Exodo 22:31 - Marahay na Bareta Biblia

³¹ “Kamo an sakuyang banwaan, kaya dai nanggad nindo pagkakanon an karne kan arin man na hayop na ginadan nin mga lalaw na hayop; itao nindo iyan sa mga ayam.

Exodo 22:31 ပူးပေါင်းရင်းမြစ်များ

Esdras 9:2

An mga Judio nag-agom nin mga dayuhan na babae, kaya nadigtaan an banal na banwaan nin Dios. An mga lider saka an mga opisyal iyo an nangenot sa pagkasala.”

Ezekiel 4:14

Alagad nagsimbag ako, “Kagurangnan Dios, dai ko pa lamang dinigtaan an sakong sadiri. Magpoon kan ako aki pa, dai pa lamang ako nagkakan nin karne nin hayop na nagadan sa natural na paagi o nin hayop na ginadan nin lalaw na hayop. Dai pa ako nagkakan nin anoman na ibinibilang na maati.”

Ezekiel 44:31

An mga padi kaipuhan na dai magkakan nin anoman na gamgam o hayop na nagadan sa natural na paagi, o ginadan nin ibang hayop.”

Levitico 19:2

na sabihan an komunidad nin Israel, “Magin banal kamo, huli ta ako, an Kagurangnan na saindong Dios, banal.

Levitico 20:25

Kaya tandaan nindo an kalaenan kan mga hayop asin mga gamgam na malinig saka maati. Dai kamo magkakan kan mga hayop o gamgam na maati. Ipinahayag ko na maati an mga iyan, asin makakapaati sa saindo an pagkakan kaiyan.

Levitico 22:8

Dai siya dapat magkakan kan karne kan arin man na hayop na nagadan o ginadan kan mga maringis na hayop; makakaati iyan saiya. Ako an Kagurangnan.

Levitico 7:24

An taba kan hayop na nagadan o ginadan nin sarong lalaw na hayop dai nanggad nindo pagkakanon; pwedeng gamiton iyan sa ibang katuyohan.

Mga Gibo 10:14

Alagad nagsabi si Pedro, “Habo ako, Kagurangnan! Huli ta dai pa lamang ako nagkakan nin anoman na ibinibilang na maati.”

Mga Gibo 15:20

Tama na an pagsurat sainda na dai magkakan nin kakanon na idinolot sa mga dios-dios, na dai magdorog sa bako ninda agom, asin dai magkakan kan karne nin tinook na hayop o kan dugo.

Deuteronomio 14:21

“Dai kamo magkakan kan arin man na hayop na nagadan sa natural na paagi, huli ta kamo sarong banwaan na banal para sa Kagurangnan na saindong Dios. An hayop pwede nindong ipakakan sa mga dayuhan na nakikihimanwa sa saindo, o ipabakal sa ibang mga dayuhan. “Dai nindo paglutoon an ogbon na karnero o kanding sa gatas nin saiyang ina.