan, uya kami sa Kades, an banwaan sa pagdolonan kan saimong teritoryo.

Mga Bilang 22:22

Alagad naanggot an Dios huli ta nagduman si Balaam, kaya nagtindog sa dalan an anghel nin Kagurangnan tanganing olangon an saiyang agihan. Nakalunad sa saiyang asno si Balaam asin kaiba niya an duwa niyang sorogoon.

Mateo 25:34

Dangan masabi an Hade sa mga tawo na nasa too niya, ‘Madya kamo, mga paladan kan sakong Ama! Lumaog kamo sa Kahadean na inandam para saindo poon na lalangon an kinaban.

Juan 14:3

Pakaduman ko saka pakaandam ko nin lugar para saindo, mabalik ako dangan ipag-iiba ko na kamo, nganing kun saen ako, duman man kamo.

Deuteronomio 33:2

Naghilig hale sa Bukid nin Sinai an Kagurangnan; siring sa aldaw, nagsirang siya sa Edom asin nagliwanag hale sa Bukid nin Paran, kaiba an sampolong ribong mga anghel, na may naglalaad na kalayo sa too niyang kamot.

Josue 23:5

Papasibogon sinda nin Kagurangnan na saindong Dios asin papahaleon sa pagdangadang nindo. Mapapasaindo an daga ninda siring sa panuga saindo nin Kagurangnan na saindong Dios.

Josue 5:13

Kan yaon si Josue sa harani kan Jerico, bigla siyang nakahiling nin sarong lalaki na nakatindog sa atubangan niya, na may kapot na espada. Dinolok siya ni Josue asin hinapot, “Kaapil ka nyamo o kaiwal?”

Josue 5:14

“Bako ako maski arin sa sinabi mo,” an simbag kan lalaki. “Nagdigdi ako bilang pamayo kan hukbo nin Kagurangnan.” Nagdapa si Josue sa pagsamba asin nagsabi, “Sorogoon mo ako, kagurangnan. Ano an boot mong gibohon ko?”

Josue 6:2

Tinaraman nin Kagurangnan si Josue, “Itinatao ko sa saimong mga kamot an Jerico kaiba an saiyang hade saka maiisog na mga soldados.