Exodo 22:23 - Marahay na Bareta Biblia

²³ Kun pasakitan nindo sinda dangan maghagad sinda sako nin tabang, ako, an Kagurangnan, matabang sa sainda.

Exodo 22:23 ပူးပေါင်းရင်းမြစ်များ

An Libro ni Job 34:28

Sinda an nagin dahelan kan pag-agrangay sa Dios kan mga dukha, asin nadangog niya an inagrangay kan mga nasasakitan.

An Libro ni Job 35:9

“Huli sa pang-aapi, nag-aagrangay an mga tawo; naghahagad sinda nin tabang tanganing ikaligtas sa mapang-api.

Salmo 10:14

Alagad nahihiling mo; namamasdan mo an kahorasaan asin kasakitan; danay kang andam sa pagtao nin tabang. An dukha minasarig sa saimo; ika an danay na nagtatabang sa mga ilo.

Salmo 140:12

Kagurangnan, aram kong tinatabangan mo an mga nasasakitan; asin an mga daing sukat tinatawan mo nin katanosan.

Salmo 145:19

Itinatao niya an kamawotan kan mga natatakot saiya; dinadangog niya an agrangay ninda asin iliniligtas niya.

Salmo 18:6

Sa sakong kasakitan nag-apod ako sa Kagurangnan; nag-apod ako sa sakong Dios tanganing tabangan. Nadangog niya an sakong tingog sa saiyang templo; nakaabot sa saiyang pandangog an sakong inagrangay.

Salmo 68:5

Ama nin mga mayong ama asin parasurog nin mga balo; siring kaiyan an Dios sa saiyang banal na Templo.

Exodo 22:27

huli ta iyo sana iyan an gamit niyang tamong na makakapahimbong kan saiyang hawak. Ano pa an gagamiton niya sa pagkatorog? Kun maghagad siya sako nin tabang, dadangogon ko siya huli ta ako maheherakon.

Mga Panambitan 5:3

An samong mga ama ginadan kan mga kaiwal, asin an samong mga ina balo na ngunyan.

Lukas 18:7

Dai daw itatao nin Dios an katanosan sa saiyang mga pinili na nag-aagrangay saiya aldaw-banggi? Mag-aabala daw siya sa pagtabang sainda?

Deuteronomio 10:18

Tinatawan niya nin katanosan an mga ilo saka mga babaeng balo; namomotan niya an mga dayuhan na nakikihimanwa sa satong banwaan asin tinatawan niya sinda nin pagkakan saka gubing.

Deuteronomio 15:9

Dai nindo siya pagsayumahan sa dahelan na harani na an taon nin pagpatawad kan mga utang. Dai nindo pagtugotan na makalaog sa saindong isip an siring karaot na kaisipan. Kun dai nindo siya pautangon, mareklamo siya sa Kagurangnan laban sa saindo asin makokondenar kamo.

Deuteronomio 24:15

Aroaldaw, bago magsolnop an aldaw, tandanan nindo siya para sa trabaho sa aldaw na iyan, huli ta siya dukha asin iyan an saiyang pinaglalaoman. Kun dai nindo siya bayadan, maagrangay siya sa Kagurangnan laban saindo asin magkakasala kamo.

Santiago 5:4

Dai nindo binayadan an mga nagtatrabaho sa saindong mga oma. Dangoga nindo an saindang mga reklamo! An mga kinurahaw ninda nadangog nin Dios, an Kagurangnan nin mga hukbo.