Exodo 22:25 - Marahay na Bareta Biblia

²⁵ “Kun kamo magpautang nin kwarta sa mga dukha sa sakong banwaan, dai nindo pag-arogon an ibang parapautang; dai nindo sinda pagpatuboan.

Exodo 22:25 ပူးပေါင်းရင်းမြစ်များ

2 Mga Hade 4:1

Nagduman ki Eliseo an sarong babaeng balo na kaayon sa sarong grupo nin mga propeta asin nagsabi, “An sakong agom gadan na. Naaaraman mo na igwa siya nin pagkatakot sa Kagurangnan, alagad an pinagkautangan niya nag-abot tanganing kuahon an duwa kong aking lalaki tanganing oriponon.”

2 Mga Hade 4:7

Nagbalik an balo ki propeta Eliseo, na nagsabi saiya, “Lakaw, pabakalan an lana asin bayadan mo an saimong mga utang. An matada sa kwarta ipagbuhay nindong mag-irina.”

Nehemias 5:7

Pinaghorophorop ko ini asin sinagwe ko an mga lider saka mga opisyal. Sinabihan ko sinda, “Inaapi nindo an saindong mga tugang!” Nag-apod ako nin sarong dakulang pagtiripon laban sainda,

Salmo 15:5

Dai siya nagpapautang na may patubo, asin dai nagpapasuhol tumang sa mayo nin sala. An naggigibo kan mga bagay na ini dai nanggad matatanyog.

Mga Talinhaga 28:8

Kun magyaman ka huli sa pagpatubo asin pagbentahe sa iba, an saimong kayamanan mapapaduman sa sarong tawo na maheherakon sa dukha.

Jeremias 15:10

Mamondo ako nin marahay! Tadaw ta inaki pa ako kan sakong ina sa kinaban na ini? Danay akong may kaiwal asin kadiskutiran sa bilog na daga. Dai ako nagpasubli nin kwarta ni nagsubli, alagad minamaldisyon ako kan gabos.

Ezekiel 18:13

dangan nagpapautang na may patubo. Mabubuhay daw siya? Dai nanggad! Ginibo niya an makauuyam na mga bagay na ini, kaya magagadan siya. Siya an babasolon sa sadiri niyang kagadanan.

Ezekiel 18:17

Nagsasayuma siyang maggibo nin maraot asin dai nagpapautang na may patubo. Sinusunod niya an sakong mga togon asin kinukuyog an sakong mga pagboot. Dai siya magagadan huli kan kasalan kan saiyang ama, kundi totoong mabubuhay.

Ezekiel 18:7

Dai siya nandadaya o nanghahabon sa kiisay man. Ipinupuli niya an bagay na isinangra kan nag-utang saiya; pinapakakan niya an nagugutom asin ginugubingan an mga huba.

Ezekiel 18:8

Dai siya nagpapautang na may patubo. Minasayuma siya sa paggibo nin maraot asin nagtatao siya nin matanos na sentensya sa anoman na kaso.

Ezekiel 22:12

An iba sa sainda nagpapatandan tanganing manggadan. An iba nagpapautang sa kapwa Israelita na igwa nin dakulang tubo. Nalingawan na ninda ako.” An Kagurangnan Dios an nagtaram.

Amos 2:8

Sa gabos na lugar na pagsasambahan, nagkakatorog an kalalakihan sa gubing na sangra kan dukhang may utang sainda. Sa templo nin saindang Dios, nag-iinom sinda kan arak na saindang kinua sa mga may utang sainda.

Mateo 25:27

Kun siring, idineposito mo kutana sa bangko an kwarta ko. Pagbalik ko makukua ko kutana idto kaiba an tubo.’

Lukas 19:23

tadaw ta dai mo idineposito sa bangko an kwarta ko? Pagbalik ko, igwa na kuta ini nin tubo pagkua ko.’

Deuteronomio 15:7

“Kun magkaigwa nin sarong dukhang Israelita sa arin man na banwa sa daga na itinatao saindo nin Kagurangnan na saindong Dios, hare kamo pagmaimot asin pagsayuma sa pagtabang saiya.

Deuteronomio 24:13

kaipuhan ibalik nindo iyan saiya sa lambang pagsolnop kan aldaw tanganing magamit niya sa saiyang pagkatorog. Dangan magpapasalamat siya saindo asin mawiwilihan kamo nin Kagurangnan na saindong Dios.