Exodo 22:24 - Marahay na Bareta Biblia

²⁴ Maaanggot ako asin gagadanon ko kamo sa gera. Mababalo an saindong mga agom asin maiilo an saindong mga aki.

Exodo 22:24 ပူးပေါင်းရင်းမြစ်များ

Nehemias 5:7

Pinaghorophorop ko ini asin sinagwe ko an mga lider saka mga opisyal. Sinabihan ko sinda, “Inaapi nindo an saindong mga tugang!” Nag-apod ako nin sarong dakulang pagtiripon laban sainda,

An Libro ni Job 31:23

Huli ta natatakot ako sa padusa nin Dios, dai ko nanggad magigibo an siring.

Salmo 109:2

Huli ta nagtataram tumang sako an mga tawong putikon asin maraot; pinagpapakaraot ninda ako.

Salmo 109:9

Magin ilo logod an saiyang mga aki; magin balo logod an saiyang agom!

Salmo 15:5

Dai siya nagpapautang na may patubo, asin dai nagpapasuhol tumang sa mayo nin sala. An naggigibo kan mga bagay na ini dai nanggad matatanyog.

Salmo 69:24

Iula mo sainda an saimong kaanggotan, aboton logod sinda kan labi-labi mong kaanggotan.

Salmo 76:7

Alagad ika, Kagurangnan, kinatatakotan kan gabos. Mayo nin makakaatubang saimo kun ika anggot.

Salmo 90:11

Siisay an nakakasabot kan makuri mong kaanggotan? Siisay an nakakaaram kan takot na dara kan saimong kaanggotan?

Jeremias 15:8

An mga babaeng balo sa daga nindo mas dakul pa ki sa baybay sa tampi kan dagat. Ginadan ko an saimong mga lalaki sa saindang pagkahoben, asin pinatios ko an saindang mga ina. Bigla kong hinampak sinda nin makuring sakit asin takot.

Jeremias 18:21

Alagad ngunyan, Kagurangnan, pabayaan mong magadan sa gutom an saindang mga aki; magadan logod sinda sa gera. Pabayaan mong mawaraan nin agom saka mga aki an mga babae; magadan logod sa helang an mga lalaki saka magadan sa gera an mga hoben nindang lalaki.

Mga Panambitan 5:3

An samong mga ama ginadan kan mga kaiwal, asin an samong mga ina balo na ngunyan.

Levitico 25:35

“Kun magin dukha an kapwa nindo Israelita na nag-eerok sa harani nindo asin dai na niya kayang buhayon an saiyang sadiri, dapat na tawan nindo siya kan kaipuhan niya sa buhay, tanganing padagos siyang mamuhay sa kaibahan nindo, arog sa sarong dayuhan o nakikihimanwa.

Levitico 25:36

Dai kamo maghagad nin tubo kun siya mag-utang, kundi matakot kamo sa Dios tanganing an kapwa nindo Israelita padagos na mamuhay harani saindo.

Nahum 1:6

Siisay an mabubuhay kun siya naaanggot? Siisay an makakatagal sa labi-labi niyang kaanggotan? Saiyang inuula an nagkakalayo niyang kaanggotan; naroronot an mga gapo sa saiyang atubang.

Lukas 6:38

Magtao kamo asin tatawan man kamo nin Dios; tamang takad, dasok, yinogyog asin nagsusupay an itatao saindo. Kun ano an sukol na ginamit nindo, iyo man an gagamiton saindo nin Dios.”

Deuteronomio 23:20

Pwede nindong patuboan an utang nin dayuhan, alagad bako an utang kan kapwa nindo Israelita. Kuyogon nindo an pagboot na ini asin bebendisyonan kamo nin Kagurangnan na saindong Dios sa gabos nindong gigibohon duman sa daga na masasadirihan nindo.

Deuteronomio 23:21

“Kun manuga kamo sa Kagurangnan na saindong Dios, kaipuhan otobon nindo iyan. Sisingilon kamo nin Kagurangnan asin magkakasala kamo kun dai nindo otobon iyan.

Hebreyo 10:31

Makangingirhat an padusa nin Dios na buhay sa mga tawong naggigibo nin siring!