Exodo 22:28 - Marahay na Bareta Biblia

²⁸ “Dai kamo maglanghad sa Dios asin dai nindo pagsumpaon an sarong namamayo kan saindong banwaan.

Exodo 22:28 ပူးပေါင်းရင်းမြစ်များ

2 Samuel 16:5

Pag-abot ni Hadeng David sa Bahurim, nagluwas sa pagsabat saiya an saro sa mga kadugo ni Saul, na an ngaran Simei, na aking lalaki ni Gera. Minamaldisyon niya si David mantang naglalakaw

2 Samuel 16:9

Nagsabi sa hade si Abisai, na aki ni Zeruias, “Mahal na hade, tadaw ta pinapabayaan mong maldisyonon ka kan ayam na iyan? Padumana ako asin pupugotan ko siya!”

2 Samuel 19:21

Nagsabi si Abisai na aking lalaki ni Zeruias, “Dapat gadanon si Simei huli ta minaldisyon niya an linahidan nin Kagurangnan bilang hade.”

1 Mga Hade 21:10

Patukawon nindo sa atubangan niya an duwang mayong halagang mga tawo na masumbong nin siring laban saiya: ‘Minaldisyon ni Nabot an Dios saka an hade.’ Dangan iluwas nindo siya saka gapoon sagkod na magadan.”

Salmo 138:1

Pinapasalamatan taka, Kagurangnan, sa bilog kong puso; sa atubang kan mga dios inaawit ko an saimong kaomawan.

Salmo 32:6

Kaya kaipuhan mamibi saimo an gabos na tawong maimbod saimo sa panahon nin pangangaipo; kun mag-abot an sarong dakulang baha nin kasakitan, dai iyan makakaabot sainda.

Exodo 13:12

idolot nindo sa Kagurangnan an gabos na matuang lalaki. Sadiri nin Kagurangnan an gabos na matuang lalaki kan saindong mga hayop.

Exodo 13:2

“Ikonsagra nindo sa sako an gabos na matuang lalaki, huli ta rogaring ko an lambang matuang lalaking Israelita asin an lambang matuang lalaking hayop.”

Exodo 21:17

“An siisay man na magmaldisyon sa sadiring ama o ina dapat gadanon.

Exodo 23:16

“Selebraron nindo an Pyesta nin Pag-ani pagpoon kan saindong pag-ani kan mga bunga nin saindong kapagalan, nin saindong tinanom sa oma. “Sa kataposan kan taon selebraron nindo an Pyesta nin mga Harong-harong kun gunoon na nindo asin tiponon an mga bunga kan saindong ubasan, asin kan iba pang mga kahoy.

Exodo 23:19

“Taon-taon dadarahon nindo sa harong nin Kagurangnan na saindong Dios an pinakamarahay sa mga enot na bunga kan saindong daga. “An ogbon na karnero o kanding dai nindo paglutoon sa gatas nin saiyang ina.

Parahulit 10:20

Dai mo pagmaldisyonon an hade, maski sa isip sana, asin dai mo pagmaldisyonon an mayaman maski sa laog kan saimong kwarto. Huli ta may pakpak an bareta asin may talinga an daga.

Levitico 24:15

Pakatapos, sabihan mo an banwaan nin Israel na arog kaiyan an mangyayari sa kiisay man na maglanghad sa Dios.

Levitico 24:16

An siisay man na Israelita o dayuhan na nag-eerok sa Israel, na maglanghad sa Kagurangnan, gagadanon kan bilog na komunidad sa paagi nin paggapo.

Mga Gibo 23:3

Nagtaram si Pablo saiya, “Papadusahan ka nin Dios—ika na pinaputing kudal! Nagtutukaw ka sa paghukom sosog sa Katogonan, alagad linalapas mo an Katogonan kan magboot ka na ipasuntok ako.”

Mga Gibo 23:5

Nagsimbag si Pablo, “Mga tugang, dai ko aram na siya an Halangkaw na Padi. Huli ta nasusurat, ‘Dai ka dapat magtaram nin maraot dapit sa pamayo kan saimong banwaan.’”

1 Pedro 2:17

Galangan nindo an gabos na tawo; kamotan nindo an mga kapwa paratubod ki Cristo. Matakot kamo sa Dios, saka galangan nindo si Cesar.

2 Pedro 2:10

Papadusahan nin Dios orog na idtong mga nagsusunod kan saindang maating mga kamawotan nin laman, asin nagsisikwal kan kapangyarihan nin Dios. An mga bakong tunay na paratukdong ini mapangahas, hambogon asin mayong paggalang sa mga halangkaw na kapangyarihan sa kalangitan.

Judas 1:8

Siring man, an mga tawong ini igwa nin mga pangatorogan na minapakasala sainda tumang sa sadiri nindang hawak, isinisikwal ninda an awtoridad nin Dios, asin inoolog-olog an mga mamuraway na mga linalang sa kalangitan.

1 Samuel 24:10

Nahiling mo ngunyan na aldaw kun paano ka itinao sako nin Kagurangnan sa laog kan lungib. Sinabihan ako kan nagkapira kong tawohan na gadanon ka, alagad dai taka ginadan, kundi nagsabi akong, ‘Dai ko gagadanon an sakong kagurangnan, huli ta siya an linahidan nin Kagurangnan.’

1 Samuel 24:6

Sinabihan niya an saiyang mga tawohan, “Ilikay logod ako nin Kagurangnan na makaginibo nin ano man na karatan laban sa sakong kagurangnan, an pinili nin Kagurangnan na magin hade! Kaipuhan dai ko siya pag-anohon maski kadikit, huli ta siya an piniling hade kan Kagurangnan!”

1 Samuel 26:9

Alagad nagsabi si David, “Dai mo siya paggadanon! Papadusahan nanggad nin Kagurangnan an siisay man na gumadan sa hade na saiyang pinili.