Exodo 23:15 - Marahay na Bareta Biblia

¹⁵ Selebraron nindo an Pyesta nin Tinapay na Mayo nin Lebadura. Siring sa ipinagboot ko saindo, pitong aldaw kamong dai magkakan nin tinapay na igwa nin lebadura sa bulan nin Abib, huli ta ini an bulan kan paghale nindo sa Egipto. Dai nin siisay man na magdolok sako na mayong darang dolot.

Exodo 23:15 ပူးပေါင်းရင်းမြစ်များ

Exodo 12:2

“An bulan na ini iyo an magigin enot na bulan kan taon para sa saindo.

Exodo 13:3

Sinabihan ni Moises an mga tawo, “Giromdoma nindo an aldaw na ini—an aldaw kan paghale nindo sa Egipto, an lugar na nag-oripon saindo. Iyo ini an aldaw na ilinuwas kamo nin Kagurangnan huli kan saiyang kapangyarihan. Dai kamo magkakan nin tinapay na igwa nin lebadura.

Exodo 13:4

Naghahale kamo sa Egipto sa aldaw na ini, sa enot na bulan, an bulan nin Abib.

Exodo 22:29

“Dai nindo pag-abalahon an pagdolot nin mga tinagba kan saindong inani, kan saindong arak asin kan lana na hale sa mga oliba. “Itao nindo sakuya an saindong matuang aking lalaki.

Exodo 34:18

“Selebraron nindo an Pyesta kan Tinapay na Mayo nin Lebadura. Siring sa ipinagboot ko saindo, pitong aldaw kamong magkakan nin tinapay na mayo nin lebadura sa bulan nin Abib, huli ta ini an bulan kan paghale nindo sa Egipto.

Exodo 34:20

Tutuboson nindo nin lalaking karnero an lambang matuang asno. Kun dai nindo tutuboson, babarion nindo an liog kaiyan. Balukaton nindo an lambang matuang aking lalaki. “Mayo nin magdolok sako na daing darang dolot.

Levitico 23:10

“Sabihan mo an banwaan nin Israel na kun maglaog na kamo sa dagang itinatao ko saindo asin mag-ani na kamo, dadarahon nindo sa padi an enot na ginuygoy kan enot nindong inani.

Mikas 6:6

Ano an dadarahon ko sa Kagurangnan, an Dios nin langit, sa pagdolok ko tanganing sambahon siya? Magdadara daw ako kan pinakamarahay na mga ogbon na baka na tututongon bilang mga dolot saiya?

Markos 14:12

Sa enot na aldaw kan Pyesta kan Tinapay na Mayo nin Lebadura, an aldaw na pinagbobono an mga kordero paskwal, hinapot si Jesus kan mga disipulo, “Saen mo boot na andamon mi an saimong pamanggihan sa Paskwa?”

Lukas 2:41

Taon-taon, minaduman sa Jerusalem an mga magurang ni Jesus para sa Pyesta nin Paskwa.

Lukas 22:7

Uminabot an aldaw kan Pyesta nin Tinapay na Mayo nin Lebadura, aldaw nin pagbuno kan kordero para sa Paskwa.

Mga Gibo 12:3

Kan mahiling niya na ikinaogma ini kan mga Judio, ipinadakop man niya si Pedro. (Nangyari ini kan Pyesta nin Tinapay na Mayo nin Lebadura.)

Deuteronomio 16:16

“Tolong beses sa taon, matiripon sa atubang nin Kagurangnan an gabos na lalaki sa saindong nasyon duman sa lugar na pagsasambahan: sa Pyesta kan Paskwa, sa Pyesta nin Pag-ani, asin sa Pyesta nin mga Harong-harong. An lambang saro kaipuhan magdara nin regalo

1 Samuel 6:3

Nagsimbag sinda, “Kun ibabalik nindo an Kaban nin Tipan kan Dios nin Israel, kaipuhan ibalik nindo na igwang kaibang regalo para saiya tanganing matubos an saindong kasalan. Sa paaging ini, mararahay kamo asin maaaraman nindo kun tadaw ta padagos niya kamong pinapadusahan.”